Mastodawn

@porru Pixka batean irakurtzen egon ondoren ikasi dudana: #Erlastarrak ere intsektu sozialak dira, baina arrek gaztetan erlauntzetik irteten direnetik aurrera bizimodu bakarti eta independentea egiten dute. Beren burua elikatzen dute eta ahal badute ugaltzen dira. Erlamandoek edo erle arrek berriz ez dute eztirik edo argizaririk ekoizten, eta ez dute polenik biltzen. Erregina ernaldu baino beste egitekorik ez dute. Erle langileek elikatzen dituzte, baina jan gutxi dagoenean kanpora. #Erleak

@porru Artikuluaren amaiera ere interesgarria. Kontzentrazio baxuko nektarra hartu ondoren erlastarrek mihia luzatzen dute, ziur aski ura lurruntzea azkartzeko. Erlastar arrak intsektu bakartiak dira. Goizeko hegaldietarako behar duten energia eguerdian bildu eta arratsaldean ura kanporatuz kontzentratzea omen da beraien estrategia posible bakarra.
Erleak bezalako intsektu sozialek abantaila dute: kontzentrazio baxuko nektarra bildu dezakete eta erlauntzean lurruntzen utzi.
#Erlastarrak #Erleak

Aipatzen duten artikuluetako bat begiratu dut (36,35€? Erotu gara? ❤️ Sci-Hub).

Erlastarren gorputzeko urak 2 jatorri ditu:
* Metabolismoa. Egunero 110 mg azukre oxidatzean ("erretzean") 66 mg ur sortzen dira. Horietatik 40 mg arnasketa bidez kanporatzen dituzte.
* Nektarrarekin batera 110 mg ur jaten dute.

66 - 40 + 110 = 136 mg ur hustu behar dituzte egunero. Erlastar batek 220 mg inguru pisatzen ditu, horietatik 133 mg ura. Gorputzean daukaten adina ur kanporatzen dute egunero.
#Erleak

Gaur goizean bulegoan gertatutako bitxikeria bat kontatuko dizuet. Erle potolo bat sartu zaigu. Argiak itzali, leiho bat parez pare ireki eta zuzen joan da kanpora. Horraino dena normal. Harritu nauena: bueltaka zebilela ur tanta parrastada bat bota du nire mahai gainera. Pixa zela uste nuen, baina ez da, dirudienez txorien antzera zirina egiten baitute. Loreetan biltzen duten nektarrak ur asko edukitzen du eta soberakina kanporatu egiten dute. #Erleak
https://www.reddit.com/r/interestingasfuck/comments/3hf2ng/a_rarely_captured_event_a_bee_urinating/

A rarely captured event - a bee urinating

Posted in r/interestingasfuck by u/pixeldustnz • 5,181 points and 195 comments

May 6, 2020

Kontua hor bukatuko zela uste genuen, baina gaur beste erleseme bat agertu da eta atariko melokotoiondoaren adar batean pilatu direla ikusi dugu.
Julian Urkiolari deitu eta laster batean etorri da. Eskilara jarri eta erlauntza baten kaxara sartu ditu. Erlauntzako zulo ondoan zeuden erle batzuei begiratzeko esan dit: geldi zeudela hegalak astintzen ari ziren, dirudienez kanpoan geratu direnei hoska. Pixkanaka-pixkanaka gehienak etxe berrira sartu dira.
#erleak

May 6, 2020

Baserriko atariko paretan #erleak agertu zirela kontatu nizuen. Azkenean Gipuzkoako Erlezainen Elkarteko presidente izandako Julian Urkiola etorri zitzaigun, eta erleak ateratzeko modurik ez zegoenez, pena zela, baina fumigatu eta zuloa ixtea beste erremediorik ez zuela ikusten esan zigun. Erle kontuez hizketan aritu zitzaigun eta nabari zen estimu handian dituela. Berarengandik ikasi nuen erleseme hitza. Euskaraz izen gehiago ere baditu: erlekume... Gazteleraz enjambre.
https://www.euskaltzaindia.eus/index.php?&option=com_ehha&view=frontpage&Itemid=466&lang=eu&mapa=905

Euskararen Herri Hizkeren Atlasa (EHHA)

Euskaltzaindia. Real academia de la lengua vasca. Académie de la langue basque. Academy of the basque language

May 1, 2020

Ez dakit zer gertatu den gaur eguerdian, baina oso aztoratuta zeuden. Behar bada liztorrek erasotu dute erlauntza. Egundoko soinua egiten zuten eta beldurra ematen zuen. Bideoa hunkigarri bezala markatu dut badaezpada ere.
Udaltzainei deitu diegu eta Gipuzkoako Erlezainen Elkarteko kide bati abisatuko diotela esan digute. Horrelakoetan beste norabait eramaten omen dituzte erleak.
#erleak