formogalego 
Está a piques de comezar a cerimonia dos premios de cinema taiwaneses Cabalo de Ouro #金馬60, tradicionalmente os máis prestixiosos da Sinosfera.
Boicotados pola China desde 2018 porque un filme sobre os movementos estudantís en Taiwán (Our Youth in Taiwan, que aproveito para recomendar! 😉) obtivo o premio de mellor documentario, os galardóns e o festival que os precede continúan a atraer estrelas de Hong Kong e do Sudeste Asiático — alén de, naturalmente, Taiwán. Este ano destaca a importante presenza xaponesa: entre outros achegáronse Takeshi Kitano e Koji Yakusho (un dos meus actores favoritos), que visita Taiwán pola primeira vez.
Entre os favoritos desta edición, o candidato taiwanés ao Óscar de mellor filme internacional, de que xa falei aquí noutra ocasión:
formogalego :pineapple_cake: (@formogalego@g0v.social)
Hoxe soubemos que o candidato taiwanés á próxima edición dos Óscares sería a comedia Marry My Dead Body. Difícil imaxinar un mellor momento para anuncialo que durante o Mes das Pantasmas, porque o tema do filme é o casamento dun vivo cun morto ("bêng-hun", en taiwanés). Un casamento gay, neste caso. 👻 🏳️🌈 https://invidious.flokinet.to/watch?v=z7Y7AJKJc28
Outro dos filmes con maior número de nomeacións é Snow in Midsummer, unha coprodución entre a Malaisia, Taiwán e Singapura.
https://en.wikipedia.org/wiki/Snow_in_Midsummer_(film)
https://en.wikipedia.org/wiki/Snow_in_Midsummer_(film)
Entre as fitas de Hong Kong, a que ten máis posibilidades é Time Still Turns The Pages.
Por falar niso, Takeshi Kitano e a actriz e modelo taiwanesa Lîm Chì-lêng (Lin Chi-ling, casada coa estrela do J-pop Akira) acaban de entregar a Nick Cheuk o premio ao mellor director novel precisamente por ese filme. #金馬60
《八戒》動畫電影超前導預告
#YoyoTse #謝咏欣 ao recoller o seu premio ao mellor intérprete debutante polo filme #FlyMeToTheMoon #但願人長久 (Hong Kong, 2023): "...e obrigado tamén aos meus pais porque me mandaron que o dixese!" 🤣🤣🤣
Están a ser interpretados os temas indicados para o premio de mellor canción orixinal. Espero que a gañadora sexa a do filme en lingua taiwanesa #DayOff #本日公休 (que, por máis sinal, foi filmado na miña cidade).
洪佩瑜 @_hungpeiyu 《同款》Official Music Video（電影【本日公休】主題曲）
E o primeiro premio da noite para #MarryMyDeadBody (se non levou algún máis en canto eu lavaba a louza! 😅), o filme que representa Taiwán nos Óscares deste ano: mellor guión adaptado.
#AkioChen #陳慕義 (Tân Bō͘-gi), que acabou de recoller o premio ao mellor actor secundario polo filme taiwanés #OldFox #老狐狸, botou varios minutos a falar de todos os e as traballadoras que fan posíbel cada filme: as persoas responsábeis pola maquillaxe, a iluminación, a montaxe dos decorados, etc. Cando xa estaba para baixar do palco, lembrouse tamén dos "dous señores que están sempre sentados diante da tela a fumar, sen facer nada..." Referíase ao director e o editor. 🤣🤣🤣
Primeiro premio da noite para o filme en lingua taiwanesa #DayOff #本日公休: á mellor actriz secundaria, para #BeatriceFang #方志友 (Png Chì-iú), que interpreta a filla da protagonista.
E gañou a canción, tamén en lingua taiwanesa, dese filme, como eu quería! 🥰
formogalego :pineapple_cake: (@formogalego@g0v.social)
Están a ser interpretados os temas indicados para o premio de mellor canción orixinal. Espero que a gañadora sexa a do filme en lingua taiwanesa #DayOff #本日公休 (que, por máis sinal, foi filmado na miña cidade). https://www.youtube.com/watch?v=lGPVqCBmiBU
Lee Kang-sheng, o actor favorito de Tsai Ming-liang — o máis avangardista dos realizadores taiwaneses — entrega os premios ao mellor documentario e ao mellor director.
O premio ao mellor documentario foi para un filme independente chinés sobre as condicións de traballo na industria téxtil:
https://variety.com/2023/film/reviews/youth-spring-review-1235613022/
E o de mellor director foi para #HsiaoYachuan (Siau Ngá-choân) por #OldFox, un dos grandes vencedores da noite (que tiña pensado ir ver mañá...!).
Ao recoller o premio, lembrouse de #HouHsiaohsien (Hâu Hàu-hiân), de quen foi asistente en filmes como Flowers of Shanghai e que produciu algunhas das primeiras obras de Hsiao, como Mirror Image. A familia de Hou anunciou hai unhas semanas que o lendario realizador — talvez o máis coñecido dos membros do Novo Cinema Taiwanés — sofre de demencia.
Sen dúbida un dos mellores momentos da gala deste ano: Brigitte Lin recebe das mans de Ang Lee o premio de recoñecemento á súa traxectoria. A actriz taiwanesa retirouse case por completo en 1994 despois de protagonizar numerosos filmes de grande suceso en Taiwán e Hong Kong.
Un dos seus últimos papeis foi o da femme fatale con quen Takeshi Kanehiro tenta meter conversa preguntándolle se gosta de ananás no filme de Wong Kar-wai Chung King Express. Para min unha das mellores escenas da historia do cinema!
Chungking Express (1994) - "Do you like pineapple?"
Uau! 😲 #AudreyLin acaba de levar o premio á mellor interpretación feminina polo seu papel no filme #TroubleGirl. A actriz taiwanesa, nacida na Australia, ten apenas 12 anos, e tórnase así na vencedora máis nova de sempre nesa categoría.
O premio ao mellor actor vaino entregar Koji Yakusho (si, o detective do mítico thriller de Kiyoshi Kurosawa Cure, que moitos coñeceredes tamén de filmes como Shall we dance? ou O terceiro asasinato). 😊
Cabalo de Ouro á mellor interpretación masculina para o actor taiwanés Wu Kang-ren (Ngôo Khóng-jîn) pola súa participación no filme malaisiano Abang Adik.
https://www.screendaily.com/reviews/abang-adik-nyaff-review/5184613.article
https://www.screendaily.com/reviews/abang-adik-nyaff-review/5184613.article
O premio ao mellor filme foi finalmente para un drama chinés producido no Xapón e que non pasou polos cinemas comerciais (polo menos en Taiwán, que eu saiba), mais foi ben recibido en festivais como o de Veneza:
https://www.latimes.com/entertainment-arts/movies/story/2023-03-31/stonewalling-review
