Getxoko hainbat puntutan izandako 12 edukiontziren erreketa ikertzen ari dira

Getxoko Udalak ikerketa abiatu du joan den martxoaren 21ean udalerriko hainbat gunetan nahita erretako 12 edukiontziren inguruan. Gertakariak Andres Larrazabal, El Club, El Pinar, Amaia eta Zugatzarte kaleetan jazo dira, eta lehen ikerketen arabera, suen ibilbidea El Pinarren hasi eta Amaia kalean amaitu zen. Suteek ez dute kalte pertsonalik eragin, baina galera material handiak utzi dituztela azpimarratu du Udalak.