Antaŭ kelka tempo mi provis uzi Telegramon. Ĝi estas interreta komunikilo, unu el la pli popularaj, precipe inter esperantistoj. Kaj mia sperto kun ĝi, je mia granda surprizo, superis miajn atendojn. Nun vi povas legi pri ĝi en mia nova blogafiŝo! 
Laŭkutime, ne hezitu atentigi min pri rimarkitaj mistajpoj, eraroj, mallertaĵoj. Mi jam korektis kelkajn tuj antaŭ publikigo, do tre eble restas pliaj, kaj mi ĉiam deziras poluri mian lingvo-uzon. 
Nova ĝisdatigo de #Thunderbird! 
… la listo de mesaĝoj aspektas iom malbone nun. Kaj kvankam mi ne tute certas, mi pensas, ke mi havis menubreton antaŭe.
Eble mi reprovu alian klienton. Sed ne vere ekzistas pli bonaj klientoj, kiuj ankaŭ prizorgus kontaktojn ktp. 
#lang_eo #libera_programaro #programaro #programoj #refasonado #retpoŝto #teĥnikaro
Mi ideis genian simpligan ŝanĝon al mia programo, kaj simplige reskribis la tutan planon laŭ ĝi. 
… kaj poste rimarkis, ke ĝi verŝajne ne funkcios, kaj do mi verŝajne rereskribos la tutan planon laŭ la originalo. 
[Git] kaj mi ne estas bonaj amikoj. :gutkato_ĝengrimacas:
Freŝdate mi serĉis programon por planado de taskoj, kiu havas grafikan fasadon, ne postulas multan penon, kaj povas speguli la taskojn per interreto.
Tre longe, mi ne povis trovi tian programon. Multaj aspektis bone, sed ne povis speguli taskojn rete. Aliaj povis, sed ne havis grafikan fasadon. Mi antaŭe uzis la programon Evolution, sed ĝi postulis iom tro da peno. Mi provis instali la programon Merkuro Calendar, kiu aspektis bona, sed ĝi petis min instali 332 aliajn programojn unue. (Jes, ĝi estas parto de la programaro KDE.)
Do fine mi mordis la lastan frukton, naskitan de malespero… kaj mi instalis on Mozilla Thunderbird. Mi memoris ĝin (de antaŭ kelkaj jaroj) kiel tre pezan kaj malrapidan retpoŝtilon, sed mi iomete esperis, ke eble ĝi ne tiom malbonus por planado de taskoj.
Kiom mi surpriziĝis, kiam mi rulis ĝin! La fasado aspektis tute malsame, ol en mia memoro. Tre simpla kaj pura, tute ne peza. La fasado por taskoj ne estas ideala, sed mi povis aranĝi ĝin sufiĉe komforte, kaj mi povas aldoni novajn taskojn sufiĉe rapide. Kaj ĝi konektiĝis al mia reta kalendaro tre facile! Mi devis agordi nenion! Kaj ĉar ĝi povis fari same pri mia retpoŝto… mi nun ankaŭ uzas ĝin kiel mian retpoŝtilon. Kaj adresaron.
Eble mi malpravas, ĉar mi ne atentis proksime la evoluon de tiu ĉi programo… sed kiom Firefox kaj Mozilla ĝenerale ŝajnas velki, tiom Thunderbird ŝajnas nun flori. Bizare, ĉu ne? Sed ankaŭ bele! Dankon pro la nova hejmero, @thunderbird.
#lang_eo #Mozilla #libera_programaro #Thunderbird #programoj #taskoj #taskiloj 
otfiriT 
