Venas eterna festo
Al ni venas Novjaro
Ĝi ne devas malfrui
Amikoj, ni sekvu ĝin!
Flugas multaj neĝeroj
La decembro daŭras
Same kiel malvarmo
Kiuj ĝojigas nin ĉiujn
Flugas neĝeroj
Estas neĝa stelfalo
Flugas neĝeroj
Flugas neĝeroj
Estas neĝa stelfalo
Flugas neĝeroj

Per revoj plenas urbo
Donas al ni donacon
La Betleĥema stelo
Lumigas ĉiujn korojn
Glora Betleĥemo
Donis vivon al ĉiuj
Brila stelo en la ĉielo
Donas lumon al ĉiuj

Flugas neĝeroj
Estas neĝa stelfalo
Flugas neĝeroj
Flugas neĝeroj
Estas neĝa stelfalo
Flugas neĝeroj

Ĝi brulu por ĉiam
Kaj neniam estingiĝu
Ĝi brulu en la ĉielo
Kiel la floro en hararo
En malhela ĉielo estas vojo
Ne forgesu pri tio
Lumo alvenos al vi
Ne forgesu pri tio

Rigardu, flugas neĝeroj!
Estas stela neĝfalo
Flugas neĝeroj
Rigardu, flugas steloj!
Estas neĝa stelfalo
Flugas steloj
Rigardu, flugas neĝeroj!
Estas stela neĝfalo
Flugas neĝeroj
Rigardu, flugas steloj!
Estas neĝa stelfalo
Flugas steloj...


#kantoj #Novjaro #decembro

Mallonga uverturo - mi tuj diru al vi ĉiuj:
La kulturo de muziko estas preskaŭ mortinta.
Soveta ŝtato bezonis nek Penderecki, nek Slonimskij
Rusia ŝtato bezonis nek Slonimskij, nek Penderecki
Infanoj fekpopmuzikon maĉas
Kaj al klasika muziko kraĉas...

Sed ekzistas perversuloj
Ili kredas, liberuloj
Ke andanto aŭ skerco
Pli bonas ol unca-unco
Rakontas tiuj stranguloj
Ke ekzistas Donicetti
Kaj ke ekzistas Skarlatti
Aŭskultu ilin, infanoj!
Ili zorgas pri animoj
Kaj atendas la miraklon
Sed ridegas unca-unco
Kaj sonaĉas de ĉiuj flankoj...

Mi aĉetus por infanoj la fluton
Por ke ili purigu animojn
Sed fiuletoj aŭskultas
Nek Wolfgang-on Amadeus
Nek Beethoven-on, nek Gljuck-on,
"Dolorige!" - ili diras,
"Enuige" - ili diras, "Aĉegas!"
Kaj mi volis aĉeti hobojon
Por ke ili purigu animojn
Kaj por ke mi dum ripozo
Dormus en mia hamako
Kaj du de miaj gefiloj
Ludis por ilia avo...

Kiu nun komencos ludi
Valsojn, tangon kaj mazurkon?
Eksaj konser-vato-riistoj
Nun ludas en la drinkejoj!
Kiu malfermos partituron?
Kiu varmigos niajn korojn?
Violono stultas niatempe
Stratokastro mojosas!

Ĉu vi memoras, amiko
Duan koncerton de Beethoven?
Tie estas unu parto
Kiun mi ŝategas:
Violonoj - ti-ti-ti-ti,
Piano - turum-turum!
Violonoj - titi-ti-ti-ti!
Piano - turumrurum!
Ja vere belegas tio,
Vere alta nivel'!
Ni ĉiuj kore dankas
Beethoven-on por tio!

Infanoj venas vidi idolojn
Kaj frenezi ĉe idolaj koncertoj
Sed krioj kaj larmoj de admirantaj adoleskantoj kondiĉitas per politiko de la televidkanaloj kaj de grandaj radioelsendoj! Tiel ili enspezas monon, sed konsciencon ankaŭ havu!

Ludu Grig-on, ni petegas!
Ludu, ludu Skarlatti!
Sed respondas la aĉuloj
Ke Skarlatti ne nuntempas
Kaj ke Grig ne popularas
Ili scias, kion fari
Do, ni ĉiuj aŭskultu
Birdnomitan kantistinon!

Kaj se Strauss alportis tien novan valson
Ili dirus: "Denove? Vi multnombras!
Do, pagu unue por la elsendo
Kaj poste ŝaltu vian bemolon!"

Ja devas esti io sankta,
Belega, kaj... niatera!
Neniu povas mortigi arton!
Hendel vivis! Hendel vivas, kaj daŭre vivos!

Al gefiloj mi ŝaltu Bach-on!
Al gefiloj mi ŝaltu Mozart-on!
Mi alkutimigu ilin al arto
Eĉ se mi ilin perfortu!
Kiam ili plenkreskiĝos
Ili diros: "Dankon, paĉjo!"
Ĉar ofte bonulojn
Oni kreskigis per severeco!
Tadam-tadam!
Tam-param-tam-tam-tam-param...


#kantoj #traduko #nostalgio

Donu al mi vian kor'
Donu al mi vian kor'
Donu al mi vian kor'
Kaj rideton!
Donu al mi vian kor'
Donu al mi vian kor'
Donu al mi vian kor'
Brustojn, gambojn!
De kor', de kor', de kor' donu al mi peceton!
Per kor', per kor', per kor' amu unufoje!
De kor', de kor', de kor' donu al mi peceton!
Donu ĝin al mi, kaj mi gardos lin
Zorgeme!

Kaj nenion plu!
Kaj nenio plu!

De kor', de kor', de kor' donu al mi peceton!
Per kor', per kor', per kor' amu unufoje!
De kor', de kor', de kor' donu al mi peceton!
Donu ĝin al mi, kaj mi gardos lin
Zorgeme!

Ho? Nenion
Mi trovas en via kor'
Nenion! Do amon
Via kor' ne havas plu!
Aha! Nenion
Mi trovas en via kor'
Nenion! Do amon
Via kor' ne havas plu!

De kor', de kor', de kor' donu al mi peceton!
Per kor', per kor', per kor' amu unufoje!
De kor', de kor', de kor' donu al mi peceton!
Donu ĝin al mi, kaj mi gardos lin
Zorgeme!

#kantoj

Ĉiutage mi vidas
Multajn robotojn
Sed ĉi tiun mi vidas
Unuafoje
Eble, oni muntis ĝin rapidege
Kaj malĝuste konektis iujn dratojn

"Mi estas roboto
Kaj mi freneziĝis
Mi estas roboto
Kaj mi freneziĝis..."

Certe, mi ne kredis kelkajn nuancojn
Ĉar kontrolo gravas en nia laboro
Eĉ se laŭ paperoj ĝi estas 127
Ĝi aspektas kiel tute 220-volta

"Mi estas roboto
Kaj mi freneziĝis
Mi estas roboto
Kaj mi freneziĝis..."

Sed kio povas funkcii eterne sen paneoj?
Intence, ĉion eblas rompi...
Nu, almenaŭ frenezan roboton mi havu
Se ne eblas trovi la normalan

"Mi estas roboto
Kaj mi freneziĝis
Mi estas roboto
Kaj mi freneziĝis
Tute"

Najbaroj nun vizitas min ĉiutage
Kaj krias ekstaze, vidante ĝin
Sed mi ne komprenas ilian miron
Nu, roboto, nu, ĝi parolas - kion do?

"Mi estas roboto
Mi volas havi bebojn
Mi estas roboto..."

#kantoj

Homoj kun pafiloj gardas la mondon
Homoj kun pafiloj volas pacon
Por ke mi laboru kaj nutru familion
Por ke infanoj ridu en kortoj!
Homoj ne hazarde havas pafilojn
Al homoj kun pafiloj iu donis ilin
Simple por protekti min
Kaj preventi terorismon kaj krimojn!
Homoj kun pafiloj savos nin
De aliaj homoj kun pafiloj
Aĉajn homojn kun pafiloj ili mortos
De malbonaj ili faros barilon!
Sed se la malbonaj venkos
Ne tiuj homoj estis malbonaj:
Tion klarigos al ni la bonaj
Antaŭ forpreni sendependecon!

Kion vi diras? Kiuj homoj kun pafiloj?
En la dancejo saltas gajaj junuloj
En la necesejo oni dividas la monon
Ja kiuj homoj? Kun kiuj pafiloj?

Dum liberuloj hezitas, kaj dekstruloj volas sangon
Adoleskantoj iras al festoj kaj halucinas
Postmorgaŭ ili ĉiuj devas iri lernejen
Sed tio povus ne okazi
Dependante de kiel vi spendis feriojn
Iun savos ies paĉjo
Kaj aliaj iru alvokejen
Agresemuloj volas militon
Sed homoj kun pafiloj gardas la mondon
Homoj kun pafiloj volas pacon!

Ĉesu kanti! Ni devas
Tuj paki kaj fuĝi!
En la dancejo ploras ĉiuj junuloj
Sur ĝia planko kuŝas mortuloj
Tie estas homoj en maskoj
Kaj kun pafiloj!
(Pif-paf! Pif-paf!
Certe!
Pif-paf!
Komprenite!
Ratatatatata!)
Homoj kun pafiloj gardas la mondon
Homoj kun pafiloj volas pacon (Certe!)
Por ke mi laboru kaj nutru familion (Komprenite!)
Homoj ne hazarde havas pafilojn
Iu donis ilin al homoj kun pafiloj (Certe!)
Nur por ke ili protektu min (Komprenite!)
Kaj preventu terorismon kaj krimojn...

#kantoj #antaŭvidebleco

Leviĝu kaj rigardu
La mondon ĉirkaŭ vi
Kia ĝi estis antaŭe
Kaj kia ĝi estas nun
Kie estas tio, pri kio vi revis
Kaj kiu vi estas nun
Kio vin ne plu interesas
Multaj aferoj okazis ekde tio
Ie en pasinteco restis lernejkortoj

Nek feliĉo, nek amikoj
Estas en ĉi tiu realeco
Vi eknaĝis malĝustan riveron
Kaj nur fantomaj sonĝoj
Gvidas vin malproksimen
Kie realiĝas ĉiuj revoj
Kaj vi ankoraŭ bedaŭras pri nenio
Atendu neniun!
Vestiĝu kaj kuru!
Por ke antaŭe aperos novaj lumoj!

Neniu neniam
Revenigos vin hieraŭen
Sed tio ne estas problemo!
Vivo ĉiam havas kion diri!
Ekbruligu la mondon
Se ĝi ne donas esperon
Dum vi viglas kaj liberas
Kaj ankoraŭ spiritfortas
Iru! Kuru!

Nek feliĉo, nek amikoj
Estas en ĉi tiu realeco
Vi eknaĝis malĝustan riveron
Kaj nur fantomaj sonĝoj
Gvidas vin malproksimen
Kie realiĝas ĉiuj revoj
Kaj vi ankoraŭ bedaŭras pri nenio
Atendu neniun!
Vestiĝu kaj kuru!
Por ke antaŭe aperos novaj lumoj!

Elspiro... Enspiro...
La mondo ne tiel malbonas
Nun vi mortas
Sed nur tiel vi forĵetos viajn ĉenojn
Iru, kuru
Tien, kie estas viaj revoj
Kaj eble, vi atingos
La foran landon de revoj kaj printempo

Kaj nur fantomaj sonĝoj
Gvidas vin malproksimen
Kie realiĝas ĉiuj revoj
Kaj vi ankoraŭ bedaŭras pri nenio
Kie estas ĉiuj, kiujn vi amis
Kaj via patro ankoraŭ ne maljunas
Kaj via idealo
Ne bruliĝis en infera flamo de pasioj
Atendu neniun!
Vestiĝu kaj kuru!
Por ke antaŭe aperos novaj lumoj!

#kantoj

Kial tiel malvarmas? Ĉu mi maljuniĝas?
Ĉu mia sango malvarmiĝas?
Mi tuŝis la hejtadtubon. Ĝi estis malvarma
Do, mi ne maljuniĝas -
la lando mankas varmon!

Riparisto, saĝa kiel Landau,
ĉion tuŝis kaj kraĉis.
Diris, ke la fosto aĉegas
Do la akvo ne fluas,
Temas pri subtera tubo
Ne pri tio, pri kio vi pensis
Kaj tiu alia fosto
Estas tute malsama.
"La presuro ne estas bona
Vi ja devas ripari ĉion!"
Kaj foriris kun grava mieno
Por certe ripari necesejon.
La hejmestro diris "Pardon',
Por riparo ni mankas monon!"

Mi kontaktis deputiton,
Li estas seriozulo,
Sed ankaŭ malklerulo
Kiel reĝo Henri VI
"Nia partio helpos
Travivi ĉiujn frostojn!
Ni donacas la ŝtrumpetojn
Kun partia bonkoro!"

Mi vizitis la urbestron
Ankaŭ seriozan homon.
Li aspektas kiel Lenin
Kaj tuj respondas tiel:
"Nu certe, ne zorgu!
Ni helpos - pli malfrue.
Ni finiĝos stadiumon
Kaj riparos la foston!
Nia lando bezonas sporton!"
Kaj montras al mi portreton
Mi rigardis en portretajn okulojn
"Mi komprenas. Dankon!"
Kaj la urbestro komencis labori
Per fosi la grandan truon.

Familio plenfrostiĝis.
"Kiuj fiuloj!" - mi pensas.
Tiu homo sur portreto
Onidire, estas bona.
Ho, estas lia rekta linio -
Komuniko kun popolo!
" - Kiu vi estas?
- Polusisto!"
Jen la unua vico!

Li estas severema kiel Tarkvemada
Sed justema kiel Marcus Aurelius.
Mi rakontis pri mia fosto...
"Registaranoj frostigas popolon? Ĉu ili trovarmiĝis, fiuloj?!"
Nu, ne ekzakte tiuvorte, sed samsignife.

"Eĉ sen ili mi estas tiel okupita!" - li diras.
"Ekzemple, mia najbaro aĉuliĝis...
Sed se ĉiuj tromalvarmiĝus aŭ foriros OIŜen (malpermesita organizo en Rusio)
Kun kiu mi kaptos Izmaelon?"
Kaj foriris denove batali por paco
Aŭ, pli klare, bati iun en necesejo.

Post unu horo al mia hejmo
Venis tiom da homoj!
Riparistoj, ĵurnalistoj
Ambulanco, flegistoj,
Deputito, du juĝistoj,
Kaj urbestro kun ŝraŭbilo!

Ni luktas por libereco,
Ni heroas kiel Danton
"Contre nous la tyrannie!"
Ĉiuj krias "Iru for!"
Sed kiu riparos foston?
Aŭ eĉ la tegmenton?
Ni ja pereos sen li!
Pensu pli, kaj profunde!

La avantaĝo de aŭtoritara reĝimo:
Li diros - kaj ni tuj ekkuros!
Venontjare mi denove vizitu lin
Kaj rakontu pri likanta tegmento.
Do, radikaloj, restu trankvilaj
Por almenaŭ unu jaro....

#kantoj

Bonvenon al mia realeco
Mi bonvenigas vin en la fino de vojo
Pardonu mian nekutimecon
Sed tio puŝos nin antaŭen

Ĉe la mondkruciĝo
Fandiĝas frostita sango
Ne sperteblas doloro
Kaj eblas dividi per nulo

Bonvenon hejmen
Ni komencu novan batalon
Mi salutas vin en vera batalo
Nenio povas esti alia
Ni tuj finiĝu tion
Mi komencas novan batalon
Ĉi-foje - kontraŭ mi mem!

Nun ni havas nur unu taskon
Atingi la punkton kaj ne perdi
Liberecon kaj fidelecon - kiel alie?
Ne eblas kompreni la vivon pli

Ĉe la mondkruciĝo
Fandiĝas frostita sango
Ne reflektas lumo
En la mondo, kiu ne ekzistas!

Bonvenon hejmen
Ni komencu novan batalon
Mi salutas vin en vera batalo
Nenio povas esti alia
Ni tuj finiĝu tion
Mi komencas novan batalon
Ĉi-foje - kontraŭ mi mem!
Bonvenon al la batalo
Ĉi-foje - kontraŭ si mem!
Bonvenon al la batalo!

#kantoj #tradukoj #metalroko

Averto: ĉi-kuntekste "kaproj" signifas "aĉuloj"

En la mondo estas diversaj homoj
Saĝaj aŭ stultaj
Adoleskantoj kaj infanoj
Plugistoj kaj artistoj
Militistoj kaj sportistoj
Pilotoj kaj ambasadoroj
Karpentistoj, kuracistoj, bakistoj
Sed ankaŭ estas kaproj!
Homo-kapro ne aspektas kiel kapro
Vi ne pensus ke li estas kapro
Vi pensus: "Eble, li ne estas kapro",
Sed poste komprenus: "Kapro!"
Lia naturo malfermas ne tuj
Li ne blekas kaj ne fekas
Sed kiam li diros ion maltaŭgan
Vi diros: "Kia kapro!"

Mi malamas kaprojn
Mi malamas kaprojn
Mi malamas kaprojn
Kaprojn mi malamas!
Mi malamas kaprojn
Mi malamas kaprojn
Mi malamas kaprojn
Kaprojn mi malamas!

Jen simpla kapro, ne ŝtatserva
Li ne tiel dolorigas
Deputito-kapro pli malbonas
Kaj kapro-militestro aĉas!
En ĉiuj landoj kaj epokoj
Ni vidas ĉi tiun bildon
Jen kapro sur rapida kapro
Kriegas: "Ŝafoj, al mi!"

Mi malamas kaprojn
Mi malamas kaprojn
Mi malamas kaprojn
Kaprojn mi malamas!
Mi malamas kaprojn
Mi malamas kaprojn
Mi malamas kaprojn
Kaprojn mi malamas!

"Ĉiuj viroj estas kaproj!" Malveras!
Genro ĉi-kaze ne gravas!
Edzoj-kaproj aĉegas,
Sed ekzistas edzinoj-kaproj!
Aliflanke, povus okazi, ke ĉiuj estas kaproj
Verŝajne, kaj timige - eĉ la plej heroa heroo!
Se en via domo ekodoris kapre
Odorigas televidilo
Malŝaltu kaj ventiligu!
Ja kien ni kaŝu de ili? Kial ni estas ĉi tie?!
Nia kalendaro estas speciala - ĉiu jaro estas Jaro de Kapro!

Mi malamas kaprojn
Vi malamas kaprojn
Vladimir Vladimiroviĉ malamas kaprojn
Kaprojn li malamas!
Mi havas plian demandon:
Se ni tiel malamas kaprojn
Kaj ilin malamas ĉiuj
KIAL ĈIAM REGAS KAPROJ?!

Oh, when the goats go marching in
When the goats go marching in
No, I don't want to be in that number
When the goats come marching in!

Mi malamas kaprojn
Mi malamas kaprojn
Mi malamas kaprojn
Kaprojn mi malamas!
Mi malamas kaprojn
Mi malamas kaprojn
Mi malamas kaprojn
Kaprojn mi malamas!

#kantoj #traduko