«Беларуская Энцыклапедыя»: справаздача за 4 месяцы

Што ж, настала пара падсумаваць зробленае: сіламі 9 валанцёраў сумарна апрацавана 2724 старонак ‒ нехта з іх зрабіў сотню старонак, а нехта аднаасобна расчытаў цэлы том!

Разам з 5 раней апублікаванымі намі тамамі нашай ініцыятывай агулам апрацавана 2724 + 2599 = 5323 старонак.

Любы ахвочы можа азнаёміцца з вынікамі нашай працы ( https://verbum.by/belen ), як і падтрымаць нас на Patreon ( https://www.patreon.com/c/by_reservation ).

Калі хто не ведае, то ў кінапрасторы mooon 2-і дзень ідзе паказ фільма «Валадар Пярсцёнкаў: Дзве вежы», другой часткі кінатрылогіі Пітэра Джэксана, У БЕЛАРУСКІМ ДУБЛЯЖЫ!
А таму, як казаў Гандальф, «бяжыце, дурні (па білеты)» – https://mooon.by/afisha/events/valadar-pyarscyonkau-dzve-vezhy-4220 . Другога шансу паглядзець фільм можа і не быць!

А мы прадстаўляем невялікі аналіз вынікаў паказу першай часткі і спробамі разабрацца што, чаму і да чога. Мяркуем, вам будзе цікава азнаёміцца з нашымі думкамі і вывадамі ( https://docs.google.com/document/d/1MKdreXYV6pnK52u68xkmPVIJ-x4TKztuSN5ioPH0Q-4/edit?tab=t.0#heading=h.vhg47hj3o8um ).

Абяцаны сюрпрыз

Сябры, калегі, неабыякавыя, зацікаўленыя і хто «мімапрахадзіў»!

Нарэшце прадстаўляем першыя раздзелы нашага многапакутнага «Дапаможніка для перакладчыкаў фэнтэзі» ( https://docs.google.com/document/d/1UXVF6uktrqd1EcK4CvzN9iXP7y7oxuxtvQg0EbRbygg/ ), першыя спробы зрабіць які прадпрымаліся яшчэ ў далёкім 2016-м. Зараз сістэматызаваны асноватворныя тэрміны і часткова магія і ўкладзены англ-бел слоўнічак.

Чытайце, каментуйце, крытыкуйце, карыстайцеся, падтрымлівайце нас на Patreon ( https://www.patreon.com/c/by_reservation ).

Гэтым разам максімальна коратка.

* Працягваем працу над «Беларускай Энцыклапедыяй» ( https://verbum.by/belen ) – апублікавалі чарговыя некалькі соцень апрацаваных старонак. Больш разгорнутая справаздача аб праведзенай працы будзе ў сакавіку.

* Перапрацавалі «Нямецка-беларускі слоўнік» Кур’янкі (2006) ( https://verbum.by/kurjanka ). Цяпер карыстацца слоўнікам будзе куды зручней і бяспечней. Падрабязнасці таксама пазней.

* Працуем над абнаўленнем спэлчэкера ( https://spell.by-reservation.com/ ).

Дашліфавалі-дапаліравалі беларусізацыю Герояў 2 — яна трапіць у наступную (1.1.13) афіцыйную зборку fheroes2 ( https://github.com/ihhub/fheroes2 ) і недзе пад Новы год будзе даступная кожнаму ахвочаму прама «з каробкі». А пакуль яе можна спампаваць тут ( https://heroes.by-reservation.com/spampavac#homm2 ).

Абнавілі беларусізацыі Герояў 3, ERA3 і HoTA.

Узяліся за пераклад дэмаверсіі Heroes of Might and Magic: Olden Era, каб на момант афіцыйнага выхаду гульні забяспечыць беларусізацыю поўнай версіі гульні як мага хутчэй.

Праз столькі гадоў чакання на ПК нарэшце выходзіць UFL ‒ бясплатны fair-to-play футбольны сімулятар ад кампаніі Strikerz Inc. Акрамя розных прыемнасцей-цікавасцей у гульні «з каробкі» прысутнічае не толькі тэкставая лакалізацыя на беларускай мове, але і шыкоўная каментатарская агучка!

Гульню можна спампаваць тут ( https://portal.uflgame.com/download ), рэліз у Steam таксама плануецца.

Усім прыемнай гульні, зробім футбольную Беларусь зноў вялікай!

(не)планавая справаздача:

* дарабілі «Слоўнік іншамоўных слоў» (1999) Булыкі
* апрацавалі (часткова) том паказальнікаў да «Беларускай Савецкай Энцыклапедыі» (1969—76)
* апрацавалі яшчэ з 500 старонак «Беларускай Энцыклапедыі»
- усё гэта, як заўсёды, шукайце на Verbum.BY

Апублікавалі кароткі нарыс "Этапы станаўлення беларускай ІТ-тэрміналогіі" ( можна пачытаць тут - https://www.patreon.com/posts/etapy-belaruskai-144510105 ), які ўжо нарабіў срачыкаў з боку нязгодных з напісаным 🙂

Дарабілі поўнасцю «Тлумачальны слоўнік беларускай літаратурнай мовы» (2022) і прыбралі (выдалілі з даступных) з Verbum.BY яго старую версію ‒ «Тлумачальны слоўнік беларускай літаратурнай мовы» (2002).

Таксама дапамаглі калегам у стварэнні беларусізацыі гульні «Lego Batman: The Videogame» ( https://t.me/Alten671Games/20 ) і беларускай агучкі фільма «Дзюна. Частка І» (2021) Дэні Вільнёва ( https://x.com/spravavy/status/1950934712676954455?t=StliEJSZKMRJ9xGmuUiUwg&s=19 ).

Пра ўсё гэта больш падрабязна чытайце на нашым Patreon ( https://www.patreon.com/c/by_reservation ).

* ТСБМ (2022) пад рэд. І. Л. Капылова ( https://verbum.by/tsblm2022 ) дарабілі бадай да канца літары Т, спыніўшыся на слове «тыту́нь» ‒ засталася апошняя «перазарадка» і апошні рывок;
* У ТСБМ (2002?) пад рэдакцыяй М. Р. Судніка і М. Н. Крыўко ( https://verbum.by/tsblm ) паспрабавалі максімальна магчыма аднавіць арыгінальны выгляд, у якім гэты слоўнік быў прадстаўлены ў папяровым выглядзе№

* Працягваем працу над Героямі мяча і магіі II ‒ чарговую зборку браць тут ( https://heroes.by-reservation.com/spampavac/#homm2 ).

Працягваем апрацоўку «Тлумачальнага слоўніка беларускай літаратурнай мовы» (2022) ( https://verbum.by/tsblm2022 ) , а таксама публікуем на Verbum.By новыя слоўнікі і дапаўняем-правім даўно апублікаваныя.

Падрабязную справаздачу аб выкананай за май-чэрвень працы (а за адным разам і падтрымаць нас! 😉) можна на нашых старонках платформ Patreon ( https://patreon.com/by_reservation ) або Boosty ( https://boosty.to/by_reservation ).