4月4日凌晨，倫敦Hither Green區嘅Richard Osborn-Brooks發現有兩人入室行竊。雖然Richard Osborn-Brooks已經78歲，但為保護痴呆症妻子，仍然同小偷响廚房發生搏鬥並將其刺傷。

到0時45分，警察接到報案，於案發地點附近大街上發現傷重倒地嘅盜竊犯，送醫院後不治身亡。 警方證實死者名叫Henry Vincent，37歲。隨後，警察以謀殺罪名逮捕Richard Osborn-Brooks。

本來以謀殺罪名逮捕一個受襲老人已經非常荒謬，但居然响老人無罪釋放之後，一班大愛左膠以及小偷家屬，走去老人屋企外掛上花束。呢班友話老人要為小偷嘅死負責，話小偷因屋企有3個女兒而犯案，所以係無辜。

結果引起當地居民忿怒，甚至有一名外地人知道事件經過後，專程駕車到該區，當街整爛啲花。

入屋偷竊，被人發現反抗捅死，呢個家族好應該感到羞恥，而且更加應該道歉。而左膠竟然可以講成犯人先係弱勢，顛倒是非黑白，妄想揮舞「文化多元、大愛包容、政治正確」權力一統天下，呢啲係真正嘅邪惡。

面對呢啲人，只要用常識同邏輯，就可以識破佢哋欺世盜名自私偽善嘅真面目。