Hodiaŭ mi faris salaton el spinaco, tempeo, kaj tutgrena pastaĵo. Mi surverŝis saŭcon el majonezo, soj(saŭc)o, kaj mustardo. La gusto de tempeo ĝenerale estas iom tro forta por mi, sed la tutgrena pastaĵo akordas kaj iom malemfazas ĝin. :gutkato_manĝilaro:

Krome, mi finpretigis neuzotajn vestaĵojn por forporto kaj iom atentis la proponojn de La bona lingvo. Movante sakon da vestaĵoj, mi fortimigis malgrandan araneon, kiu fuĝis al alia parto de la ĉambro… mi ekpensis forporti ĝin, kaj apudmetis manon al ĝi, sed mi ne kuraĝis insisti je la surmanigo. Mi ankoraŭ devas kutimiĝi malpli timi malgrandajn araneojn. 

#lang_eo #araneoj #bestoj #kuirado #taglibro #vivo

Kun somero venas armeo de malamikoj de homaro. Amasoj da muŝoj kaj kuloj, pretaj disporti malsanojn kaj suĉi nian sangon. Ĉu ni havas ŝancon kontraŭ tiuj senfinaj kontraŭuloj?  

Dankinde, ni ne estas solaj. Printempo ne nur plimultigas la maliculojn, sed ankaŭ portas novan generacion de herooj, kiuj staros ĉe nia flanko en tiu ĉi eterna batalo. 

Bonvenu, amikoj, en la mondon, kaj dankon pro via helpo! 

#lang_eo #araneoj #bestoj #fotoj #vivo

Estas granda araneo en mia dormoĉambro, kaj mi ne scias kie! Mi mortos! 

#lang_eo #araneoj #timo #vivo

Mi longe ne certis, ĉu la angulo de mia ĉambro ankoraŭ estas loĝata aŭ ne, sed mi ĵus vidis araneon moviĝi tie! 

Ĝenerale mi timegas araneojn, sed kiam ili estas malgrandaj, maldikaj, kaj almenaŭ iom malproksimaj, ili ne ĝenas min. Eĉ male: bonas havi etan helpanton! :taneŝima_gesto_bone:

#lang_eo #araneoj #bestoj #vivo

Verŝajne mi pli timas malhelajn araneojn ol helajn araneojn! Mi ĵus renkontis hele verdflavan araneon, kaj mi pensas, ke se ĝi estus bruna aŭ nigra, mi multe pli ĝin timus.

… tamen mi preferas ne tuŝi.

#lang_eo #araneoj #timo #vivo