| Telegram | https://t.me/retranaissance |
Неўзабаве сёньня прыгожая дата - 25 гадоў споўнілася Game Boy Advance!
21 сакавіка 2001 года кансоль упершыню выйшла ў Японіі (у ЗША і Эўропе у чэрвені таго ж года). Афіцыйна было прадана больш за 80млн кансоляў.
32-бітны працэсар і гульні ў кішэні ўзроўню SNES - гэта вам не конікаў ляпіць з таго-сяго.
Добрая нагода, каб дастаць з шуфляды кансоль або проста пагуляць у якія гульні зь яе на другіх плятформах ці нават эмулятары (я так з GBA і кансольнымі Пакемонамі і пазнаёміўся недзе ў 2008).
Дэмэйк гульні Phoenix Wright: Ace Attorney для клясычнага Game Boy!
Гульня ўяўляе сабой даволі дакладны перанос першай навучальнай справы з арыгінальнай гульні, якая выхадзіла ў 2001 для Game Boy Advance і ў 2005 для Nintendo DS, дзе і атрымала велізарную знакамітасьць. Сама гульня - гэта працэдуральная візуальная навэла, у якой галоўны герой Фенікс Райт у якасьці адвакату бароніць у судзе інтарэсы самых безнадзейных падсудных, якіх вінавацяць у забойствах.
https://2bitcrook.itch.io/phoenix-wright-ace-attorney-demake
У 2028 выйдзе мультсерыял пра прыгоды дзяцей чорнага мага Віві з Final Fantasy IX.
Вядома, што серыял будзе складацца з 10 серый па 22 хвіліны. Падназва Black Mages Legacy (Спадчына чорных магаў). Аўдыторыя - дзеці 6-13 гадоў. Магчыма будзе больш за 1 сэзон.
Final Fantasy IX мая самая ўлюбёная частка з усёй серыі FF. Ёсьць надзея на паўнавартасны рэмэйк, пра які пэўны час ходзяць чуткі. А то адкуль дзецям да 13 гадоў увогуле даведацца, а што гэта за сусьвет такі і чыі гэта дзеткі ў мульціку?
