Diabetesa ikertzen laguntzeko zazpi maratoi solidario korrituko ditu Ana Isabel Pinedo irundarrak zazpi egunetan

Apirilaren 19an Irungo Zabaltza plaza inguruan hasiko du 'Diabetesaren aldeko 7x7x7 erronka', eta astebetean Lasarte, Errenteria, Santurtzi, Bilbo, Basauri eta Gasteizen ere maratoi bana egingo du Gipuzkoako Diabetes Elkartearen alde. Igandean, 10:00etatik 16:00ak arte berekin korrika egitera animatzen ditu bidasotarrak 10 euroko dortsal solidarioaren truke, eta asteburuan erdiguneko 9 ostatuk eritasun honen ikerketa bultzatzeko pintxo solidarioa salduko dute 2 euroren truke.