陰功豬，又自製公關災難～
啱啱鄭議員先搞完單高鐵風後爆玻璃fake news，搞到俾左中右鬧到飛起。琴日先叫做慢慢平息事件，今日即刻又搞第二單公關災難，將去南丫島索罟灣開艇釣魚嘅人一律打為偷魚賊，結果俾人洗版咁鬧。
知唔知有啲釣魚嘅人，其實係魚棚嘅人請返黎盡量釣返啲魚？啲人唔去釣，唔通啲魚識自己返魚棚咩～
而且鬼唔知打風會令漁民有損失，呢啲係呢個行業本身嘅風險，叫政府賠償已經九唔搭八，當然政府係可以作出一啲人情上「賠償」，但唔通商人投資失利又下下搵政府賠償咩！仲話去釣魚嘅人係偷魚係賤格，啲魚游咗出公海就係公物啦，而且個海咁大，釣到都唔一定係魚棚啲魚囉，有無常識㗎？
打風將我屋企有獨特貓屎味嘅空氣吹咗出屋，你哋唔好埋黎偷聞我 d 空氣咁賤格呀。
@Kanphd @karenchiu @chunman620 @haugor 整整兩日時間，魚都走得7788，就算釣到都好大機會唔係魚棚失魚。
講白啲，佢哋只係想要一個藉口去鬧香港人，以符合佢哋個套末日論，令自己有得救一份子嘅優越感，呢隻心態係同耶撚一樣。不過以前係鬧大陸人去突顯自己優越，依家就改為鬧香港人。
正常望見佢個post係會諗，冇錯香港有法例禁止响魚棚水域釣魚，而亦唔排除真係有人咁低能，諗住兩日後仲釣到魚棚啲魚。不過，法例唔係限制成個海，同埋唔係個個釣魚都咁低能囉～
而佢哋冇發現一樣嘢，就係個二百條留言鬧佢嘅人入面，有為數不少係魚人，仲要有幾個疑似係當地魚人。所以啲留言唔少唔單止唔係謾罵，反而仲好大程度係現實情況。
@chunman620 @Kanphd @bluephoenix @haugor
其實佢哋諗下啦，拎碌落山貨車嘅貨物同逃走咗出大海嘅魚黎比，係咪唔太適當呢？
仲有，講到損失千幾二千萬，咁點呢？做咩生意都有風險，賺就自己袋，蝕就要人幫呀？有無咁便宜嘅事呀？
@bluephoenix @chunman620 @Kanphd @haugor
同埋要睇周遭環境係咪充滿同一樣嘢先，譬如農場走雞，如果方圓十里得一個農場，咁大家都知走咗嘅雞多數屬於該農場嘅產業，咁係唔應該去拎。
但如果周遭環境本身已經充滿雞群，你農場 d 雞逃走混咗入雞群，無得要求人哋分返開邊隻雞係屬於你架啦，無記認嘅嘢無得話人偷你架喎。
一個裝滿水嘅水桶喺水入面爆開，點樣分返開邊 d 係水桶嘅水，邊 d 係普通水？呢個係咪哲學問題黎架？
藍鳳凰
Goodbye
chunman
肥Kan