Giro onean egin dute Lerro Dantzen Eguna Donezteben

Lerro dantzetan aritzen direnen bilgune izan zen Doneztebe martxoaren 28an. Larunbat goizeko eguraldi txarrak ez zituen kikildu, eta zapia eta kapelua soinean aritu ziren dantzan. Parte-hartzaileek Neli Iantziri eskerrak eman nahi izan zizkioten, «mila esker dantzarako taldea sortzeagatik!»

Doneztebeko bestak iragartzeko kartel lehiaketa antolatu dute

Lehiaketan parte hartu nahi dutenek apirilaren 29a baino lehen aurkeztu beharko dituzte beren lanak

Iruñeko Alde Zaharreko erremonte txapelketako finalerdiak jokatuko dituzte ortziralean Labriten

Euskal Jai Erremonte Fundazioak eta E•remonte enpresak antolatutako Iruñeko Alde Zaharreko XII. erremonte profesionaleko txapelketa - Construcciones Mariezkurrena Sari Nagusiaren finalerdiak aurkeztu zituzten asteartean Iruñeko Labrit pilotalekuan. Hain zuzen, hiriburuko frontoian jokatuko dituzte finalerdiak apirilaren 3an, ortziralean 18:30ean hasiko den jaialdian. Lehen mailan, Matxin III.ak eta Ionek, min hartutako Zeberio II.aren ordez ariko den Mikel Mikelarena oiztarraren eta Otanoren kontra jokatuko dute eta promozio mailan, berriz, Oses eta Agirrezabala, Jon Sagaseta iruritarraren eta Baztanen kontra.

Itziar Agirre eta Haira Aizpurua nagusitu dira Iruñeko Bertxhori sariketan

Atzo jokatu zuten Bertxhoriko finala Iruñeko Laban. Jende aunitz bildu zen eta publikoak hala erabakita Itziar Agirre Sagaseta donamariarrak eta Haira Aizpurua Ibargarai saratarrak irabazi zuten finala. 

[ARGAZKIAK] Bertso saio esperimentala egin du Malerrekako Helduen Bertso Eskolak Gaztelun

Korrika aitzakia hartuta egin zuten saioa ortziralean eta helduen bertso eskolako kideez aparte, Doneztebeko haurrak ere aritu ziren kantari.

Eneit Bertiz sunbildarra lider da Green Series nazioarteko mendi bizikleta txapelketan - Malerreka - Erran.eus

Igandean Erandion jokatutako proban lehenbizikoa izan zen 23 urtez beheitikoen artean eta laugarren sailkapen orokorrean Green Series Challenge nazioarteko XCO mendi bizikleta txapelketako lasterketa izan zuen Eneit Bertiz Apezetxea sunbildarrak igandean Erandion. 23 urtez azpikoetan lehena izan zen eta sailkapen orokorrean, berriz, laugarren. Emaitza honekin, bere kategorian lider jartzea lortu du, martxoaren 15ean Artxandan jokatutako lehen lasterketan bigarren izan baitzen.

[ARGAZKIAK] Ezin ederragoa izan da aurten ere Sunbillako Asteburu Kulturala - Malerreka - Erran.eus

Larunbateko mus txapelketan 21 bikotek hartu zuten parte eta Patxi Mariñelarena eta Koro Zelaieta izan ziren irabazle Sunbillako Asteburu kulturala ezin ederragoa izan da. Ortziralean jokoak, musika eta ogitartekoa izan zuten. Larunbatean, berriz, goizetik puzgarriak frontoian jarri zituzten. Arratsaldean, Kuatukada taldeak bere emanaldia eskaini zuen herrian barrena. Ilunabarrean Ulibeltzak elkartean, herriko talogileen taloak dastatzeko aukera izan zen.

Uterga eta Mitxeo zuzenean sailkatu dira Iruñeko Alde Zaharreko erremonte txapelketaren finalerako

Iruñeko Alde Zaharreko XII. erremonte profesionaleko txapelketa - Construcciones Mariezkurrena Sari Nagusiaren final laurdenetako seigarren jardunaldi erabakigarria jokatu dute martxoaren 28an, Doneztebeko Ezkurra pilotalekuan. Donezteben jokatu den azken jardunaldia izan da, apirilaren 3ko finalerdiak eta apirilaren 10eko finala Iruñeko Labriten jokatuko baitituzte. Hain zuzen, Xanti Uterga eta David Mitxeo doneztebarrek finalerako zuzeneko sailkapena lortu zuten, Zeberio II.a eta Barricarti 35-31 irabazi ondotik. Hauentzako ez zen porrot mingarria izan, hogeita hamaikagarren tanto horrekin lortu baitzuten finalerdietarako sailkatzea.

Garaipena lortu du Martixpe erremontista doneztebarrak profesionaletako lehen partidan - Malerreka - Erran.eus

Bertze aldetik, Berria txapelketatik kanpo gelditu dira Jabalera eta Juanenea, bigarren partida ere galdu ondotik Martxoaren 28a egun seinalatua izanen da Imanol de Rueda Goñi ‘Martixpe’ erremontistarentzat (Doneztebe, 1997). Larunbatean Hernaniko Galarretan jokatutako jaialdiko lehen partidan Oriamendirekin debuta egin zuen profesionaletan eta garaipenarekin gainera. Goikoetxea VI.a izan zuen bizkartzain gibeleko koadroetan eta bi jokoak irabazi zizkieten Aiestaran VII.ari eta debuta egiten zuen Ugarte II.a zarauztarrari (15-14 eta 15-2).

Ilunberri 2 - Doneztebe 2