O trebello garmin edge 520 está, literalmente, caendo a cachos.

Funciona perfectamente (>10 anos  ) pero as gomas e botóns estanse desfacendo desde fai uns meses. Funo trampeando, pero comeza a darme apuro andar así por aí, polo que dirán   Iso non debería ser un criterio, xa sei, pero a iso súmalle a incomodidade dun botón que xa non funciona e o complicado que se fai acceder a algún menú, ou funcións que me viría ben ter. As cores da pantalla tamén xa se ven raras desde hai tempo. A batería moi ben, todo hai que dicilo (despois de tantos anos).

Di ti que total paqué. E tes razón. Pero se aplicamos iso como vara de medir, a cantas cousas deste primeiro mundo llas poderiamos aplicar. Afortunadamente isto cáusame cero estrés ( , ou 1)

Lembro unha vez que fun correr a un trail en Ribeira cunhas zapatillas todas rachadas. Literalmente. Pois para min eran súper-cómodas e estaban no seu prime porque a sola estaba perfecta cos tacos e todo pero a tea de arriba era moi mala e rachou con 200 ou 300 Km. O caso foron os comentarios das persoas coas que estiven, algúns máis graciosos que outros, máis despectivos. Pilloume xa cunha idade, pero son cousas desagradables que aínda lembro, xa ves.

Dame máis dor de cabeza ter que escoller un novo trebello, valorar vantaxes e inconveniencias, se lle dou máis importancia a aquilo que isto,…  que a pena dos cartos (que gracias a dios non teño). Máis que estrés, é preguiza de pillar a romana e ponderar todos os puntos.

Quería tamén botarme fóra de #Garmin, pero saír dun souto e meterse noutro non ten sentido. Tamén mirei, estou mirando, se hai trebellos «tontos» que non se conectan a nada, e hainos, pero tan limitados que para iso mellor xa non uso nada. Outra opción: usar o reloxo, que para gravar as rutas que fago vale perfectamente.

O que dicía: problemas do primeiro mundo. É por contar algo 

#ciclismo #bicicletismo