Armintzako Bimepeko azpikontratako langileak greban daude hitzarmen propioa eskatu eta euren lan-baldintzak egokitzeko

UTE BIMEP 2021 enpresako 15 langileak mobilizazioak egiten ari dira hitzarmen propio bat lortzeko, izan ere, salatu dutenez, gaur egun aplikatzen zaien Estatu mailako Segurtasun Pribatuko Hitzarmenak ez ditu jasotzen Armintzan egiten duten jardueragaz bat datozen lan-baldintzak. Plantillak otsailetik aurrera elkarretaratzeak abiatu ditu Energiaren Euskal Erakundearen (EEE) eta Bimep erakundearen aurrean, eta negoziazioak azkartzeko asmoz, eguen goizero kontzentratzea erabaki dute.