‘Anker’ komikia plazaratu du Harriet argitaletxeak

Siberiako tigre bat protagonista duen ingurumen thrillerra da. Gregorio Muro ‘Harriet’-ek idatzi du gidoia, eta Alex Macho eta Ekaitz Agirre 'Garluk' arduratu dira irudiez eta koloreaz.

Ni ez naiz Mikel Laboa - Wikipedia, entziklopedia askea.

Migel Marmolen hamaika eta bat jaiotzak

<p>EZOHIKO LAN BAT</p> <p>Dani Fano donostiarrak 1905ean El Salvadorren jaiotako ekintzaile nekaezina izan zen Migel Marmolen bizitzak eta heriotzak eman dizkigu luze bezain eder. Liburu hau zortzi urteko lan saiatu baten emaitza zaindua eta bikaindua dugu.</p> <p>“Dani Fanoren esku tinkoak gure herritarren giza-zuntzak agerrarazten ditu, eta hala berean ematen die arnasa sumendi, aintzira, lamina eta elezaharrei, indigena eta nekazari bulartsuak borrokara deitzen dituen kurkuilu zaharra joz. Nobelako biografia honek historia puska bat suposatzen du, marraz marra eta esanaz esana zaindua, bere arima erretzen duen artistaren hunkiduran”, dio El Salvadorreko Hitzaren eta Irudiaren museoko buru Carlos Henriquez Consalvi <em>Santiagok</em>.</p> <p>MIGEL MARMOL</p> <p>Ilopangoko familia txiro bateko seme txikiena izanik, Migeltxok artopil zopa janez zaildu behar izan zuen sabela titiko haurra zela. Zapatari-ofizioa ikasi zuen gaztetan, baita sindikatuak eta langile-federakuntzak antolatzen ere. Horrela, 1930ean, El Salvadorreko Alderdi Komunista eratu zuen beste kide batzuekin. Urte hartan bertan SESBera bidaiatu zuen sobiertar iraultza bertatik bertara ezagutzeko.</p> <p>Handik itzuli ostean Martinez jenerala buru zuen gobernu totalitarioaren aurka jardun zuen 1932ko indigena eta langileen matxinadaren antolakuntzan Farabundo Marti, Feliciano Ama, <em>Chico</em> Sanchez eta beste hainbat burkideren ondoan. Migel atxilotu eta fusilatu egin zuten gainerako burkideak eta beste milaka indigena bezala. Eta aihotzaz eman zioten azkena. Ustez. Migelek ez baitzuen mundu hau uzteko asmorik, aurre egin zion heriotzaren diktadurari ere. Harrezkero, mehatxatua, atxilotua nahiz torturatua, ez zion justizia sozialaren alde borrokatzeari utzi. El Salvadorren zein Guatemalan, langile taldeak suspertu eta antolatu zituen. Hamaika bider agertu zitzaion heriotza, eta hamaika bider egin zion ezetz. Migeltxoren bizitza XX. mendeko El Salvadorreko historia zauritua josteko haria da.</p> <p>AHOZ ETA IDATZIZ</p> <p>Eduardo Galeanoren eta Roque Daltonen idatzietan oinarritu da Dani Fano kontakizuna antolatzeko, baita El Salvadorren egindako landa lanean ere. Euskarazko edizioa Koldo Izagirrek moldatu du harreman sarrian egilearekin.</p> <p>LAGUNTZA</p> <p>2017an, <em>Migel Marmolen hamaika eta bat jaiotzak</em> obrak Eusko Jaurlaritzako Kultura Sailak komikiak sortzeko emandako diru-laguntzetako bat jaso zuen.</p> <p><iframe frameborder="0" height="315" src="https://www.youtube.com/embed/14xLF0kWBDg" width="560"></iframe></p>