8. urtea zerrenda honekin. Joko luzeenetarikoak kendu ditut 2025ean eta geratzen zaidan gehiena akziora bideratutako jokoak dira.
Zuzenekoei esker, nire bizitzako esparru hau euskalduna bihurtu da, jokoak berauek erdaraz dauden arren.
Egin ditudan hezur-haragizko lagun batzuk, urtean gutxi batzuetan besarkatzen ditut oraindik eta beste batzuekin kontaktu birtuala mantentzen dut.
Aurten amaituko dudan edo ez, niri bost. Zerrendaren ondotik sortu dena, bera baino garrantzitsua da. #DMErronka
Zazpi urte zerrenda honi ebakiak egiten. Iazkoa ere, ez da oso sakona izan. Zerrendatik kanpo, erdi amaituta neuzkan joko batzuk guztiz amaitzeko urtea izan da. Baita Super Mario 64 euskaraz gozatzeko urtea ere!
Zerrenda honi esker, lagun birtual berriak egin ditut. 2024ean, horietatik 5 lagun desbirtualizatzeko aukera izan dut gainera.
Aurten zerrendari irmoago erasotzea gustatuko litzaidake. Ez dut uste 2025a zerrendaren amaiera izango denik ordea.
Secret of Mana amaituta azkenean! Buruhauste asko eman dizkit software honek. Ideia onez betea dago, baina jostagarritasunaren oztopo diren arazo asko ere baditu.
Mila esker nirekin zaudeten guztiei!
Guzti hau hemen gertatu da: https://www.twitch.tv/doublemauler
Nahiko ezezaguna den jokoa, arcade jostagarritasun bikainekoa eta Super Nintendorako zailenetarikoa. Erronka "Game Over" hitza agertu gabe amaitzea zen. Espero ez nuena, bizitza bakar bat ere galdu gabe gailentzea izan da!
Guzti hau hemen gertatu da: https://www.twitch.tv/doublemauler
Demon's Crest jokoari amaiera eman diot. Txateko erabiltzailei eskerrak, merituaren erdia haiena bait da. (Aupa Norbait!)
Jostagarritasun ezberdina dauka garaiko antzeko jokoekin alderatuta. Ez dago gaizki baina bere akatsak baditu. Amaierako zentzugabeko zailtasuna esaterako.
Guzti hau hemen gertatu da: https://www.twitch.tv/doublemauler
Donkey Kong Country 3 amaituta. Super Nintendoko plataforma joko onenetarikoa nire iritziz. Tximinoen bigarren tituluaren pareko.
Mila esker zuzenekotik igaro eta idatzi duzuen guztiei.
Guzti hau hemen gertatu da: twitch.tv/doublemauler
Sei urte igaro dira jada gainditzeke nituen bideojokoak zerrendatu eta banan bana pasatzen hasi nintzenetik.
2023an ez diot hozkada handia eman nire zerrendari, beste proiektuetan murgilduta izan naiz eta. Beraz, gaitzerdi.
Afera honek hasieran pentsatutakoa baino gauza gehiago eman dizkit. Alde batetik bideojokoekiko maitasuna berreskuratzea. Baina bestetik, zuzenekoak egiteko grina eta honek, euskararekiko lotura estuagoa eta nola ahaztu, hezur eta haragizko lagun berriak.
Chrono Trigger zerrendatik ezabatu dut urteari amaiera eman baino pixka bat lehenago.
Joko hau sekulako maisulana da eta asko poztu nau disfrutatzeko aukera eduki izanak.
Beti bezala, mila esker nirekin abentura hau bizitzera geratu zareten guztiei eta agurtzera pasa zaretenei.
Guzti hau hemen gertatu da: https://www.twitch.tv/doublemauler
Zuzeneko luzeegi baten ondoren, Castlevania Dracula X amaituta. Eskerrik asko pasa zareten guztiei, batez ere Norbait-i, amaierararte animatzen egon eta aholkuak emateagatik!
Guzti hau hemen gertatu da: https://www.twitch.tv/doublemauler
Megaman X3 amaituta! Barre batzuk egin ditugu Sigmaren kontura.
Ez dakit nire hurrengo jokoa zein izango den. NES-eko Castlevania edo SNES-eko Earthbound eta Donkey Kong Country 3 dira buruan darabilzkidanak.
Guzti hau hemen gertatu da: https://www.twitch.tv/doublemauler
DoubleMauler