娛壹 as1.entertainment on Instagram: "Clockenflap 2024 THE HATS ON BAND x 柳應廷 恭碩良Jer合唱《月球人》 月居人月球人終於相遇 Jun稱明年或出歌 Carl叔：有我喺度，我會令到佢唱歌 《三俠四義》未必有part 2 轉玩新嘢 THE HATS ON BAND，由Carl叔叔 #王雙駿 、 #恭碩良 （Jun）、Jason Kui、爵士琴手 #DanielChu 、全能樂手 #EdwardChiu（趙浩權）、 #吳林峰 、 #TheHertz 主音結他手Herman、 #雷同二友 等組成。昨晚大樂隊登上Clockenflap 2024 舞台，還有Jer #柳應廷 。45分鐘表演實在太短﹐打頭陣是雷同二友謝芊彤cover Carl叔03年寫給盧巧音的《昏迷》（收錄於《Candy’s Airline》大碟）。 ︱謝芊彤重迎演繹盧巧音《昏迷》︱ 《好心分手》時期的Candy，種種壓力令身體不勝負荷。《昏迷》由曲詞到演繹都予人「完全昏迷」之感，多少反映她當時的身心狀態。今次由芊彤重新演繹，舞台上霧氣氤氳，隨著歌聲令全場陷於昏迷。 Carl叔說：「呢首歌我一路都好鍾意，原來寫咗已經二十一年。今次諗歌單時，個腦突然閃起呢首歌。再聽番首歌自己好感動，同埋芊彤嘅演繹方法令我好感動，多謝你芊彤。」芊彤感謝邀請之餘也說：「其實好少機會去表達我都好鍾意Carl叔叔嘅作品！（JKui：唔好畀佢停！）」眾起哄：「Carl叔寫多啲！」 ︱恭碩良教柳應廷打鼓︱ 《昏迷》後有柳應廷《狂人日記》，JKui亦換上Fender x Hello Kitty結他接招。《約齊靈魂在墳墓開生日派對》Except Drums有Edward Chiu，還有Jun。此前Jun還向柳親授打鼓技巧：「教咗15至20分鐘！」Carl叔說：「恭碩良教15至20分鐘喎！」柳插嘴道：「好貴㗎！今次係免費！」Jun笑：「唔講錢㗎呢個！」 Jun續謂：「假假地廿幾年、身為前輩，我好明白企喺前面，跟住望後面，會見到你喜歡嘅音樂人，我以前都試過。所以呢一代我希望同佢哋溝通唔好咁多distance，我會盡量friend啲，同埋大家都係差唔多年紀，我唔係好大㗎咋！（柳大笑）但我覺得唱得好好，真係！」 ︱月球人 月居人 首次同台︱ 柳仰慕Jun已久，追看對方busking片。一次Jun在音樂會live《 #月球人 》，尾聲樂隊合奏，柳形容為「宇宙大爆炸」，震撼至今。Jun曾為 《 #筆觸男孩憂鬱之死 》打鼓，《月居人》他負責編曲和drums。《月球人》從未見過地球的家，渴望回去；《月居人》在月球離群索居，劃地為界隔絕人類，如今兩位終於見面。 昨晚柳先演繹《月居人》，與Jun再合唱《月球人》，兩個遺孤渴望回家，但家已不成家。尾聲的宇宙大爆炸，「太渴望聽風 太渴望看海／太渴望最終 銀河上歸來／Because it's my home／It’s my home」，最後復歸平靜，令人不禁毛管䝂起。柳形容今次合作是成就解鎖：「我哋好多成員都好鍾意Jun嘅歌，今次好慶幸唱番《月球人》，呢首歌啟發我做《月居人》，而且《月居人》亦係Jun幫我做，好想借呢個台合唱一次，今日係超級開心！」 期待Carl叔寫歌，大家也在等Jun復出。他說：「下年應該有啲…」Carl叔拍心口：「放心！有我喺度，我會令到佢唱歌！」Jun就謂：「做一場show好難㗎，又要跳舞又要背歌詞。我唱一首歌其實好易，我好appreciate而家嘅新晉歌手，所以我哋要繼續支持Cantopop！」 ︱柳緊張調轉歌詞 渴望來年做更多live騷︱ 今次是柳首次參與Clockenflap，非常緊張；演出前夕Carl叔亦緊張失眠，除了JKui。JKui笑：「因為我玩第六次喇！我第一次就係同Jun玩，（望向Jun）我第一次畀咗你呀！十二年前！」Carl叔向JKui欠身：「前輩前輩！」 柳謂：「我係咁甩轆係咁將啲歌詞交錯，太緊張喇，因為我調轉咗，和音如果要跟住我和嘅話，要和啱歌詞㗎嘛，咁我無啦啦唱咗下一段歌詞，佢哋即刻要執生唱番下一段。」雷同二友跟Herman連連搖頭大聲說：「冇錯呀！冇錯呀！」 此前柳謂希望有機會踏紅館開solo con，達成歌手重要里程碑，昨晚他說：「我都想每年有一個show去present自己嗰一年嘅作品，玩live成班人一齊好正。下年希望可以開到紅館或個人騷，未必紅館都得嘅！ #我好想開騷㗎 ！」至於school tour亦籌備中，已有院校接觸經理人提出合作。柳說：「希望嚟緊玩多啲騷，開心啲。」Carl叔望向柳的經理人說：「唔該經理人！記住喎！」柳：「Thank You！」 ︱《三俠四義》未必有part 2 Carl叔：諗啲新嘢︱ 柳渴望開騷，上次Carl叔《 #三俠四義 音樂會》，他在台下亦聽得動容，不過受訪時口誤講成「三俠五義」，Carl叔、吳林峰、Herman一齊提他：「係三俠四義」，嚇得柳連聲sorry更正。問及《三俠四義》會否有part 2，Carl叔表示：「未必有part 2，我可能諗第二啲嘢，因為我個人喺呢方面比較唔定，不如諗啲新嘢。」 #娛壹"

694 likes, 0 comments - as1.entertainment on November 30, 2024: "Clockenflap 2024 THE HATS ON BAND x 柳應廷 恭碩良Jer合唱《月球人》 月居人月球人終於相遇 Jun稱明年或出歌 Carl叔：有我喺度，我會令到佢唱歌 《三俠四義》未必有part 2 轉玩新嘢 THE HATS ON BAND，由Carl叔叔 #王雙駿 、 #恭碩良 （Jun）、Jason Kui、爵士琴手 #DanielChu 、全能樂手 #EdwardChiu（趙浩權）、 #吳林峰 、 #TheHertz 主音結他手Herman、 #雷同二友 等組成。昨晚大樂隊登上Clockenflap 2024 舞台，還有Jer #柳應廷 。45分鐘表演實在太短﹐打頭陣是雷同二友謝芊彤cover Carl叔03年寫給盧巧音的《昏迷》（收錄於《Candy’s Airline》大碟）。 ︱謝芊彤重迎演繹盧巧音《昏迷》︱ 《好心分手》時期的Candy，種種壓力令身體不勝負荷。《昏迷》由曲詞到演繹都予人「完全昏迷」之感，多少反映她當時的身心狀態。今次由芊彤重新演繹，舞台上霧氣氤氳，隨著歌聲令全場陷於昏迷。 Carl叔說：「呢首歌我一路都好鍾意，原來寫咗已經二十一年。今次諗歌單時，個腦突然閃起呢首歌。再聽番首歌自己好感動，同埋芊彤嘅演繹方法令我好感動，多謝你芊彤。」芊彤感謝邀請之餘也說：「其實好少機會去表達我都好鍾意Carl叔叔嘅作品！（JKui：唔好畀佢停！）」眾起哄：「Carl叔寫多啲！」 ︱恭碩良教柳應廷打鼓︱ 《昏迷》後有柳應廷《狂人日記》，JKui亦換上Fender x Hello Kitty結他接招。《約齊靈魂在墳墓開生日派對》Except Drums有Edward Chiu，還有Jun。此前Jun還向柳親授打鼓技巧：「教咗15至20分鐘！」Carl叔說：「恭碩良教15至20分鐘喎！」柳插嘴道：「好貴㗎！今次係免費！」Jun笑：「唔講錢㗎呢個！」 Jun續謂：「假假地廿幾年、身為前輩，我好明白企喺前面，跟住望後面，會見到你喜歡嘅音樂人，我以前都試過。所以呢一代我希望同佢哋溝通唔好咁多distance，我會盡量friend啲，同埋大家都係差唔多年紀，我唔係好大㗎咋！（柳大笑）但我覺得唱得好好，真係！」 ︱月球人 月居人 首次同台︱ 柳仰慕Jun已久，追看對方busking片。一次Jun在音樂會live《 #月球人 》，尾聲樂隊合奏，柳形容為「宇宙大爆炸」，震撼至今。Jun曾為 《 #筆觸男孩憂鬱之死 》打鼓，《月居人》他負責編曲和drums。《月球人》從未見過地球的家，渴望回去；《月居人》在月球離群索居，劃地為界隔絕人類，如今兩位終於見面。 昨晚柳先演繹《月居人》，與Jun再合唱《月球人》，兩個遺孤渴望回家，但家已不成家。尾聲的宇宙大爆炸，「太渴望聽風 太渴望看海／太渴望最終 銀河上歸來／Because it's my home／It’s my home」，最後復歸平靜，令人不禁毛管䝂起。柳形容今次合作是成就解鎖：「我哋好多成員都好鍾意Jun嘅歌，今次好慶幸唱番《月球人》，呢首歌啟發我做《月居人》，而且《月居人》亦係Jun幫我做，好想借呢個台合唱一次，今日係超級開心！」 期待Carl叔寫歌，大家也在等Jun復出。他說：「下年應該有啲…」Carl叔拍心口：「放心！有我喺度，我會令到佢唱歌！」Jun就謂：「做一場show好難㗎，又要跳舞又要背歌詞。我唱一首歌其實好易，我好appreciate而家嘅新晉歌手，所以我哋要繼續支持Cantopop！」 ︱柳緊張調轉歌詞 渴望來年做更多live騷︱ 今次是柳首次參與Clockenflap，非常緊張；演出前夕Carl叔亦緊張失眠，除了JKui。JKui笑：「因為我玩第六次喇！我第一次就係同Jun玩，（望向Jun）我第一次畀咗你呀！十二年前！」Carl叔向JKui欠身：「前輩前輩！」 柳謂：「我係咁甩轆係咁將啲歌詞交錯，太緊張喇，因為我調轉咗，和音如果要跟住我和嘅話，要和啱歌詞㗎嘛，咁我無啦啦唱咗下一段歌詞，佢哋即刻要執生唱番下一段。」雷同二友跟Herman連連搖頭大聲說：「冇錯呀！冇錯呀！」 此前柳謂希望有機會踏紅館開solo con，達成歌手重要里程碑，昨晚他說：「我都想每年有一個show去present自己嗰一年嘅作品，玩live成班人一齊好正。下年希望可以開到紅館或個人騷，未必紅館都得嘅！ #我好想開騷㗎 ！」至於school tour亦籌備中，已有院校接觸經理人提出合作。柳說：「希望嚟緊玩多啲騷，開心啲。」Carl叔望向柳的經理人說：「唔該經理人！記住喎！」柳：「Thank You！」 ︱《三俠四義》未必有part 2 Carl叔：諗啲新嘢︱ 柳渴望開騷，上次Carl叔《 #三俠四義 音樂會》，他在台下亦聽得動容，不過受訪時口誤講成「三俠五義」，Carl叔、吳林峰、Herman一齊提他：「係三俠四義」，嚇得柳連聲sorry更正。問及《三俠四義》會否有part 2，Carl叔表示：「未必有part 2，我可能諗第二啲嘢，因為我個人喺呢方面比較唔定，不如諗啲新嘢。」 #娛壹".