Hodiaŭ mi trovis formikon sur ŝtupetaro. Tio pensigis min… ĉu formikoj bezonas ŝtupetarojn? Nu, kiel alimaniere ili grimpus al altaj lokoj? Ili estas malaltaj.
Mi timas altecon. Mi ne povus grimpi tiom altan ŝtupetaron. Mi timegus. Sed formikoj ne timas. Formikoj estas kuraĝaj.
Ĉu ne ni ĉiuj estas iusence formikoj? Ne. Sed eble, nur eble… jes.
Resaluton! Mi malsantiĝis antaŭ proksimume semajno. Mia stomako fartis tre, tre malbone. Sed nun mi sentas min jam multe resantiĝinta! Ankoraŭ manĝas iom atente, sed jam reeniras aktivan vivostilon. Do mi faru tion kun vervo! 
Mi povas fari tiom da aferoj! Mi faru ilin! Ne nepre mi devas fari ilin bone. Se mi havas eĉ iometan donacon fari ilin, ili kredeble ne fariĝos tute terure. Pli bonas havi aferojn, ol ne havi ilin! For la vakuecon! La suno leviĝas en la Malarkto! 
Kaj nun mia edzino kaj ŝia fratino butikumas, kaj mi matenmanĝas ĉokoladan panon kaj trinkas kafon sur la teraso de kafejo. Mi aŭdis kelkajn birdojn, merlojn kaj ankaŭ mian favoritan turfalkon ! Bonan dimanĉon al vi ! 2/2
Turfalko 
Tirifto 