Bi urte daramagu DENON BASOA irratsaioarekin, Antxeta Irratiaren babespean eta 63. irratsaioaren ondoren proposamen berri bat, dinamikoago bat, aurkeztu nahi dizuegu: LURRALDE KOMANTXE izena jarri diogu, erresistentzia eta proposamen berriren gune izan nahi duelako DENON BASOA den era berean, baina berri motzez osatua, hau da, egunerokotasuna duten berri motzak eskatzen dizkiegu BASO BIZIAK PLATAFORMAko taldeei, izan landaketak, hitzaldiak, ekimenak eta gauza bera zuei, entzuleei. Ez da etorriko DENON BASOA ordezkatzera, osagarria izango da.
2024ko maiatzaren 17an argitaratu zen BERRIAn Ana Terra Amorim-Maia BC3ko zientzialariaren ¿Zer dira aterpe klimatikoak? artikulua. Artikulu hori aprobetxatuz eta ikusirik maiatz honetan aparteko bero-boladak izaten ari garela, pentsatu dugu une egokia dela BABESLEKU KLIMATIKOEI buruz hitz egiteko. Horrela dio Anak artikulu horretan, besteak beste: "Gainera, babesleku horiek ez dira klima-aldaketari aurre egiteko irtenbide bakartzat hartu behar, egokitzapen-neurrien artean dagoen estrategiatzat baizik.
Aurten, maiatzaren 16an, larunbatarekin laugarren BASO BIZIEN EGUNA ospatuko dugu BASOS ELKARTEAren eskutik non eta Gernika ondoko MUXIKAn. Sekulako programa prestatu dute, egun osoakoa eta aukera asko ematen dituzte izan goizean, eguerdian edota arratsaldean menu dotoreaz gozatzeko: Mendi buelta, bertsolariak, bazkaria, bideoa eta solasaldia, azken hauek ASTRA eraikinean. Aitzaki gutxi, beraz, toki bat egiteko zure agenda betean, Naturari eta basoari.
Keko Alonso, Besaia enpresako biologo eta sustatzailea, 'Kolore guztietako basoak' proposamenak dituen 170 laguntzetako bat da. Plataforma hori 2017an sortu zen, kontserbazioaren mundutik eta baso autoktonoaren sustapenetik zetozen eta monolaborantzari alternatiba produktiboak bilatzearekin lotuta zeuden pertsonen topaketatik.
BasoBiziakPlataforma
Aitor Errazkin Basurko