Eth #feminisme e er ecologisme son, segontes jo, es dues ideologies o enquia filosofies que deurien guidar eth comportament individuau e collectiu des umans en aguest sègle XXI deuant des rèptes qu'auem deuant nòste. Creigui qu'an ua responsa globala e coerenta entàs grani problèmes que patim e, mès que mès, son ua vertadèra leçon d'organizacion sociau des des suenhs. Totun, sò pro conscient qu'èm ben luenh d'aguesti principis e que, mèslèu, soent vam ena direccion contrària.
davidaranes
- 12 Followers
- 5 Following
- 93 Posts
Estudiant d'aranés e d'autes lengües
Ager ua amiga me didie qu'ua parelha qu'era coneish e qu'an dus hilhs petiti s'an desseparat. Segontes era mia amiga, non ei cap estranh en persones entre trenta e quaranta ans que hè ans que son amassa, perqué ei ua edat ena que molta gent encara vò experimentar un aute viatge era sensacion naua d'enamorar-se. Era ditz qu'açò passe fòrça mens en persones mès grani e que non a tant a veir damb eth #desengust coma damb eth desir e era estabilitat vitau.
Ua sècta, segontes jo sabi, a ua caracteristica imprescindibla ath delà dera vessant religiosa abituau: i cau un lider carismatic e autoproclamat que contròtle es sòns membres, enquia non perméter-les de pensar en bèri casi. Diden tanben que pòden existir #sèctes non religioses. Un exèmple fòrça coneishut ei era Família Manson, liderada peth criminau Charles Manson, que manipulaue es sòns seguidors entà cométer crims. S'i mesclauen tèmes coma es visions apocaliptiques o eth racisme.
Ager liegí un article que me sorprenec fòrça. Didie qu'es 'gamers' (afeccionats às vidèo-jòcs) se convertirien lèu en ua peirèra de soldats virtuaus entà guèrres de vertat, pr'amor que, de mès en mès, enes conflictes armats se hèn servir drons que se pilòten a distància, a traués de pantalhes, e que per amiar-los cau auer ua precision plan semblable a la qu'obtien en tot entrenar-se jogant. Non se m'acorre cap imatge tan banalizadora dera guèrra coma aguesta. #VidèoJòcs
Aué me'n brembi que quan es Torres Bessones sigueren atacades peth terrorisme gihadista, jo èra en Soïssa e non m'assabentè d'arren pendent tot eth dia. Alavetz non existien es telefons intelligents; donques sonque sabí çò qu'auie passat pera net, quan telefonè tà casa. Despús, prení un tren nocturn entà Barcelona e coneishí un òme nord-american qu'ère absolutament estonat pes notícies. Didie que jamès eth còr deth territòri deth sòn país auie estat atacat atau.
Istòria #Recòrd
Çò que m'agradarie cambiar de jo ei auer mès iniciativa comunicativa. Era vida ensenhe que, generaument, es causes se gaudissen mès e un a mès oportunitats de hèr causes naues se hèm un esfòrç entà méter-nos en contacte damb es auti. Mès a jo soent me còste hèr aguest prumèr pas, e creigui qu'ena vida m'è perdut ocasions o escambis que m'aurien shautat, sonque per aguesta mena de guitèra de daurir una conversacion o contacte damb ua auta persona.
Es #vacances ideaus que ara me passen peth cap son en quaque endret de montanha o mieja montanha, fresc, a on se poguen hèr senderisme e rotes en bicicleta cada dia. Eth lotjament pòt èster un hotèl petit e familiar o ben un apartament comòde en un pòble qu'age un pòc de vida (bèri bars e restaurants, tanpòc cau que sigue arren der aute mon). Çò ei, no se semblen bric as vacances que haré aguest an! Totstemp semble que desiram çò que non auem pas...
En mèn #trabalh aguesta setmana auem organizat era presentacion d'un libre nau qu'acabe de gésser. Se ditz "Balla amb Babel" ("Dança damb Babel") e parle de com s'a construït era idèa dera jerarquizacion de lengües entà hèr qu'ues siguen hegemoniques e es autes, subordinades. Aguest libre ei escrit per un escrivan nord-catalan, Joan-Lluís Lluís. Era sua presentacion a estat fòrça didactica e entretenguda e a motivat un debat ric despús dera sua intervencion.
Creigui que çò que cau cercar —e ei mès dificil— ei un equilibri entre es dues causes: gaudir deth #present e planejar eth #futur. Tà jo, ei mèslèu impossible de pensar en plans o projectes de futur se ara e aciu non pogui gaudir dera vida, perqué eth mèn cervèth se blòque e non ve perspectives. Pensi que les passe eth madeish as persones que m'entornegen. Totun, òc qu'ei vertat que jo è era tendéncia tà demorar-me fòrça en gòi deth moment e tendi a non explorar scenaris futurs.
Entà saber se ua relacion de #parelha ei sana cau mirar fòrça causes. Un indicador pòt èster avalorar se çò qu'apòrte cada membre dera #parelha ei equilibrat d'acòrd damb es sues possibilitats individuaus. Ua auta pòt èster veir se es necessitats des dus membres son atengudes d'ua manèra mès o mens igualitària. Dempús, cada persona pòt hèr era pròpia #reflexion: a jo me compense çò que dongui damb çò que recebi? I a un sens globau de justícia e benèster?