娛壹 as1.entertainment on Instagram: "港姐冠軍莊子璇家族背景強大 太平紳士出信叨光 揭同鄉會骨幹成員身份 骨痹賀信：她個人的事業發展和貴會的鴻圖大展都將產生深遠的影響 介紹番，今年香港小姐星期日（27日）已經結束，今屆冠軍 #莊子璇（Hilary）係女團COLLAR 成員 #Day （ #許軼 ）嘅同班同學，網民睇完班級大合照，都話阿Day靚樣秒殺港姐冠軍。 莊子璇得到加冕由評判話事，但呢個結果連TVB觀眾都唔認同，公佈結果時已經有人叫「還我陳霈錤」，落選港姐 #胡睿涵 賽後都出膠袋meme圖「好能裝 像你一樣」，好易就令人懷疑暗寸緊莊（裝）子璇，莊子璇噚日見傳媒時就指自己同其他人一樣食花生：「我覺得唔好對號入座先，唔知佢講邊個，可能佢都係想抒發吓情緒。」 胡睿涵冇開名，不過有其他「隊友」就打鑼打鼓開名叨光，揭露原來莊子璇係同鄉會監事。話說昨日有封賀電流出，上款係「香港錦埔同鄉聯誼會 香港錦繡錦埔宗親會 莊金勝會長」，下款係「香港福建社團聯會九龍中分會 九龍中分會 會長王育民JP」，王育民喺信入面不停熱烈祝賀，睇字都feel到陣鄉紳味，「榮膺香港小姐冠軍的喜訊，這是一個令人驕傲和值得慶祝的成就！」、「她在競爭激烈的比賽中脫穎而出，展現了非凡的魅力、智慧和自信。」、「對於她個人的事業發展和貴會的鴻圖大展都將產生深遠的影響。」、「她的成就將成為年輕一代的榜樣，激勵青年人追尋自己的夢想，並相信努力和才華的力量。」王育民又讚新港姐冠軍係同鄉會「優秀的骨幹成員」，又篤爆莊子璇係同鄉會監事，亦即阿女監住阿爸個會。 呢位王育民今年7月獲授勳做太平紳士，同時亦係福建省政協常委、港福建社團聯會副主席，2021年曾參報名選委員第五界別並自動當選。網民本已批評是非港姐奪冠，加上今次見到莊子璇有位咁任重道遠嘅世叔伯，都覺得冠軍真係無可厚非。 【亞軍王怡然缺席活動避風頭】 至於亞軍 #王怡然 的花生指數亦都有冠軍程度，有大陸網民指其父母曾在十幾個城市開英語教室，前年全數倒閉（fyr，2021中國教育部提倡「雙減」，包括禁止補習班超前教學、假日、寒暑假不能上課，不能聘請外籍教師），有家長投訴追唔返學費，形容王怡然係「騙徒」，連內地法院都判家長勝訴，但仍然拎唔返賠償。 王怡然噚日接受訪問就話有真有假，叫人自己分辨吓，講到父母更喺鏡頭前面痛哭，今日港姐繼續有活動，但王怡然就因為「身體不適」而缺席避風頭。 #福建社團聯會 #娛壹"

1,635 likes, 22 comments - as1.entertainment on August 30, 2023: "港姐冠軍莊子璇家族背景強大 太平紳士出信叨光 揭同鄉會骨幹成員身份 �..."