陰公 Jack，琴晚食濕糧食到尖叫，今日拿拿臨湊佢返公司檢查，原來有咽喉炎 😢 要盡快安排剝晒 d 牙。今日打咗類固醇同止痛針，終於食得返嘢。

咽喉炎 / 口腔炎係常見嘅貓貓口腔問題，有時未必係因為爛牙，而係有病毒隱藏喺口腔黏膜，或免疫系統自我攻擊而導致。

一般黎講，剝晒牙會有改善，但亦有貓剝晒牙之後都要長期食類固醇控制病情。

小寶三歲嗰陣就已經因為免疫系統自我攻擊而剝晒 d 牙了。

講起「捍衛廣東話」，當日任天堂將寵物小精靈、比卡超等等廣東話譯名改為精靈寶可夢、比卡丘等普通話譯名，香港人一係無視，一係屌人太多事。

#香港人講捍衛廣東話係個笑話

做玩家，無壓力，點都係開心啲。做搞手，得個做字，我連累咗班兄弟陪我出錢出力，其實好內疚。成件事除咗係場實驗，同事後安慰自己係當拎經驗外，根本唔會有出路，你睇下香港班廠商點做嘢？咩態度，根本唔會當香港電競係一回事，你本身紅另計。無水喉，件事只會不停咁燒錢，所以我要好好檢討組織未來嘅路線應該點走落去。

#SS

生仔係完全會影響個細路+你+你老婆+你同你老婆雙方父母一生嘅事，考慮係要好長遠，唔係唔考慮自己環境鍾意生就生。

生個細路出黎預計唔到佢幸唔幸福，唔代表使考慮基本需求，基本需求係包括有咩生存空間、金錢、陪佢嘅時間、教育等等因素。唔考慮有咩生存空間、金錢、陪佢嘅時間、教育等等因素就生佢出黎，呢啲係不負責任，純粹自己一時興起happy就算嘅父母。呢啲心態同啲人因一時興起養貓狗，後來嫌煩就遺棄嘅心態一樣。而細路冇得遺棄，最後個細路必定成為情緒發洩嘅對象。咁背景嘅細路如果冇人開導，係好易走歪路，全世界有唔少嘅罪犯，就係出自呢類父母嘅一時興起。

而且乜鬼都冇生佢出黎，然後又話咩反正都會捱苦，所以天生天養到時先諗呀？大佬面對逆境嘅「苦」，同冇將來冇出路嘅「苦」，係兩樣嘢黎，後者係會趕絕個細路囉，玩佢咩！

#SS