[師奶都明嘅天文學入門 I ]

一直發覺好多人都對星星有好多誤解，首先我想從我地起宇宙裡面嘅位置講起。

首先，地球圍住太陽轉，叫solar system，應該係大家對天文嘅第一個認識。而太陽係屬於星星裡面最普遍嘅一種，亦可以話，其實係比較細嘅星。

銀河系Milky Way係一個星系Galaxy，好似一個轉緊嘅盤，受到中間重力束縛，側邊拖住幾條「手臂」運轉（見圖一）。無論係中心又好，手臂又好，全部都係由星星組成。而太陽就係銀河系裡面其中一條名為Orion arm嘅手臂裡面嘅其中一粒星。

而注意嘅係，呢幾條所謂手臂其實並無固定嘅組成，佢只係一個波浪。就好似一個沙灘波起海面上面浮下浮下，海面嘅波浪一路推前，而沙灘波都唔一定會跟住個波浪走。同理，太陽等嘅星星都唔一定會跟實某特定手臂咁公轉。

點解我地會稱呼我地身處嘅星系做Milky Way呢？唔係因為佢似朱古力吧(大誤)，係因為從地球度望上天，呢個星系就好似一條白色發光嘅帶，橫跨全個天空。可惜香港應該無機會見倒，應該要去外國最黑最無光污染嘅地方先可以。

[正冒著單機嘅風險考慮用呢個平台寫普及科學]

小弟宜家英國大學物理及天文系 year 3，一級榮譽學生，啱啱做咗全級唯一推薦生(好似係，入倒先講)，目標係做研究，希望夠資格寫。

可惜我長期處於過勞狀態，休閒時間唔多，而且無寫科普經驗，會盡力抽時間。

我嘅領域有：
Quantum theory, Quantum Mechanics
Special relativity
Astronomy, Visual band observing, Infra red observing, Telescope optics
Cosmology
Electromagnetism, Maxwell equation
Nuclear and Particle physics

徵求意見。