娛壹 as1.entertainment on Instagram: "港產片海外掃六獎 陸駿光憑《你在嗎》 美國獨立短片獎封帝 9/14公映 只此一場 港大教授：「呢場戲喺好多家庭日日上演！」 李昀蔚、黃梓樂首映場派唔食得嘅爆谷？！ 其實係45粒靜觀小錦囊，畀大家一嘗更好親子關係 港產片再度揚威海外，《 #你在嗎 #IHaveArrived 》喺美國獨立短片獎（洛杉磯）中橫掃6個獎項。除咗 #陸駿光 獲頒最佳男演員外，#李昀蔚 亦獲頒最佳小演員；另外仲奪得最佳外語短片（評審團特別獎）、最佳兒童短片、最佳原創劇本同最佳女導演。 短片嘅誕生，原來係為咗全港嘅家長同小朋友！香港大學賽馬會「樂天心澄」靜觀校園文化行動留意到，好多時父母忙住拼搏畀孩子更好嘅生活，卻冇好好咁同孩子相處，又指每逢開學季，家長同學童嘅情緒都會較容易受到波動。為咗畀家長重新思考同孩子嘅相處，所以揾嚟 #麥婉欣 執導，演員陸駿光、#潘芳芳 同李昀蔚主演，仲有 #陳奐仁 唱主題曲，歷時半年，先製作出呢齣短片。 麥婉欣導演稱英文片名取自一行禪師嘅一首歌，「我哋成日諗遠方、諗目的地，其實沿路我哋都已經到達了。」而中文片名並非直譯，似係一問一答，透過靜定落嚟，提醒大家不必為咗未來而忘記當下。香港大學賽馬會「樂天心澄」總監林瑞芳教授亦補充表示：「啲對白觀眾可能好熟悉，因為係我哋喺家長靜觀小組度，聽到好多佢哋面對日常親子困局時嘅心聲。我哋希望家長同子女透過靜觀可以回到當下，發現快樂就在此時此地。」 當日首映禮後，李昀蔚同 #黃梓樂 向在場家庭送出一個唔食得嘅爆谷—「情緒唔使『爆』 『谷』」，裏面有45粒靜觀小錦囊，鼓勵大家平時多啲同小朋友做靜觀練習，親子之間多溝通，唔使再「爆」「谷」。唔只咁，現場仲有HKU教授同教育心理學家分享同孩子溝通嘅秘訣同試玩靜觀練習添！ 嚟緊14/9係唯一一場公映場，有興趣嘅父母可以透過以下連結登記報名，名額有限：https://www.jcpanda.hk/movieevents 就算未能成功報名，都有機會免費獲得「情緒唔使『爆』『谷』」，詳情請查閱JC PandA / 賽馬會「樂天心澄」官方網頁或社交媒體。 唔得閒去公映場嘅朋友，都可以睇住精華版先：https://www.youtube.com/watch?v=eoTzdBZSmOs 另外，賽馬會「樂天心澄」原來有免費「靜觀教養家長課程」，到時唔只睇片，仲有得實踐！想增值自己嘅家長可以喺9月19日或之前報名：https://www.jcpanda.hk/mp24 #娛壹"

77 likes, 0 comments - as1.entertainment on September 6, 2024: "港產片海外掃六獎 陸駿光憑《你在嗎》 美國獨立短片獎封帝 9/14公映 只此一場 港大教授：「呢場戲喺好多家庭日日上演！」 李昀蔚、黃梓樂首映場派唔食得嘅爆谷？！ 其實係45粒靜觀小錦囊，畀大家一嘗更好親子關係 港產片再度揚威海外，《 #你在嗎 #IHaveArrived 》喺美國獨立短片獎（洛杉磯）中橫掃6個獎項。除咗 #陸駿光 獲頒最佳男演員外，#李昀蔚 亦獲頒最佳小演員；另外仲奪得最佳外語短片（評審團特別獎）、最佳兒童短片、最佳原創劇本同最佳女導演。 短片嘅誕生，原來係為咗全港嘅家長同小朋友！香港大學賽馬會「樂天心澄」靜觀校園文化行動留意到，好多時父母忙住拼搏畀孩子更好嘅生活，卻冇好好咁同孩子相處，又指每逢開學季，家長同學童嘅情緒都會較容易受到波動。為咗畀家長重新思考同孩子嘅相處，所以揾嚟 #麥婉欣 執導，演員陸駿光、#潘芳芳 同李昀蔚主演，仲有 #陳奐仁 唱主題曲，歷時半年，先製作出呢齣短片。 麥婉欣導演稱英文片名取自一行禪師嘅一首歌，「我哋成日諗遠方、諗目的地，其實沿路我哋都已經到達了。」而中文片名並非直譯，似係一問一答，透過靜定落嚟，提醒大家不必為咗未來而忘記當下。香港大學賽馬會「樂天心澄」總監林瑞芳教授亦補充表示：「啲對白觀眾可能好熟悉，因為係我哋喺家長靜觀小組度，聽到好多佢哋面對日常親子困局時嘅心聲。我哋希望家長同子女透過靜觀可以回到當下，發現快樂就在此時此地。」 當日首映禮後，李昀蔚同 #黃梓樂 向在場家庭送出一個唔食得嘅爆谷—「情緒唔使『爆』 『谷』」，裏面有45粒靜觀小錦囊，鼓勵大家平時多啲同小朋友做靜觀練習，親子之間多溝通，唔使再「爆」「谷」。唔只咁，現場仲有HKU教授同教育心理學家分享同孩子溝通嘅秘訣同試玩靜觀練習添！ 嚟緊14/9係唯一一場公映場，有興趣嘅父母可以透過以下連結登記報名，名額有限：https://www.jcpanda.hk/movieevents 就算未能成功報名，都有機會免費獲得「情緒唔使『爆』『谷』」，詳情請查閱JC PandA / 賽馬會「樂天心澄」官方網頁或社交媒體。 唔得閒去公映場嘅朋友，都可以睇住精華版先：https://www.youtube.com/watch?v=eoTzdBZSmOs 另外，賽馬會「樂天心澄」原來有免費「靜觀教養家長課程」，到時唔只睇片，仲有得實踐！想增值自己嘅家長可以喺9月19日或之前報名：https://www.jcpanda.hk/mp24 #娛壹".