Дзякуй кожнаму, хто з намі —
аўтарам і мастакам, падпіснікам і чытачам, тым, хто расказвае сябрам, дае фідбэк або нават крытыкуе — гэта дапамагае зразумець межы нашых каштоўнасцяў і знаходзіць “сваіх”.

За два месяцы пасля рэлізу 7-га нумару мы сабралі каля 1500 €. Гэта менш, чым раней — але гэта падтрымка ад тых, каму насамрэч блізкія нашыя ідэі.

Мы ўжо працуем над нумарам 8 — і ўсё магчыма! Калі маеце ідэі — пішыце, не саромейцеся 🔥

П.С. Калаж зроблены з выкарыстаннем выявы @jane_moth.art

Мы выклалі нумар 7 у вольны дасяг!

Нумар 7, як і ўсе папярэднія, дасяжны на GitHub'е.

Хай будуць свабодныя веды і свабодная культура❤️

Вы можаце спампаваць (з камп’ютара) як PDF для прагляду, так і версію для друку фарматам А3!

Калі хочаце сказаць нам «дзякуй», кажыце!

Рабіце данэйт за тое, што мы вызваляем веды і культуру, апавядайце сябрам пра зін (мы маем толькі нізавую рэкламу peer-to-peer).

https://github.com/PAMYLKA-ZIN/pamylka-number-7

Вось такі комікс да артыкулу пра сон намалявала @jane_moth.art

Мы вельмі любім коміксы пра навуку і заахвочваем мастакоў іх маляваць! Дапаможам, навучым <3 Галоўнае – вашая адкрытасць да мастацкіх эксперыментаў: пішыце нам ;)

Ня сьпі ў шапку, а чытай наступны захапляльны артыкул нумару 7!
Так, артыкул пра сон😴

«Выходзіць, сон як стан пачаў разьвівацца прыблізна 3,5 млрд гадоў таму й эвалюцыянаваў разам з ускладненьнем нэрвовае сыстэмы жывых арганізмаў. Таксама ўскладняліся й множыліся функцыі сну: ад дапамогі ў адаптацыі да зьменаў у асяродзьдзі, выкліканых цыклямі асьвятленьня, да апрацаваньня нэрвовае сыстэмы», –
↓

Чарговы артыкул у сёмым нумары – на тэму экалогіі!

🌎 Жыццё на нашай планеце працякае дзякуючы складаным структурным працэсам. Яны маюць розны маштаб і не заўсёды відаць чалавечаму воку з прычыны глабальнасці і часовае працягласці. Напрыклад, кругазвароты рэчыва і энергіі, якія існавалі яшчэ да з’яўлення жывых істотаў. А ёсць і больш блізкія ды зразумелыя звычайнаму чалавеку: магчымасць дыхаць свежым паветрам, піць чыстую ваду, спажываць ежу.

↓

Чым ёсьць храмасомная тэорыя спадчыннасьці і як атрымаць Нобэлеўскую прэмію ў галіне фізіялёгіі і мэдыцыны на мухах!? Чытайце ў нумары 7 зіну Pamyłka!

«...Томасу Морґану нічога не заставалася, як шукаць аб’ект дасьледаваньня вакол сябе. І знайшоў. Drosophila melanogaster – невялікія пладовыя мушкі, якія раяцца над гароднінай і садавіною ды назаляюць уласьнікам прадуктовых крамаў. Уявіце:
↓

❔️Які калаген самы калагеністы (чытай: найлепшы)? Хларэла ці спіруліна? Суперновы сродак псіліум рэальна дапамагае? Які комплекс вітамінаў/мінералаў/амега найцудоўнейшы і ад усяго?

💊 Для аўтаркі Валянціны Корсак тэма БАДаў – балючая і нават заезджаная. Яшчэ падчас працы ў аптэчнай гандлёвай сетцы шмат пытанняў ёй задавалі, вядома, наведнікі. Цяпер тыя ж пытанні задаюць родныя, сябры, знаёмыя, знаёмыя знаёмых.
↓

«GPT здольны дапамагаць у розных сітуацыях. Ён можа адказваць на пытанні, ствараць тэксты, дапамагаць вывучаць мовы і нават быць партнёрам для брэйн-шторму», – апавядае стваральніца старонкі @witaju_chat . А мы запісваем карысныя парады наконт працы са штучным інтэлектам у зін і дзелімся з вамі!

Падпісвайцеся на старонку і сачыце за навінамі!

↓

Сябры, ура! У нас рэліз інтэрактыўнай версіі 7-га нумару! Ура (:

Гэты нумар – сапраўдны космас: напоўнены не толькі ведамі, але і прыгажосцю! Вас чакаюць: неверагодныя фота Сонца ад Зміцера Канановіча @dzmitrykananovich, здымкі прыроды да артыкула пра экасістэмныя паслугі, і вядома -- унікальныя ілюстрацыі беларускіх мастакоў.

Чытайце пра сон і штучны інтэлект, пра камплексныя лікі і дразафілавых мух, пра нараджэнне зорак і магчымасць жыцця ў космасе… і яшчэ шмат чаго цікавага і важнага!
↓