@porru Pixka batean irakurtzen egon ondoren ikasi dudana: #Erlastarrak ere intsektu sozialak dira, baina arrek gaztetan erlauntzetik irteten direnetik aurrera bizimodu bakarti eta independentea egiten dute. Beren burua elikatzen dute eta ahal badute ugaltzen dira. Erlamandoek edo erle arrek berriz ez dute eztirik edo argizaririk ekoizten, eta ez dute polenik biltzen. Erregina ernaldu baino beste egitekorik ez dute. Erle langileek elikatzen dituzte, baina jan gutxi dagoenean kanpora. #Erleak

@porru Artikuluaren amaiera ere interesgarria. Kontzentrazio baxuko nektarra hartu ondoren erlastarrek mihia luzatzen dute, ziur aski ura lurruntzea azkartzeko. Erlastar arrak intsektu bakartiak dira. Goizeko hegaldietarako behar duten energia eguerdian bildu eta arratsaldean ura kanporatuz kontzentratzea omen da beraien estrategia posible bakarra.
Erleak bezalako intsektu sozialek abantaila dute: kontzentrazio baxuko nektarra bildu dezakete eta erlauntzean lurruntzen utzi.
#Erlastarrak #Erleak

@porru Eguna hastean 3 orduko hegaldirako azukre erreserbak omen dituzte. Hegaldian azukrea metabolizatzean sortutako ur soberakinak kanporatzen dituzte. Horrek pisua galtzea azaltzen du. Eguerdi aldera erregaia amaitzen ari zaienean loreetara joaten hasten dira. Ondoren, jan eta jan aritu eta gero, erlastarrak urez eta azukrez beteta daude eta azukrea kontzentratu behar dute berriz hegan egin aurretik. Horrek arratsaldeko atsedena azaldu dezake.
#Erlastarrak

@porru Goizean erlastar arrek interesgarriak iruditzen zaizkien lekuak feromonekin markatzen dituztela dirudi eta eguerdian bisitatu. Feromonek emeak erakartzeko ere balio dezakete. Erlastar arren funtzio bakarra emeak ernaltzea omen da. Ondorioz, hegaldi luzeak egiteak garrantzitsua izan daiteke beraientzat.
#Erlastarrak

Kuriosoak iruditu zaizkidan datu gehiago:
* Erlastarrek egunean batez beste hegan egindako 244 minutuetan 17 kilometroko distantzia egin zuten.
* 4 orduko hegaldi horrek eguneko energia kontsumoaren %70 hartzen du.
* Eguneko lehen orduetan hegan ibiltzen dira ia etengabe, lore gutxi bisitatuz. Lore gehienak eguerdiko orduetan bisitatzen dituzte. Hortik aurrera aktibitatea azkar jaisten da.
* Logikoki gorputzaren pisua jaisten da hegaldian eta jan ahala igo.
#Erlastarrak