娛壹 as1.entertainment on Instagram: "有片︱ 謝君豪開大師班傳授影帝級演技 「好多前輩教過我好多嘢，我有責任分享出嚟。」 學員搞謝師宴 劉沛蘅演舞台劇在即 感謝教導 ANSONBEAN受教 努力戒壞習慣 ▶️留言有link睇片 #謝君豪 的演技毋庸置疑，先後憑《 #南海十三郎 》及《 #天下第一樓 》獲封影帝、劇帝。最近他特意抽空開辦大師班授徒，指導一眾新演員演技，包括 #劉沛蘅 （Hillary）、陳毅燊（ #ANSONBEAN ）、陳紫萱（Summer）及林熙彤（Hazel）等。 進行最後一堂時，豪哥及助教陳錦龍導演，跟學員們檢討學習成果，並勉勵大家。學員更向豪哥送上感謝信，令到他相當感動，他說：「教書好開心㗎，首先第一樣嘢就係溫故知新，做演員好基本嘅嘢，自己教書嘅時候會諗返，然後提醒返自己，教學相長我覺得好有意思，第二樣嘢，就係睇到佢哋嘅成長，真係好開心同埋感動。」 豪哥見證學員的蛻變，亦感到非常自豪，他說：「佢哋每個人都有唔同嘅成長，呢樣嘢令我感覺打咗支強心針，即係自己教導都有啲成果，好似少少成就解鎖！尤其係冇經驗嗰幾位，我真係由開頭佢哋第一堂上堂，好似好冇自信，講嘢好細聲，到最後一堂，我覺得睇住佢哋嘅自信慢慢上嚟，我覺得呢樣嘢比任何嘢都重要，真係有少少做老師安慰嘅感覺。」 【希望學員有機會實踐】 早於2016年，豪哥已在香港浸會大學電影學院擔任客席講師，相隔多年又再執教鞭，皆因他不時遇到非常好學的年輕演員，同時一直都有不少人主動叩門求教。豪哥說：「做咗呢個行業都好多年喇，其實我之前係好多前輩教過我好多嘢，嗰啲唔係書本嘅嘢嚟，而係身體力行嘅經驗，我覺得我都應該有責任分享出嚟，因為理論上嘅嘢，其實係睇書可以睇到㗎 ，你買本書都睇晒講晒㗎，頭先我都同佢哋講，我話其實你哋上堂主要係分享一啲我對呢個演出嘅睇法，你嘅老師對呢個演出有咩嘅獨特嘅體會，獨特嘅經驗，呢樣嘢先係最重要。」 豪哥滿意學員表演，豪哥認為最重要是有機會給他們實踐：「佢哋最缺乏嘅就係機會，其實一定要做得多，即係拳不離手，舞台劇又好、電影又好，最緊要做得多，所以要多啲機會畀佢哋，喺度呼籲啊大家（業界）都用多啲年青演員呀。」 問到會否再開班？豪哥虛心指要先收集一班學生意見，檢討今次課堂內容。至於如何可以加入「謝家班」，他笑說：「好容易㗎咋，交學費，哈哈哈！其實最緊要就係你鍾意，因為好辛苦，除咗課堂之外，你仲要花好多時間去排戲啦同對手夾啦，仲要返嚟做功課畀我睇，仲要當眾執戲㗎，如果你唔鍾意嗰樣嘢，冇嗰個熱情，你可能覺得係一種負擔。」 12位學員感激豪哥傾囊相授，舉行簡單謝師宴。Hillary表示：「我嚟緊都要演舞台劇，今次呢十堂學嘅嘢，我覺得好幫到我，去分析我嚟緊工作嘅一啲角色。」ANSONBEAN則說：「我發現自己都有好多好多嘢要戒，尤其係我行路好多小動作，都令到自己甩唔到自己嘅角色，我要繼續去努力，去做好佢。」 #娛壹"

537 likes, 3 comments - as1.entertainment on July 16, 2024: "有片︱ 謝君豪開大師班傳授影帝級演技 「好多前輩教過我好多嘢，我有責任分享出嚟。」 學員搞謝師宴 劉沛蘅演舞台劇在即 感謝教導 ANSONBEAN受教 努力戒壞習慣 ▶️留言有link睇片 #謝君豪 的演技毋庸置疑，先後憑《 #南海十三郎 》及《 #天下第一樓 》獲封影帝、劇帝。最近他特意抽空開辦大師班授徒，指導一眾新演員演技，包括 #劉沛蘅 （Hillary）、陳毅燊（ #ANSONBEAN ）、陳紫萱（Summer）及林熙彤（Hazel）等。 進行最後一堂時，豪哥及助教陳錦龍導演，跟學員們檢討學習成果，並勉勵大家。學員更向豪哥送上感謝信，令到他相當感動，他說：「教書好開心㗎，首先第一樣嘢就係溫故知新，做演員好基本嘅嘢，自己教書嘅時候會諗返，然後提醒返自己，教學相長我覺得好有意思，第二樣嘢，就係睇到佢哋嘅成長，真係好開心同埋感動。」 豪哥見證學員的蛻變，亦感到非常自豪，他說：「佢哋每個人都有唔同嘅成長，呢樣嘢令我感覺打咗支強心針，即係自己教導都有啲成果，好似少少成就解鎖！尤其係冇經驗嗰幾位，我真係由開頭佢哋第一堂上堂，好似好冇自信，講嘢好細聲，到最後一堂，我覺得睇住佢哋嘅自信慢慢上嚟，我覺得呢樣嘢比任何嘢都重要，真係有少少做老師安慰嘅感覺。」 【希望學員有機會實踐】 早於2016年，豪哥已在香港浸會大學電影學院擔任客席講師，相隔多年又再執教鞭，皆因他不時遇到非常好學的年輕演員，同時一直都有不少人主動叩門求教。豪哥說：「做咗呢個行業都好多年喇，其實我之前係好多前輩教過我好多嘢，嗰啲唔係書本嘅嘢嚟，而係身體力行嘅經驗，我覺得我都應該有責任分享出嚟，因為理論上嘅嘢，其實係睇書可以睇到㗎 ，你買本書都睇晒講晒㗎，頭先我都同佢哋講，我話其實你哋上堂主要係分享一啲我對呢個演出嘅睇法，你嘅老師對呢個演出有咩嘅獨特嘅體會，獨特嘅經驗，呢樣嘢先係最重要。」 豪哥滿意學員表演，豪哥認為最重要是有機會給他們實踐：「佢哋最缺乏嘅就係機會，其實一定要做得多，即係拳不離手，舞台劇又好、電影又好，最緊要做得多，所以要多啲機會畀佢哋，喺度呼籲啊大家（業界）都用多啲年青演員呀。」 問到會否再開班？豪哥虛心指要先收集一班學生意見，檢討今次課堂內容。至於如何可以加入「謝家班」，他笑說：「好容易㗎咋，交學費，哈哈哈！其實最緊要就係你鍾意，因為好辛苦，除咗課堂之外，你仲要花好多時間去排戲啦同對手夾啦，仲要返嚟做功課畀我睇，仲要當眾執戲㗎，如果你唔鍾意嗰樣嘢，冇嗰個熱情，你可能覺得係一種負擔。」 12位學員感激豪哥傾囊相授，舉行簡單謝師宴。Hillary表示：「我嚟緊都要演舞台劇，今次呢十堂學嘅嘢，我覺得好幫到我，去分析我嚟緊工作嘅一啲角色。」ANSONBEAN則說：「我發現自己都有好多好多嘢要戒，尤其係我行路好多小動作，都令到自己甩唔到自己嘅角色，我要繼續去努力，去做好佢。」 #娛壹".