Aurtizko Koianea Ttikian eskuz binakako pilota txapelketa antolatu du Iturengo Udalak

Pilota goxoarekin jokatuko dute txapelketaren lehen edizioa udaberrian eta izena eman daiteke martxoaren 10era bitarte Joan den urtean berritu zuten Aurtizko Koianea Ttikian binakako lehen pilota txapelketa antolatu du Iturengo Udalak, udaberriari begira. Joan dela urte batzuk txapelketak antolatzen ziren bertan eta arrakasta ederra izaten zuten. Binaka izanen da txapelketa, pilota goxoarekin. Martxoaren 10era bitarte ematen ahalko da izena. Hamabortz urtetik goitiko edozein apunta daiteke. Bikote bakoitzak hogei euro ordaindu beharko ditu.