居然見到有人問：外國人點睇？

外國元首 / 高官點睇先係重點，外國平民同你我一樣，都只係平民，無乜特別政治智慧。

唔同嘅係，佢哋係外國人，有外國居留權，一個唔高興可以執包袱走。

我今朝同老闆講呢兩日發生咩事，佢聽完呆一呆因為佢根本唔知 / 唔理 / 唔 Care。

我再同佢講多 d，佢只係好簡單一句：其實黎到而家咁嘅環境，唔想留嘅就會搵辦法走，對住中國政府真係講多都無謂  

係囉！我認同架喎！但可惜唔係人人話想走就走得甩，咁點算？外國平民表示愛莫能助。

連一向關心香港時事嘅美帝都無搵我傾過呢兩日嘅事，說明一般嘅外國平民對呢件事頂多只係關心，唔會 / 亦無能力參一腳。

香港人唔好再發夢以為外國人個個都咁 Care / 以為得到外國平民嘅 Care 就可以改變任何嘢。

一切都掌握喺當權者手中，無論係中國嘅當權者，定外國嘅當權者，關鍵都係在於當權者呢三個字。

祈求居港外國平民關注 / 以為得到居港外國平民關注等於得到國際關注 / 同情 / 撐腰，呢個想法都幾傻豬豬。