當公司營運有問題，有人已經分析過你知「工作量過多，承接工種過多，休息日不定，無時間執修工具」，你重要「增加工作量、工時」做乜啫？

世上充斥住一大堆「靠害主義者」：佢哋可以在你不為意間向你送上致命問題，直教你防不勝防。
點「靠害」法？「非洲豬瘟」單嘢就已經有眼你睇啦；乜你重會認為「香港」「澳門」能夠獨善其身，不受「中華人民共和國」之名所影響咩？

抱有「做多啲、賺多啲」「#勤力能戰勝一切」思維去經營事業的人，不單不會有賺，重袛會做死自己，更加會累及共事者…😔
#做唔到咁多唔好做咁多
#SS

「#勤力能戰勝一切+掠奪私人時間+增加工作量=提升工作效率」係啲乜嘢道理？😭
#SS
#做唔到咁多唔好做咁多

怪事無奇不有。
重陽前兩日，用唔到VoLTE，上星期有閒就換張新SIM，依然唔得，要打到電話台客服嘈完佢三輪至開返畀我；奇怪事情在於「除用緊的『新力Xperia XZPremium』後所有對應VoLTE功能的電話都開到相關功能」…
玩嘢吖？
#SS

剝削為患、註定滅亡的香港。
今日，立法會三讀通過「『法定男主侍產假』由三日增加至五日」，本來不值一提，但作為「嬰兒潮世代+公司東主」的家父，卻對此不屑一顧…
「公司請員工返來是來『工作』的，佢哋『結緍生仔』點解又要公司貼埋錢畀佢」…
如果再加埋「紅日唔一定要休息架」「紅日唔使食飯嗎」「辦公時間做唔完的工作咪用埋私人時間去做囉」，你會得出乜嘢結論？
我的結論係「理想員工=一日重打緊佢份工，一日都唔好諗結婚生仔」
真係有咁順攤的員工，我諗佢會在退休後攞曬全部公職金出來、變賣所有財物、請公司一眾同事食大餐、豪畀剩下來的錢做貼士，最後在高樓大廈天台一絲不掛咁做「空降兵」…
#做唔到咁多唔好做咁多
#將勤補拙越勤越拙
#勤力能戰勝一切

工作時工作，休憇時休憇。
身為老闆，理應比員工有能力調配作息時間，中；更甚，理應為員工着想，避免員工過勞。
然而，當員工遇着「勤力老闆」就麻煩了…
正常工時下做不完？挪用其餘時間吧…
平日做不完？挪用假日吧…
工作能力不足以完成龐大工作量？
「你懶啫，『將勤補拙』，再做多一倍，你咪有能力囉」…
本身無做過相關工種所以不要涉足？
「你懶啫，做多幾次、撞多幾次板就會識架啦」…
紅日想休息？
「紅日唔一定要休息架，紅日唔使食飯？」
開完通宵熄機唔聽電話唔開工？
「開完通宵，翌日返下晝都好吖」
但你公司在葵涌，人哋住天水圍喎…
「唔關事，係你懶啫」
呢種「勤力能戰勝一切」的態度可謂極品…
#做唔到咁多唔好做咁多
#將勤補拙越勤越拙