Faros de Galicia e Memoria Histórica

Négome a que me poñan límites. Négome a que me adoutrinen. Négome a ser instrumento conxuntural. Négome a que me confundan cambiando o accesorio polo fundamental. Négome a que a política usurpe o espazo do patrimonio social, cultural, ecolóxico e costumista. Reivindico o meu dereito humano a ser para decidir. A que paisaxe e veciñanza formen parte da miña identidade como pobo e comunidade que se comunica coa natureza da que procedo e onde quero seguir vivindo.

Estas impoñentes catedrais dun mar de cultura comezaron sendo emprazamento de fachos e vixías. E aos poucos, integrándose na paisaxe galaica costeira, pero sen esquecernos das súas funcións para a navegación, que no século XIX estivo infestada de traxedias entre a morte e aqueles raqueiros que fixeron do perigo unha fonte de riqueza. Ata que o Almirantazgo Británico obriga ao reino de España a elaborar o Plan Nacional de Iluminación Marítima -1847- do que se desprenden fermosos edificios de sinais e vivendas, constituíndo toda unha arquitectura costeira e sendo o primeiro o de Estaca de Bares.

Pero quedariamos curtos co relato historicista. Hai que memorizar como era a vida e o traballo nos faros. Eses técnicos-funcionarios-vixías que coas súas familias deron vida á paraxe e garda permanente aos nosos portos. Formáronse baixo a autoridade científica dos mellores enxeñeiros, creándose unha Escola de prácticas en 1850 en Alcobendas onde aprenden a ser quen mantén o servizo pero tamén as manobras precisas para a navegación costeira nocturna.

Se me piden que sinale algún destes monumentos marítimos, quedo con dous. O cíclope de Camariñas denominado Cabo Vilán, e esa obra mestra de César Portela en Punta Nariga preto de «a vila da vida na Costa da Morte-Malpica». Onde conflúen todos os granitos que existen en Galicia e refire un buque atracado cun mascarón de proa, que vista desde terra é un paxaro e vista desde a beira da mar é un humanoide. E é que aos faros hai que velos desde os ceos, desde a mar e desde terra.

Polo devandito, son devoto dos faros. O seu emprazamento. A súa historia. A súa conivencia con ceo, mar e terra, fainos catedrais da paisaxe. Lugar irrenunciable para a humanidade. E é que pertencen a tal. Os poderes públicos que se apuntan a súa propiedade non só non son dignos de confianza, é que tan só lles corresponde administrar o que nos pertence a todos. De aí os movementos cidadáns que non queren que Illa Pancha sexa un hotel máis para turistas. E é que a sociedade crítica e pensante debe máis pronto que tarde diferenciar viaxeiro de turista. Os primeiros son ben vindos, como o foi Ruth Matilda Anderson ou George Borrow. Viñeron á nosa Galicia e desde a admiración e o respecto deron fe coa súa obra para o noso orgullo.

Pablo Mosquera

A gran acollida ao Faro-Hotel de Illa Pancha

A gran acollida ao Faro-Hotel de Illa Pancha

Segunda cortina de fume en dez anos. En pleno Ribadeo Indiano saltou a noticia da prolongación da concesión para a súa explotación privada, sen que a Autoridade Portuaria de Ferrol-San Cibrao respondese a ningunha das peticións de información que a asociación Por Nuestro Faro lle dirixira respecto diso. O feito presentouse consumado, incumprindo a lei de transparencia e de dereito á información, para non ter que dar explicacións sobre o incumprimento da lei do Patrimonio Natural e da Biodiversidade.

Pero a primeira cortina de fume foi alá por 2015, cando Portos, Xunta e Concello de Ribadeo anunciaron, todos a un tempo, a marabilla de pechar a illa para uso exclusivo dos ocupantes de dúas suites nunha zona protexida. Ribadeo decatouse tamén polos xornais en abril de 2015, con todo, as xestións da empresa privada Eirobra xa empezaran dous anos antes. A adxudicación xestouse discretamente, sen concurso público nin trámite de competencia, e foi anunciada un mes antes de que o goberno de Rajoy anulase a lei que impedía o uso hostaleiro dos faros. Todo atado e ben atado antes de empezar, pola Autoridade Portuaria, a Xunta e o Concello, as mesmas entidades que foron amoestadas en dúas ocasións coa bandeira negra de Ecoloxistas en Acción (en 2022 e 2025) debido á súa mala xestión.

No últimos dez anos a oposición ao proxecto hostaleiro da illa Pancha articulada por Por Nuestro Faro viuse silenciada por respostas tardías, vagas ou inexistentes dos organismos implicados, onde a falta de información e os anuncios fóra de prazo inhabilitaban á opinión pública para a protesta. Valla como simple exemplo aquela licenza de actividade para a cafetería, liquidada en período de confinamento e sen publicidade algunha, por un BNG con maioría absoluta e sen público na sala consistorial.

Certamente, todo o proceso parecía ser deseñado para que o proxecto hostaleiro tivese unha gran acollida, ata tal punto que o peche da illa Pancha ao público parecese normal. Lembremos que, ata que a cafetería empezou a funcionar, o acceso estivo completamente prohibido aos ribadenses a pesar de que a licenza de actividade dos apartamentos xa garantía ese acceso. Incluso o Tribunal Superior de Xustiza de Galicia (TSXG) ratificouno en marzo de 2022 desestimando un recurso da empresa xestora. Con todo esta ilegalidade fora asumida pública e institucionalmente durante 7 anos.

A pesar da insistencia da asociación Por Nuestro Faro o acceso libre á illa non se converteu nunha realidade ata que o funcionamento da cafetería o convertese en inevitable durante os seus horarios laborais. E en todo caso, isto non contribuíu á súa conservación, pois a día de hoxe non só non existe un plan de protección para ese espazo, senón que non se respectan as leis en vigor para unha zona ZEC. É dicir, a pesar de todos os informes do Defensor del Pueblo aconsellando paralizar toda actividade ata non contar co informe ambiental obrigatorio por lei, a illa Pancha segue estando desprotexida e nunha situación completamente irregular.

Como xa é tradición, decatámonos pola prensa da prórroga da concesión por cinco anos. Nalgúns medios anunciárono sen tan sequera mencionar a oposición desta asociación, a recente bandeira negra de Ecoloxistas en acción, ou as recomendacións do Defensor del Pueblo. Cando non, afirmando directamente que o faro-hotel tivo e ten unha boa acollida.

E é certo, as institucións acolleron este proxecto cos brazos abertos, separando con antelación toda pedra no camiño que puidese alterar un destino selado fai dez anos. Iso na crenza de que un acceso parcial ao goce da illa, supeditado aos horarios dun negocio de tempada, bastase para distraernos do cumprimento da legalidade, do respecto e protección dos nosos espazos, e do dereito dos cidadáns á información e á participación.

Sentímolo, pero iso non funcionou nin funcionará coa asociación Por Nuestro Faro.

Covadonga Suárez

A VV Por Nuestro Faro

—

Complementario: https://www.publico.es/sociedad/restaurantes-lujo-hoteles-400-euros-noche-faros-convierten-negocios-privados.html

#IllaPancha

“Bandeira negra e situación límite na illa Pancha”. Covadonga Suárez, A VV Por Nuestro Faro

Atopámonos a tan só uns días para que se cumpra o prazo de dez anos para o fin da concesión que permite a explotación privada da illa Pancha. Concretamente, o 30 de xuño de 2025, a validez desa concesión será prolongada ou non por outros cinco anos, sen que Portos de Ferrol-San Cibrao, Xunta de Galicia, ou Concello de Ribadeo compartisen cos cidadáns a mínima información respecto diso.

Neste sentido, hai 4 meses que a asociación Por Nuestro Faro se dirixía á Autoridade Portuaria para saber se a renovación da concesión fora solicitada, e, en caso afirmativo, se o estudo de impacto ambiental, obrigatorio por lei e inexistente a día de hoxe, ía ser por fin esixido. Non recibimos ningunha resposta.

Igualmente, o Concello de Ribadeo, facendo omisión das súas competencias, derivou directamente a Portos os nosos correos, sen achegar ningunha luz nin facer ningún xesto por mediar, supervisar ou involucrarse dalgunha forma no que atinxe a illa Pancha. Sorprende aínda máis cando se trata dun lugar único para os ribadenses, desde o punto de vista patrimonial, paisaxístico e identitario.

Ao mesmo tempo dirixímonos ao Defensor del Pueblo, para expoñer a situación e obter axuda. Efectivamente no seu escrito de hai exactamente un ano (13 de xuño de 2024), o Defensor comunicábanos que a Consellería de Medio Ambiente se comprometera textualmente a adoptar, nas súas certificacións futuras, as medidas necesarias para o cumprimento do apartado cuarto do artigo 46 da Lei 42/2007, do Patrimonio natural e da Biodiversidade, analizando os posibles efectos dun proxecto nos espazos da Rede Natura 2000 de Galicia.

Con todo, o recoñecemento de que non se está a cumprir a legalidade, non moveu a Portos, Xunta ou Concello a corrixir a situación, o que lles valeu hai uns días a Bandeira Negra outorgada por Ecoloxistas en Acción.

Non é a primeira vez que esta plataforma ecoloxista subliña o proceder común destas tres entidades ao evitar esixir o cumprimento dos trámites nos seus respectivos procedementos de outorgamento de concesións e licenzas. Xa en 2022 a situación fora denunciada e sinalada con outra Bandeira Negra, pero as recomendacións de entón por parte do Defensor e por parte de Ecoloxistas en Acción, non serviron para cambiar o seu rumbo. Por iso, actualmente desde a plataforma exprésanse así : «Entendemos que cómpre esixir que non se conceda a prórroga mentres continúen as irregularidades denunciadas pola Asociación de Veciños Por Nuestro Faro, e concretamente que se proceda a avaliación ambiental preceptiva antes de dar continuidade á explotación do paraxe. A obriga de realizar unha avaliación de impacto ambiental para realizar unha actividade económica allea ás tradicionais en zona de Rede Natura segue a ser incumprida pola promotora, e consentida polas tres administracións con competencias no asunto que transitan entre o silencio e a opacidade».

Tras dirixirnos recentemente á Valedora do Pobo e á Comisión de Transparencia, esta semana enviamos outro correo ao Defensor del Pueblo, expresando a nosa indefensión ante a falta de información por parte das institucións, e de compromiso real ante a legalidade ignorada, neste lugar tan emblemático para todos que é a illa Pancha.

Desde Por nuestro Faro esperamos que esta situación irregular na que se atopa desde fai dez anos -tantos como levamos denunciándoo, e que o noso colectivo existe- non se prolongue máis no tempo, e as institucións velen polos nosos espazos máis significativos, non só por lei, senón por conciencia política.

#IllaPancha

Outro ano, outra bandeira negra

Remata de darse a coñecer o informe das bandeiras negras de Ecoloxistas en acción deste ano. Na Mariña, aparecen a balsa de lodos de Alcoa (por contaminación otorgouse á empresa Alcoa polo recrecemento da balsa de residuos e o recén descuberto emisario oculto ao mar) e outro ano -pois xa a tivo tamén no 2022-, a Illa Pancha (por mala xestión, na provincia de Lugo, otorgouse á Xunta de Galicia, a Autoridade Portuaria e ao Concello de Ribadeo por permitir a ocupación e uso irregular dun espazo público en Rede Natura 2000). Copio o resume correspondente a esta última:

“A adxudicación no ano 2015 sen concurso público da concesión de aproveitamento dun espazo natural protexido emblemático do Concello de Ribadeo como é a Illa Pancha, para o aproveitamento económico por Eirobra SL, sen tan sequera realizar o preceptivo estudo de impacto ambiental foi xa denunciado e sinalado cunha Bandeira Negra no ano 2022. Neste ano 2025 cúmprese o prazo de 10 anos establecido na concesión, que permite a prórroga da mesma por outros 5 anos. Entendemos que cómpre esixir que non se conceda a prórroga mentres continúen as irregularidades denunciadas pola Asociación de Veciños Por Nuestro Faro, e concretamente que se proceda a avaliación ambiental preceptiva antes de dar continuidade á explotación do paraxe. A obriga de realizar unha avaliación de impacto ambiental para realizar unha actividade económica allea ás tradicionais en zona de Rede Natura segue a ser incumprida pola promotora, e consentida polas tres administracións con competencias no asunto que transitan entre o silencio e a opacidade.

O acceso a todo o informe correspondente a Galicia, incluídas imaxes e mapa, e as páxinas correspondentes á Mariña:

#IllaPancha #Medio

Unha transición responsable para a illa Pancha. A VV Por Nuestro Faro

 Unha transición responsable para a illa Pancha

    Temos entrado xa no décimo e último ano de validez da concesión que permitiu a explotación privada da illa Pancha para montar un negocio hostaleiro. Dende esta perspectiva, e para asegurar unha transición dentro da legalidade, a asociación Por Nuestro Faro xa enviou correos a Puertos del Estado, Autoridade Portuaria de Ferrol San Cibrao e ó Concello de Ribadeo.

    O pasado mes de xuño, o Defensor del Pueblo comunicaba á asociación: «la Consejería de Medio Ambiente, Territorio y Vivienda ha remitido un informe en el que manifiesta aceptar la Recomendación formulada, referida al cumplimiento del apartado cuarto del artículo 46 de la Ley 42/2007, del Patrimonio Natural y de la Biodiversidad.». En consecuencia, daba por rematado o intercambio de correos con nós, «ello en la confianza en que la consejería adoptará las medidas precisas para el cumplimiento de la Resolución en las próximas certificaciones que emita sobre los posibles efectos de un proyecto sobre los espacios de la Red Natura 2000 de Galicia.»

    Lembremos que a día de hoxe os proxectos de apartamentos turísticos e cafetería instalados na illa Pancha non teñen estudo de impacto ambiental, e polo tanto están funcionando de xeito totalmente irregular.

    En consecuencia, temos pedido a Puertos e Concello que a asociación Por Nuestro Faro sexa informada «das medidas adoptadas de cara a realizar o preceptivo Estudo de Impacto Ambiental, ou, no seu caso, as que teñan proxectado realizar no lo sucesivo». De igual modo, e tendo en conta de que existe a posibilidade de que a concesión outorgada sobre a illa Pancha sexa prorrogada outros cinco anos, pedimos a estas institucións que, en caso de ser solicitada, «se abra un novo período de exposición pública ó que podan ter acceso todos os veciños de Ribadeo e persoas interesadas, coa debida publicidade […]». Non hai que esquecer o obscurantismo informativo que levou á sinatura da concesión actualmente en vigor, así como á aprobación das licenzas de actividade e apertura dos negocios que alí funcionan.

    Por otra beira pedimos «que se admita a nosa Asociación POR NUESTRO FARO como parte interesada no expediente, polos antecedentes que figuran nos seus arquivos e por representar a parte da opinión pública». E, por último, «que se nos informe coa debida antelación de todos os trámites e actos administrativos que se produzan neste expediente no lo sucesivo».

    Asemade, témoslle lembrado ó alcalde de Ribadeo que a nosa queixa presentada no Concello o 29 de xullo segue a día de hoxe sen resposta. Ó mesmo tempo que reiteramos a esixencia legal do estudo de impacto ambiental antes de levar a cabo calquera actividade, xestión, ou trámite no terreo concesionado, pedímoslle transparencia e información sobre calquera iniciativa ou proxecto en relación coa illa Pancha do que teña coñecemento.

    Por Nuestro Faro parte da creencia de que Ribadeo ten dereito a participar dun xeito ou outro no destino dun ben común tan emblemático como o é o faro e o seu su entorno. E para que así sexa, os ribadenses deben ser informados do estado da illa Pancha e das iniciativas que se podan levar a cabo. Por outra beira, calquera proxecto que se plantexe na illa Pancha debe cumprir as leis galegas, nacionas e internacionas, e contar cos informes preceptivos.

    En consecuencia, esiximos ás instituciónes implicadas, unha vixiancia e supervisión da legalidade e da integridade dese espazo protexido, neste período de transición que pode ser decisivo no futuro da nosa illa.

A VV Por Nuestro Faro

#IllaPancha #Medio

Hai uns anos, pode que sete ou oito, pasaron os realizadores dun programa da galega por Ribadeo facendo unha pregunta moi sinxela: por onde sae o Sol? O título corresponde a unha resposta moi comentada daquela, dun persoeiro popular no pobo, no sentido de que ‘mira ti a quen lle foron preguntar’. A cousa pasou e chegou a tarde de onte, o solsticio de verán deste ano, e con el, hoxe, un tempo espléndido. A cousa é que o comentario a raíz da pregunta do programa foi xeral: o individuo non tiña idea e dera unha resposta de risa.

Pois non, ó longo do ano o Sol sae por diferentes lugares, e pónse tamén por diferentes lugares. Abaixo queda un mapa indicativo cunha liña aproximada á dirección na que se podía ver onte a posta de Sol dende a punta da Cruz. Para amosar que así é, máis abaixo outra foto da posta de Sol (non de onte, senón do domingo, día abondo máis claro, pero co sol poñéndose moi preto a onde se puxo onte)

Pódese ver na foto anterior como referencias o Faro da Illa Pancha, o Faro da Punta da Cruz, os Farallóns de S. Cibrao e a posta do Sol á dereita de todos eles, na foto tomada no punto máis alto do camiño que remata na Punta da Cruz. A foto está tomada a eso das 22:13, hora oficial de verán.No inverno, naturalmente, o Sol ponse moito máis ó sur.

Voltando ó comentario televisivo, a para moita xente hilarante resposta non era tal, senón máis ben moi sensata, pois a posición a que se ve a saída do Sol non só depende da época do ano, senón e sobre todo, dende onde esteñamos a mirar. E certamente, cambia moito, ó xeito de aquelo de ‘todo é da cor do cristal co que se mire’ …

https://blogs.amarinha.gal/ribadeando/2011/06/22/as-veces-por-castropol-outras-polas/

#ciencia #cultura #IllaPancha #Medio

Coas diversas actividades desenvoltas onte por Ribadeo en Común no Cine Teatro de Ribadeo, onte deu fin a campaña electoral na nosa vila. Hoxe tocaría reflectir por mandato, como se os demais 1460 días do período cuatrienal tiveramos que deixar a reflexión para outros. Coido que é un modelo, este de 15 días de propaganda-1 día de reflexión-1 día de actuación-moitos, moitos días de anulación que a máis de non ser nin lóxico nin xusto, anula á persoa, a nós, na nosa dimensión social. Formar sociedade é participar na sociedade.

Ben, despois das xornadas de propaganda (intensa a nivel estatal, máis diluída a nivel local), asumamos o rol de reflexión na práctica (o que se nos pide é algo máis de reflexión teórica, pois a expresión sería tan só a deposición dun voto nunha urna). E, para reflectir na práctica, podemos tomar dous casos de desenvolvemento local que se superpuxeron ás propagandas electorais, sinxelamente para comparar, avaliar e mirar cara ó futuro.

Cada caso ten as súas luces e sombras, e non me vou estender sobre eles máis aló dunha presentación inicial. Tanto por que xa teño unha idea formada e con seguridade non sería imparcial, como porque na rede hai abonda información.

Os dous casos son a cesión da casa do faro da Illa Pancha para hotel e a entrega dun novo barco de Gondán, un veleiro de instrución para a Real Mariña Británica, o TS Royalist, de 6,75 millóns de euros de custe.

No primeiro caso, a primeira nova que puxen no blog sobre o hotel na illa Pancha data de agosto do ano pasado. O faro e o edificio estivo en uso entre 1860 e 1983. Na última tempada saiu algunha cousa máis nos medios e nas redes, en particular cando se fixo patente que a concesión estaba vista para sentencia. Trátase dun hotel aproveitando o edificio do antigo faro, con dúas habitacións e unha cafetería. Apunto que na actualidade a illa segue sen poder visitarse por estar cerrada (teño estado no alto do faro en grupo, en visita escolar), e isto faría posible que quen poidera pagalo (a noite falouse de 150 € por cámara) aproveitara unha illa bonita. O proxecto ten suscitado unha campaña de sinaturas en contra en internet, que comezou coa meta de 200 e xa hai tempo que as sobrepasou (hai outro máis en marcha, pero menos seguido).
Mentres, sendo algo público, debera ter sido presentado no concello para alegacións, mesmo polo propio concello. ‘Non se sabía’ se fora así, e/ou se o concello alegara, pero parece que onte mesmo foi concedido o permiso no Consello de Ministros, e a nota d eprensa incluía “perteneciente al dominio público portuario afecto al servicio de señalización marítima y adscrito a la Autoridad Portuaria de Ferrol-San Cibrao, cuenta con un informe previo de Puertos del Estado, así como de la Xunta de Galicia, el Ayuntamiento de Ribadeo y la Dirección General de Sostenibilidad de la Costa y del Mar.” Adiante pois. Desenvolvemento para a zona? A que custe?

O outro caso, a empresa xa leva longo tempo funcionando, e os asteleiros Gondán (aquí, un resume sobre Gondán en ribadeando) son xa dende hai tempo internacionais e expandíronse mercando instalacións fora da ría. A súa liña de barcos é impresionante. Industria manufactureira, as grúas impactan dende lonxe, ó tempo que a recollida dos barcos trae a Ribadeo a xente de todo o mundo, e fai a Ribadeo máis internacional durante todo o ano, ó tempo que o leva a aproximarse a tecnoloxía punta. Outro modelo, unha empresa exitosa. A pregunta é a mesma: Desenvolvemento para a zona? A que custe?

https://blogs.amarinha.gal/ribadeando/2015/05/23/chegou-o-dia-da-reflexion-dous-modelos/

#IllaPancha

Por partes. Hai canto tempo que non ves ‘en vivo e en directo’ a illa Pancha? É importante para ter conciencia que está aí, que é real, algo máis ca unha abstracción que manexar nas redes sociais como un xogo de rol.

Punto seguinte: Embaixo, unha toma do SIGPAC, un servizo oficial de cartografía española na rede. A toma é en marea baixa e vense perfectamente os algo máis de 170 m2 [Nota posterior 1: medidos de xeito aproximado polo sigpac, unha consulta posterior apuntan a unha superficie tapada polo  aleiro de 160 m2 , de planta interior ós muros uns 120 m2 , dos que habería que descontar os muros interiores da torre para ter conta do espazo libre,m e ó que habería que sumar un almacén subterráneo de 27 m2] do edificio principal da illa, o que se quere converter en hotel, e máis ó noroeste o faro actual, e fóra da illa, ó suroeste, o templete construído pola escola de emprego. A ponte que pecha o acceso á illa tamén é perfectamente visible, aínda que o seu peche pola parte do continente intúese máis ca verse.

Non está florido, a época da foto non corresponde coa época das flores na illa invadida pola unlla de gato.

A seguinte toma, tamén do SIGPAC, da algo máis de información: A illa está protexida por formar parte da Rede Natura 2000, en zona LIC (LIC río Eo, e próximo o LIC As Catedrais) e tamén en ZEPA (Zona ZEPA Ribadeo).

Outra cousa: Como polo momento o concello cala sobre o informe realizado, pídolle que se faga público, e con el, a postura do concello sobre o tema. O concello, que somos todos, inclúe o goberno, si, pero tamén a oposición. Por algún detalle, parece que ao menos parte da oposición estaría en contra do hotel no faro, pero ‘a cousa non está clara’, polo que tamén a oposición debera facer pública a súa postura. Vese a Ribadeo en Común participando nalgún dos lugares de apoio á protesta na rede; é de supoñer que tamén teremos novas súas. A AVV O Tesón aínda non emitiu ningún comunicado, pero a súa posición podo dicir que é contraria tamén.

A cuestión dos apoios pasa por unha constatación numérica. Esta mañá, na rede, o grupo (cerrado) ‘Por nuestro faro‘ ten 339 membros. A comunidade ‘Illa Pancha non se toca. O noso faro non é un resort‘, 2716. A petición de sinaturas en Avaaz vai por 895. E hai unha petición xenérica contra a conversión dos faros en hoteis, así como houbo xa algunha manifestación noutros lugares contra o uso hostaleiro dos faros (ver El Mundo/Baleares do 28 de febreiro deste ano, “Convocan una movilización contra la privatización de los faros baleares”). É certo que a implicación de darlle a un ‘gústame’ na rede, ou a pertenencia a un grupo en Facebook non leva consigo moito, pero pensando no que leva consigo un voto como os que puidemos emitir aínda non hai unha semana, coido que poden compararse. O partido que obtivo a maioría absoluta dos postos no concello recaudou 2887, cifra semellante ó apoio manifestado ata agora polo grupo que se enfronta á conversión do faro en hotel. Polo momento, algo máis que calquera das cifras expostas antes, pero xa con seguridade, menos que as persoas implicadas en algunha das manifestacións anteriores. E aínda que máis lento, a cifra segue a medrar.

Quizais, á vista do anterior, a convocatoria dunha manifestación polas rúas de Ribadeo está próxima, máis aínda despois de ter diversos medios para difundir a información, tanto xornalísticos (por exemplo, a nivel galego, praza.gal con “Illa Pancha: Outro espazo público reconvertido para o lucro privado”) como televisivos (ver en lasexta.com “La privatización de los faros, un fracaso del gobierno?”, aínda que, como unha das persoas que sae, co dito por min cortado e fóra de contexto, podo dicir que a presentación é tendenciosa).

Posibilidades? Moitas. Só unha pasa por convertirse en hotel. E coido que non a mellor, implicando que algo público sirva a intereses privados e non ó público. É algo pequeno fronte a outras cesións do público que están a facer moitas camarillas políticas. Algo máis e que nos toca algo máis preto.

Glosando algo que dixen para a televisión e non foi publicado, paréceme mal que deixe de ser público,paréceme mal o método seguido, sen comunicación clara nin transparente, e paréceme mal a falta de participación do pobo nas decisións que nos atinxen. Neste sentido, un caso máis.

#‎IllaPanchaNonSeToca‬ ‪#‎ONosoFaroNonÉUnResort‬

[Nota posterior 2: Aínda que non é o tema a discusión sobre o impacto, senón sobre a cesión dun ben público máis -vi á miña cabeza por exemplo o caso da cafetería na praia das catedrais-, nunha primeira conversa co promotor, queda axustado segundo as súas verbas, que o faro non vai cambiar a súa estrutura interna, e que, de calquera xeito, unha oposición debera ter nado hai cousa dun ano, coa publicación da solicitude no BOE –http://www.boe.es/boe/dias/2014/05/30/pdfs/BOE-B-2014-19304.pdf-, e non agora.]

__

Anteriores:

http://ribadeando.blogspot.com.es/2015/05/post-resaca-electoral-voltando.html

http://ribadeando.blogspot.com/2014/08/pensamentos-lixeiros-de-veran-un-faro.html

https://blogs.amarinha.gal/ribadeando/2015/05/29/faro-numeros-posibilidades-hotel/

#economía #IllaPancha #OTesón #sociedade

    Recollo hoxe de La Comarca, por unha petición xeral que se fixo ó grupo ‘Por nuestro faro’, un artigo que sae hoxe mesmo. A próxima fin de semana haberá unha xuntanza… e a ver que sae.

    Só lembrar que premendo sobre a imaxe, pode ampliarse…  e que o texto tamén está despois no mesmo corpo da entrada, feito usando o ocr https://www.onlineocr.net.

Anteriores:

Faro, números, posibilidades… hotel?

Post resaca electoral

Dous modelos

Pensamentos lixeiros para agosto: un faro, un hotel

Texto:

    RIBADEO, sábado, 30 de mayo de 2015 LA COMARCA DEL E0

    Un faro de todos y para todos

    Por Grupo Por nuestro faro

    Desde la plataforma «Por nuestro faro» querernos exponer nuestro punto de vista para evitar tergiversaciones o interpretaciones rápidas de las que ya hemos sido víctimas por parte de personas físicas, grupos o entidades. 

    En primer lugar, queremos aclarar que no estamos en contra de personas individuales ni contra la iniciativa privada, sino contra la explotación privada de un edificio público, lo cual es responsabilidad de las administraciones competentes, que han tornado la decisión de permitirlo de manera rápida y discreta. Aunque todo se haya inscrito dentro de la legalidad, no nos parece correcto que la mayoría de los ribadenses haya tenido noticia por la prensa hace apenas unas semanas de que el faro de Ribadeo iba a ser explotado y reconvertido en hotel de lujo a través de una concesión. Esta concesión ha sido otorgada incluso antes de que el gobierno español levantase la prohibición de usos hoteleros que permitiría llevar a cabo el proyecto, y la escasa información de la que disponemos hoy sobre dicho proyecto es difundida de forma muy concisa a través de los medios de comunicación.

    Al margen de la falta de transparencia del proceso, de nuestras dudas sobre el impacto que podría tener sobre la isla Pancha y su entorno, y muchos otros aspectos sobre los que desconocemos los detalles, pensamos que el faro forma parte del patrimonio de Ribadeo, y que, corno tal, su utilización debe hacerse desde lo público. No pensamos que el faro ni el acceso a la Isla Pancha deban permanecer cerrados, pero toda explotación o uso que se haga debe respetar el lugar y el carácter del edificio. Su utilización debe de favorecer la democratización de su acceso y los ribadenses deben poder disfrutar de él. Creemos que otras opciones son
posibles, y que pueden permitir a su vez proteger el edificio del paso del tiempo, esas opciones merecen ser estudiadas antes de liquidar el problema dejando el faro en manos privadas para transformado en minihotel de lujo, al que sólo tendrían acceso unos pocos privilegiados. 

    El caramelo con que se pretende dulcificar a la opinión pública ribadense es el acceso al faro y a la Isla Pancha: una cafetería bajo tierra sería el reclamo para contentarse de no poder entrar en el faro y de que sólo los turistas de élite disfruten de su interior, de sus vistas y de contemplar el paisaje desde la torre donde se encuentra la linterna. Lo que nadie dijo tampoco es que para entrar en la Isla Pancha y en el faro no es necesario instalar un hotel, y esta idea se ha vendido como la única posibilidad existente para poner un pie en la Isla Pancha. 

    Y, para terminar, -aunque quizás podríamos haber empezado por aquí- : el faro no es una construcción como otra cualquiera, tanto por su ubicación fuera del casco urbano -en un suelo clasificado como rústico y de interés paisajístico-, como por su carácter, su historia y simbología. 

    Creemos que otros edificios vacíos, abandonados, con encanto en el centro de Ribadeo y con capacidad suficiente, serían mucho más adecuados para albergar un hotel. Creemos también que un aspecto que no debe olvidarse es el significado especial de la Isla Pancha para los ribadenses que, a pesar de la tendencia actual a transformar faros en hoteles, no consiguen imaginarse un hotel enfundándose los muros de nuestro faro. Para muchos, es una estampa emblemática y representativa de Ribadeo, un vestigio del pasado, un monumento a los hombres y al mar, y también es el lugar que muchos han elegido para que sus cenizas descansen allí. Un lugar especial, con alma, no vendible, y público.

https://blogs.amarinha.gal/ribadeando/2015/05/30/un-faro-de-todos-y-para-todos/

#arquitectura #CovadongaSuárez #IllaPancha #sociedade

Onte fixen un par de actualizacións, ‘Notas posteriores’ na entrada de datos sobre o hotel da Illa Pancha. Son sobre a superficie útil e a intervención na illa. Complemento o dato coa ligazón ó  “Proxecto de rehabilitación del Faro de Illa Pancha, en Ribadeo, para uso lúdico”, realizado por Nuria Díaz López como traballo de fin de grao na UDC no 2014. O segundo tomo é o máis ‘ameno’, xa que presenta os planos propostos. Na páxina referida tamén aparecen as condicións de uso dos documentos.

Complemento con algunha foto tomada dende o templete hai un par de días e un plano de OpenStreetMap, dúas ligazóns máis a lugares Facebook, Faro de Illa Pancha e Faro Isla Pancha, ambas en plan turístico, e a anotación dun artigo de El País, “La reconversión hotelera de los faros”, publicada na súa sección de economía o día 25 de abril, na que aparece o asentemento do alcalde.

https://blogs.amarinha.gal/ribadeando/2015/06/04/dende-preto-da-illa-pancha-en-ribadeo/

#blog #fotos #FotosRíaDeRibadeo #FotosRibadeo #IllaPancha