今次黎到講眼球發育。

人其實一出世視力奇差，原因：
眼角膜尚未發育完成（增厚）
睫狀肌肌肉無力（增強）
眼窩唔夠厚（眼球成長）
視椎同視桿未夠多（逐步生長）

所以其實嬰兒一開始根本睇唔到你咩樣，佢只係會見到一舊野起個度，而到佢叫媽媽個時，其實佢只係對你既氣味，抱抱手法有關，而且因為你每次抱佢都講媽咪媽咪，同佢睇唔睇到你根本無關（因為佢根本睇唔清你）。

眼角膜，睫狀肌早就已經在4~6歲調整完成，大約8~12歲就只差眼球以及視網膜視椎同視桿成長。期後因為青少年成長就變成各人在不同歲數的情況下可以睇清楚，然而又因為眼球繼續生長，而造成慢慢開始近視。

簡單形容：你6歲成像在視網膜後，眼球成長到10歲就啱啱打起視網膜上，而到14歲就已經打起視網膜前，形成近視，然後一直加深到16~22歲近視停止加深，而主要原因就只係因為你眼窩/眼球成長變大。

下次你老母叫你唔好打咁多機，近視啊，你可以直接講根本唔係打機形成。但電腦對眼睛傷害並唔係造成你近視，而係令你視網膜等等部位重創。

但上面既原因只係講緊４５％上下既遺傳近視，亞洲區既近視仲有近30%係因為失衡，而罪犯就係家長。(待續)

話說要講隱形眼鏡，不過我決定由基礎講。當然唔係講眼睛構成，基本功能，成像路線，請自己上網搵，大把。
今篇就由近視講起，但而家講基礎，下一篇舉例。

近視：顧名思義，睇近唔睇遠。以前一個原因，眼球太大。至於眼球太大成因就只係因為遺傳。

眼球太大就係古代人遺傳落，古人通常係遠視（遠視睇近野唔清楚，太遠亦都唔清，有需要再講）至於遠視成因亦都只為生存：打獵。佢地唔需要睇到野牛隻眼起邊，佢地需要既係睇到野牛群起邊。正因為眼球大，成像距離遠，先可以睇到更遠既野，望清牛群動向。

而近代其實已經有變化，但只係現代環境改變更快，人體進化未能跟上。（幾百年後我相信亞洲人將會同歐洲人眼球大小相差明顯，後話）

而近代造成近視既重點成因：視覺平衡+環境。
第一：過度人口擁擠，比起望車幾時過來，你更需要睇清楚有無撞到人。
第二：近距離資訊太多，睇書，手機，電腦，老實，除左休息你幾可需要睇遠野。
第三：室內環境，你有大量時間起一個室內環境工作，而非室外。
當然仲有好多零零碎碎既野先會構成現代人高度近視。

而當身處現化環境造成近視既影響因子更多因爲：眼球成長+失衡。下一篇再談 

【新身份證RFID私隱問題只是煙幕】

新智能身份證即將開始接受換領，好多人都擔心新身份證所應用嘅技術RFID可能造成私隱問題，但其實呢個問題，一個市面好易搵到嘅阻隔RFID嘅銀包就已經解決咗，故我認為RFID私隱問題只係一個引導大家向錯誤擔憂方向嘅煙幕，大家見呢個問題解決到就會乖乖去換身份證。

換新身份證，其實有一個更根本性嘅問題，就係入境處會重新收集我哋嘅指紋、高清容貌等生物數據。

可能會有人話十年前換智能身份證果陣，入境處都已經收集咗我哋嘅指紋同容貌數據，但今時已經唔同往日。十年前嘅港共仍然算係會按章工作，受私隱條例監管底下，指紋數據同容貌資料等生物數據未經當時人同意，係唔可以隨意留底，故我相信當年呢啲數據只係存於身份證晶片內。

如果你有留意政府嘅各部門運作細節，你會發現入境處果部要另外登記嘅「快速e道」（即係唔洗插卡，只係放係部機上面果隻），登記果時，佢要你同意佢儲存你嘅指紋數據以便日後過e道唔需要花時間去解密晶片中嘅數據。仲有警察好多時係犯案現場搵到指紋都好，都只有指紋擁有人曾經被警察開過Case，先可以被追查到。

（待續）