Amikoj! Kaj malamikoj! Kaj aliaj homoj! Jes, precipe vi – vi, vi, vi! (Diablo! Sed ne vi.) Mi ĵus publikigis mallongan rakonton pri viro, kiu falis en inferon kaj tie manĝiĝis. 

Ĝi ne estas bela. Ĝi kredeble ne estas utila. Do kial? Kial, kial, kial? »Ĉar«, mi diras! Ĉar! Jes, amikoj – kaj malamikoj, kaj aliaj homoj – en la rakonto aperas ĉaro! Ĝi ne estas ĉaro, sed – ho! – ĝi ja estas ĉaro! 

Tre verŝajne ekzistas multe pli bonaj manieroj, per kiuj vi povus uzi vian tempon. Sed pri mi tio troviĝas iom dubinda. Ĵetu fiŝon en akvon, kaj kion ĝi faros? Naĝos, naĝos, naĝos! Kaj kredeble iam mortos? Ĉu fiŝoj mortas nature? Nu, la rakonto mencias fiŝojn, sed ili ne vere aperas en ĝi. Eble. Dependas de onia difino de fiŝo, sed… plejparto de la mondaj sciencistoj kredeble konsentus kun mi. Mi jam estas tia facile konsentebla homo. Eble ne por vi, sed por mondaj sciencistoj – eble jes! 

(Ho, kaj averto: La rakonto povas esti iom malkomforta por homoj sentemaj aŭ malamantaj aferojn malbelajn. Eble. Estas malfacile por mi diri, ĉar mi kredeble ne estas tia persono. Eble.) 

#lang_eo #rakontoj #verkoj

Mi ĵus publikigis novan mallongan rakonton kun la nomo »Tiun ĉi nokton«. Ĝi rakontas pri eksterordinara nokto plena de memorotaj okazoj. Mi esperas, ke ĝi plaĉos al vi! 

Legu plej bone kun taso da varma lakto aŭ kakao. 

#lang_eo #rakontoj #verkoj

Mi ĵus publikigis novan rakonton »Livero«. Ĝi temas pri franca junuliĉo, lernanta vitristo, kiu liveras glason al sinjoro en proksima urbeto. Mi rekomendas legi ĝin kun pomsuko, pomvino, aŭ zingibra teo. Kaj iom da indulgo, se vi estas franco. Bonan legapetiton!  

#lang_eo #rakontoj #verkoj

Iuj homoj faris kaj uzas etikedojn por montri, ke iliaj verkoj estas faritaj home, sen helpo de maŝina lernado. Sed ĉar neniu el ili sufiĉe plaĉis al mi, mi faris mian propran. 

Nun aliuloj povas uzi ĝin, aŭ (pli verŝajne) trovi, ke ĝi ne sufiĉe plaĉas al ili, kaj fari sian propran. Varieco ja estas spico de homa vivo. 

#lang_eo #AI #artefarita_intelekto #ML #maŝina_lernado #retetikedoj #verkoj

Hodiaŭ mi publikigis novan rakonton kun la nomo »Mortanĝelo«. Ĝi temas pri verkisto, kiu pasigas siajn lastajn momentojn per lukto kontraŭ tempo, strebante fini sian lastan strekon antaŭ sian lastan spiron, antaŭ ol la mortanĝelo lin forprenos. 

Mi pensas, ke la rakonto bone akordas verdan teon aŭ cikorion. Agrablan legadon. 

#lang_eo #arto #rakontoj #verkoj

Mi ĵus publikigis tre mallongan teruran rakonton: La kelo. Ĝi estis skribita en konkureto kun @jadedctrl, kaj iom inspirita de la teruraj rakontoj de @vilhelmo. 

Teruro estas nekutima kaj eksperimenta verko-speco por mi, sed jen. Eble vi almenaŭ timetos. 

#lang_eo #rakonto #rakontoj #teruro #verko #verkoj

Mi ĵus publikigis novan, tre mallongan rakonton: »Fulmo«. Ĝi estas facila por cerbo kaj koro. Mi invitas vin legi kaj komenti! (Kaj kopii, redakti, traduki… ĉar ĝi estas libera, laŭkutime.) 

#lang_eo #arto #libera_arto #libera_kulturo #rakontoj #verkoj

Torĉon de la idealo ni fiere portas,
ĝis aŭ korpo aŭ la flamo iutage mortas.
Aŭ, se Dio veni lasos, ni la celon venos,
kaj torĉojn de idealo ĉiuj homoj tenos.

Forte brulas justa fajro je torĉo kaj koro,
sed ni devos ĝin finporti ĝis forfora foro;
foro, kiun la okuloj ne kapablas koni,
kaj en kiu por espero tro facilas droni.

Forte brulas la kuraĝo je unua paŝo,
sed je lasta ĝi paliĝas, etiĝas ĝis kaŝo.
Forte revas juna homo pri la faroj samaj,
kiujn ĝi en maljuneco ofte trovas vanaj.

Ne rigardu foran foron, serĉante la tempon,
en kiu la idealo festos sian venkon!
Ne tie vi trovos pacon, nek pli grandan forton,
ĉar ne eblas al mortulo malkovri la sorton.

Por la ŝarĝo surprenita ne serĉu kompenson;
neniu ĝin povos pagi, forĵetu la penson!
Se la flamo ektenita konsistigas bonon,
vi jam havas tion, kio vivindigas homon.

Ni ne estas destinitaj atesti sukceson,
nek de vojo suferita anonci la ĉeson.
Ni ne estas tiuj, kiuj montopinton tuŝos,
nek kiuj la bonajn penojn kaj intencojn fuŝos.

Torĉon de la idealo ni fiere levas,
por la ŝanco de justeco, pri kiu ni revas.
El ni ĝia malgrandeco ne elpremos larmon,
ĉar apud la justa flamo ni eltrovis varmon.

 (Ĉi tiu verko estas libera sub la Permesilo de arto libera. Ĝuu ĝin laŭplaĉe!)

#lang_eo #Esperanto #poemarto #poemoj #verkoj

Mi ĵus publikigis alian tre mallongan rakonton »La arbo«. Ĝi temas pri arbo sur fundo de maro. 

Krome, mi provis ligi ĉiun paĝon de la retejo al la novaĵ-fluo, tiel ke novaĵ-legiloj povu facile trovi ĝin. Se vi provos aboni, bonvolu sciigi min, ĉu tio funkciis aŭ ne! 

#lang_eo #rakontoj #verkoj