Show threadBeicon-ous-xeixMay 14, 2024

@davidaranes I sò d'acord. Un aute aspècte fonamentau ei era comunicacion: ei indispensable mantier ua comunicacion onèsta e fòrça fluida damb era tua parelha, damb empatia, e, sustot, damb assertivitat. D'aguesta manèra, ei mès facil conéisher es necessitats dera tua parelha e expressar-ne es tues, e establir uns limits adequadi.

Un aute aspècte que me sèmble fòrça important, ei qu'existisquen interèssi en comun e espais d'òci compartidi e tanben individuaus.

#Relacion #Amor #Parelha

davidaranesMay 3, 2024

Entà saber se ua relacion de #parelha ei sana cau mirar fòrça causes. Un indicador pòt èster avalorar se çò qu'apòrte cada membre dera #parelha ei equilibrat d'acòrd damb es sues possibilitats individuaus. Ua auta pòt èster veir se es necessitats des dus membres son atengudes d'ua manèra mès o mens igualitària. Dempús, cada persona pòt hèr era pròpia #reflexion: a jo me compense çò que dongui damb çò que recebi? I a un sens globau de justícia e benèster?

#Relacions

Show threaddavidaranesApr 24, 2024

@rubenlp15 Jo sò fòrça d'acòrd damb çò qu'escriues. Eth respècte entàs posicions e sentiments des auti deurie èster totjorn eth prumèr. Dilhèu, ua aproximacion iniciau tara comprension dera qüestion poirie èster eth sentiment que pòden experimentar dues hèmnes qu'an un hilh eth pair biologic deth quau ei un amic d'eres, e que vòlen qu'er òme age legaument bèth ròtle. I a bèri casi com aguest. Per exemple, aguest ena província canadenca d'Ontario: https://www.thestar.com/news/court-rules-boy-has-dad-and-2-moms/article_23a8e2c5-c1b0-5650-aa1a-315ff472b999.html

#Amor #Parelha #Pòliamor

davidaranesApr 24, 2024

Quan estudiaua ena universitat coneishí ua gojata qu'estaue en ua relacion de pòliamor. A jo me semblèc qu'era sua relacion òc qu'ère vertadèra damb es sòns companhs / parelhes / coma ne digam. E que, luenh d'èster ua mòda, en sòn cas era reconeishie qu'aguest tipe de relacion ère plan exigent peth que hè ara gestion des emocions. Creigui que jo non poiria cap mantier ua relacion atau. Se ei dificil suenhar era relacion damb ua soleta persona, imaginatz damb tres!

#Amor #Parelha #Pòliamor

Pere de CabanaApr 21, 2024

Rebrembe ara perfeccion eth dia que i auec er atac enes Tors Bessoes deth World Trade Center, a Naua Yòrk, er onze de seteme de 2001. Jo auia 24 ans. Aqueth maitin anèrem tara montanha damb es mèns pairs e era mia mair-sénher, e mos trobèrem un coneishut que mos didec: “vosati ètz ací tan tranquils e eth mon ei en guèrra!”.
Donques justament aqueth dia, o melhor dit, aquera net, coneishí era que, aué en dia, ei era mia hemna. Atau donques, un dia entà arrebrembar!

#Istòria #Recòrd #Parelha

Show threadEva Mauricio InglésMar 20, 2024

@lidia Tanben pensi coma tu, non pòt èster un sacrifici tota era estona perqué alabetz non serie ua relacion sana. Es dues persones s'an de poder expressar damb libertat e sentir-se respectades. Pensi que eth respècte ei ua part vital ena relacion de parelha, dempús tanben cau eth supòrt der auta part, atau se cau hèr un sacrifici ei mès fàcil. Coma dides, cau auer present que era parelha ei un conjunt que cau cuedar damb amor entre es dus.

#Reflexion #Relacions #Parelha

LídiaFeb 12, 2024
Eth limit li cau èster eth respècte. S'entà mantier era relacion te cau sacrificar-te tostemp e per tot, considèri que non se tracte d’ua relacion sane e donques serie melhor deishà'c. Era relacion li cau èster de respècte e igualtat dar e arrecéber, ei ua causa de dus, sense “submissions” ne ordes, basicament amor e respècte des dues persones. Mos cau lutar entà cercar era felicitat, nòsta e dera auta persona ath madeish moment! #Reflexion , #Relacions , #Parelha
Tayta IntiDec 15, 2023
#Parelha: Es relacions de parelha jamès son facils, cada viatge qu'escuelhes maridarte e formar ua familha, Per fòrça que t'estimes era parelha tostemp pòden gésser petiti conflictes donques que dues persones jamès pòden èster d'acòrd damb tot. Mès se pòt auer ua convivencia respectuosa e amorosa, encara qu'a viatges i pòt auer petiti conflictes per mau compréner Tostemp volgues o non , damb ua parelha se genère un ligam emocionau, mès se licau cultivar e evitar qu'aguest ligam sigatz perilhós.
Arténher Oct 30, 2023
Voleria posa-me en casa aguesta net damb era mia #parelha entà veir ua peli e m'agradarie que me recomanèssetz ua parelha.
sergi maüllMay 25, 2023
Tà hèr qu'era convivencia en ua #parelha funcione a de besonh que i age ua bona comunicacion, empatia e un shinhau de sacrifici. Se auem parelha ei que auem molti causes en comun e pensam de manera parièra mès non em iguals. I a d'auer pro confiança tà hèr e deishar hèr. Non cau anar tostemps amassa. Cadun a era sua personalitat e non se pot pèrder. Se mos sacrifiquem tostemps tà mantier ua relacion aquerò non aurà pas guaire futur. E se ei atau era #relacion serà longa e sana
#relacions