娛壹 as1.entertainment on Instagram: "《弊傢伙！我要去祓魔》 被記起名字「阿神」曾贊學 真摑強尼7巴21頁紙對白 獲讚刮目相看 “加埋試戲同轉機位 其實強尼大哥係食咗21巴 但佢好好，叫我放心做，畀我信心” 戚導一take收貨 爆強尼事後受傷睇醫生無怨言 阿神一直被瞞 《弊傢伙！我要去祓魔》前晚(17日)第6回尾聲，毛無邪( #強尼 飾)在酒吧被18年前借屍還魂的忠粉阿寬( #許晉邦 飾)找上，對他控訴的一幕，引來迴響。 劇情回帶︰ 毒L阿寬生前崇拜毛無邪，視他為偶像，牢記對方一言一語。毛無邪開87班教學，他全都報讀，求的只是偶像記得他的名字，但事與願違，就連意外身亡，都與這位曾目中無人的毛無邪有關。 阿寬死後，借了黑幫兒子阿佐的軀殼回到人間，向毛無邪報復，他狠狠摑了毛7巴當摑到第5巴，偶像終於記起他，最後還說出他的名字「梁樂寬」。毛無邪的覺醒歉疚，令這位曾忠心追隨的粉絲，終於釋懷，放下執念往生。 【MVP曾贊學】 「梁樂寬」的名字被記起。飾演「阿佐」與「梁樂寬」還魂的演員，也藉着刮目相看演出，名字被網民記起，他叫 #曾贊學( #阿神)。 阿神從首屆《全民造星》出道，入行6年。去年在跑步節目《公司冇逼我跑馬拉松》，由缺乏自信、容易放棄，到漸漸重拾鬥志，繼續全力以赴。他是前晚《祓魔》的MVP。同場的許晉邦與強尼，有層次演出，同樣贏得掌聲。 【戚導︰強尼叫阿神把握機會，唔好留力】 掌摑變掌聲，背後藏着動人情節。強尼臉上的七巴摑得啪啪響，如導演 #戚家基 在社交平台說︰「辛苦你(強尼)，每一巴都係堅打。」 事後戚導回應《娛壹》，他說起初打算借位拍，但強尼要求真摑，為讓對手阿神能緊握機會，成就一場精彩的交流。「係強尼叫阿神真摑落去，佢畀好多鼓勵阿神，叫阿神唔好留力。」 【事後隱瞞對手受傷】 硬食7巴後，戲中的強尼摑到臉腫，鼻血流。而真實中，他拍罷要睇醫生。戚導謂︰「因為阿神有一下無情力，拍完呢場，強尼係有少少受傷，之後去咗睇醫生。」但他沒半句怨言，更沒將受傷實情告之對手。前晚強尼在社交平台那句「今晚唔傾咁多住，因為要幫塊面敷冰先🧊」，看似戲言，也是實況。 掌摑Ending，需分兩鏡拍攝，戚導記得當日強尼跟他說︰「阿神啲對白緊要啲，拍佢先。」戚導續謂︰「強尼話拍咗阿神close up先，take晒阿神啲嘢，之後先拍返佢嘅反應。兩個表現都非常好。」自己好，也想對手好，正是大將的胸襟。 【欣賞阿神工作態度】 機會總留給有準備的人！戚導拍《暖男爸爸》時，已欣賞阿神工作態度。今次為他寫下21頁紙對白，阿神亦做足功課，結果成就一場破格演出。 「好記得《暖男爸爸》時，佢同章尾而喺便利店嗌交戲，佢演出令我嘩一聲，做得好好，係一take過。」 【拍畢全場報掌聲】 《祓魔》那場，同樣一take已令導演滿意收貨。「佢嚟嗰日，我起初喺現場有少少擔心，因為佢演嗰個角色，其實係許晉邦嘅『梁樂寬』，但佢對『梁樂寬』冇任何feel，因為冇接觸過，仲要唸大堆風水對白『明堂開闊，氣流暢通……龍動虎靜，龍強虎弱』，佢亦只有兩日時間預備，而家出街呢個take，係第一個take，呢場戲冇拍到take two，做完take one ，我話唔使再第二take，因為唔會好得過呢take。」他說當日岑樂怡、Kathy仔、小野(盧鎮業)、黃溢濠、米露迪及許晉邦等在場，連同來探場的經理人，個個都屏息靜氣，欣賞阿神與強尼這場對手，完成後全場報予掌聲。 【撐起頭家 兼職物流管理】 阿神終於被看見，不枉為夢想堅守至今。他說近年母親退休，他背起家庭擔子，演藝以外還兼職做物流管理，維持家庭開支。雖然身心有點疲累，但從沒想過放棄喜歡的幕前工作。 【認真完成 贏得下次機會︰好似打機闖關咁】 發光前，他感激每位對他信任的人，包括導演戚家基。「接拍呢個劇時候，我拍緊《馬拉松》個節目，一星期前收到劇本，但拍攝前三日仲改緊啲對白，去到一日前先收到由15頁紙，變為21頁紙嘅對白，於是我由下午4點溫到12點，之後凌晨4點起身出門開工。 「每次有戲劇，唔理戲份多少，我都盡全力做，既然成為齒輪一份子，點可以拖累。每次認真做完，又有下次機會，感覺幾奇妙，就好似打機闖關咁。」 【硬食21巴】 回想當日7巴真摑，他感謝前輩強尼叫他放膽盡做，「大哥嗰句『呢半集，你要好好把握！』真係銘記於心，亦係每次我同自己講，盡力做先對得住畀機會我嘅人，所以事前做足功課。劇本係摑7巴，但由試戲試力度同憤怒程度，加埋兩次轉機拍，其實強尼大哥係食咗21巴，但大哥好好，總叫我放心做，畀我信心，佢話會配合，所以係感動。強尼大哥一直都幫我好多。」 【強尼受傷 阿神愕然︰佢唔講唔想我內疚】 他從記者口中，才得知強尼當日食了一下無情力而受傷，阿神既愕然亦內疚︰「吓，我完全唔知整親佢，佢瞞住我，可能唔想我內疚。 「拍前我同佢講，我唔係好識借力，可能令你辛苦。因為永遠唔知係咪最後嗰take，所以每次唔敢太細力，係好忐忑。拍完佢仲問我飲唔飲湯，談笑風生。我唔知佢原來受咗傷，真係要同佢講句對唔住。」 #弊傢伙我要去祓魔 #娛壹"

1,279 likes, 22 comments - as1.entertainment on February 18, 2025: "《弊傢伙！我要去祓魔》 被記起名字「阿神」曾贊學 真摑強尼7巴21頁紙對白 獲讚刮目相看 “加埋試戲同轉機位 其實強尼大哥係食咗21巴 但佢好好，叫我放心做，畀我信心” 戚導一take收貨 爆強尼事後受傷睇醫生無怨言 阿神一直被瞞 《弊傢伙！我要去祓魔》前晚(17日)第6回尾聲，毛無邪( #強尼 飾)在酒吧被18年前借屍還魂的忠粉阿寬( #許晉邦 飾)找上，對他控訴的一幕，引來迴響。 劇情回帶︰ 毒L阿寬生前崇拜毛無邪，視他為偶像，牢記對方一言一語。毛無邪開87班教學，他全都報讀，求的只是偶像記得他的名字，但事與願違，就連意外身亡，都與這位曾目中無人的毛無邪有關。 阿寬死後，借了黑幫兒子阿佐的軀殼回到人間，向毛無邪報復，他狠狠摑了毛7巴當摑到第5巴，偶像終於記起他，最後還說出他的名字「梁樂寬」。毛無邪的覺醒歉疚，令這位曾忠心追隨的粉絲，終於釋懷，放下執念往生。 【MVP曾贊學】 「梁樂寬」的名字被記起。飾演「阿佐」與「梁樂寬」還魂的演員，也藉着刮目相看演出，名字被網民記起，他叫 #曾贊學( #阿神)。 阿神從首屆《全民造星》出道，入行6年。去年在跑步節目《公司冇逼我跑馬拉松》，由缺乏自信、容易放棄，到漸漸重拾鬥志，繼續全力以赴。他是前晚《祓魔》的MVP。同場的許晉邦與強尼，有層次演出，同樣贏得掌聲。 【戚導︰強尼叫阿神把握機會，唔好留力】 掌摑變掌聲，背後藏着動人情節。強尼臉上的七巴摑得啪啪響，如導演 #戚家基 在社交平台說︰「辛苦你(強尼)，每一巴都係堅打。」 事後戚導回應《娛壹》，他說起初打算借位拍，但強尼要求真摑，為讓對手阿神能緊握機會，成就一場精彩的交流。「係強尼叫阿神真摑落去，佢畀好多鼓勵阿神，叫阿神唔好留力。」 【事後隱瞞對手受傷】 硬食7巴後，戲中的強尼摑到臉腫，鼻血流。而真實中，他拍罷要睇醫生。戚導謂︰「因為阿神有一下無情力，拍完呢場，強尼係有少少受傷，之後去咗睇醫生。」但他沒半句怨言，更沒將受傷實情告之對手。前晚強尼在社交平台那句「今晚唔傾咁多住，因為要幫塊面敷冰先🧊」，看似戲言，也是實況。 掌摑Ending，需分兩鏡拍攝，戚導記得當日強尼跟他說︰「阿神啲對白緊要啲，拍佢先。」戚導續謂︰「強尼話拍咗阿神close up先，take晒阿神啲嘢，之後先拍返佢嘅反應。兩個表現都非常好。」自己好，也想對手好，正是大將的胸襟。 【欣賞阿神工作態度】 機會總留給有準備的人！戚導拍《暖男爸爸》時，已欣賞阿神工作態度。今次為他寫下21頁紙對白，阿神亦做足功課，結果成就一場破格演出。 「好記得《暖男爸爸》時，佢同章尾而喺便利店嗌交戲，佢演出令我嘩一聲，做得好好，係一take過。」 【拍畢全場報掌聲】 《祓魔》那場，同樣一take已令導演滿意收貨。「佢嚟嗰日，我起初喺現場有少少擔心，因為佢演嗰個角色，其實係許晉邦嘅『梁樂寬』，但佢對『梁樂寬』冇任何feel，因為冇接觸過，仲要唸大堆風水對白『明堂開闊，氣流暢通……龍動虎靜，龍強虎弱』，佢亦只有兩日時間預備，而家出街呢個take，係第一個take，呢場戲冇拍到take two，做完take one ，我話唔使再第二take，因為唔會好得過呢take。」他說當日岑樂怡、Kathy仔、小野(盧鎮業)、黃溢濠、米露迪及許晉邦等在場，連同來探場的經理人，個個都屏息靜氣，欣賞阿神與強尼這場對手，完成後全場報予掌聲。 【撐起頭家 兼職物流管理】 阿神終於被看見，不枉為夢想堅守至今。他說近年母親退休，他背起家庭擔子，演藝以外還兼職做物流管理，維持家庭開支。雖然身心有點疲累，但從沒想過放棄喜歡的幕前工作。 【認真完成 贏得下次機會︰好似打機闖關咁】 發光前，他感激每位對他信任的人，包括導演戚家基。「接拍呢個劇時候，我拍緊《馬拉松》個節目，一星期前收到劇本，但拍攝前三日仲改緊啲對白，去到一日前先收到由15頁紙，變為21頁紙嘅對白，於是我由下午4點溫到12點，之後凌晨4點起身出門開工。 「每次有戲劇，唔理戲份多少，我都盡全力做，既然成為齒輪一份子，點可以拖累。每次認真做完，又有下次機會，感覺幾奇妙，就好似打機闖關咁。」 【硬食21巴】 回想當日7巴真摑，他感謝前輩強尼叫他放膽盡做，「大哥嗰句『呢半集，你要好好把握！』真係銘記於心，亦係每次我同自己講，盡力做先對得住畀機會我嘅人，所以事前做足功課。劇本係摑7巴，但由試戲試力度同憤怒程度，加埋兩次轉機拍，其實強尼大哥係食咗21巴，但大哥好好，總叫我放心做，畀我信心，佢話會配合，所以係感動。強尼大哥一直都幫我好多。」 【強尼受傷 阿神愕然︰佢唔講唔想我內疚】 他從記者口中，才得知強尼當日食了一下無情力而受傷，阿神既愕然亦內疚︰「吓，我完全唔知整親佢，佢瞞住我，可能唔想我內疚。 「拍前我同佢講，我唔係好識借力，可能令你辛苦。因為永遠唔知係咪最後嗰take，所以每次唔敢太細力，係好忐忑。拍完佢仲問我飲唔飲湯，談笑風生。我唔知佢原來受咗傷，真係要同佢講句對唔住。」 #弊傢伙我要去祓魔 #娛壹".