Я, пан Іван, бортнік уваходаў Палескіх, астравоў Свірэскіх і Вербужскіх, сучасны бортнік, ініцыятар уключэння бортніцтва (культурная форма старажытнага пчалярства) у Нацыяльны і Сусветны (ЮНЭСКА) спісы нематэрыяльнай культурнай спадчыны, практык і папулярызатар бортніцтва ў Беларусі і Ўсходняй Еўропе.
Слава Пчале і бортнай сасне, лезіву-жэні і вострай пяшне, дуплістаму бору, шырокаму дубу, слаўнаму бортніку і Слепету ў дупле!
| Прастора ляснога бортніцтва | https://bortnictva.by/ |
| Першы бортны канал | https://youtube.com/c/bortnictva |
| Падкаст Бортныя хронікі | https://bortnictva.mave.digital |
| Patreon | https://patreon.com/bortnictva |
#бортніцтва
Сёння (02 красавіка, 20:00) прэм'ера майго першага відэа кліпа.
Bee whisperer 2026 ад Vaŭkalaka Music Lab.
Так, у 21 стагоддзі такое можна зрабіць. І ў маім выпадку гэта быў выклік: як паказаць ва "ўсёй глыбіні" кантэкст бортніцтва Палесся адразу ўсяму свету?
І вось атрымалася стварыць персанажаў, скласці для іх песню (цяжка вызначыць адразу стыль), стварыці музыку і зняць кліп.
#бортніцтва
Вось тутака вам невялікі анонс майго (аўтарскага) фільма.
Па спасылцы можна ўжо рыхтавацца да прэм'еры:)
Больш тэксту там жа ў апісанні да відэа.
Прэм'ера на Ютуб на маім канале - Першы Бортны Канал.
https://youtu.be/vBvhz2oiO9o?si=HUKYiZ_aygRuOAwO
Дзяліцеся, дасылайце сябрам і знаёмым. Гэта ўсё дазваляе гісторыі жыць далей.
#бортніцтва
Вітаю шаноўныя і апантаныя прыхільнікі бортніцтва! У гэтым выпуску (Сезон 2, выпуск 16) мы з вамі нарэшце дабраліся да першага і, мабыць, галоўнага дрэва для кожнага бортніка — дуба.
#бортніцтва
Чарговы выпуск падкаста, калі што, то адзінага ва ўсходняй Еўропе :)) хаця і іншых частках света не чуў :))
Гэтым разам пра дзёгаць.
Сезон 2, выпуск 13 - Самы галоўны панятак і адначасова адрозненне ад звычайнага ўспрымання бортніцтва як дзейнасці чалавека. Так, бортнік не ходзіць збіраць мёд - ён ідзе глядзець пчол.
Гэта новы падкаст, дзе мы працягваем вывучаць і спасцігаць таемны свет бортніцтва Беларусі. Гэтым разам мы пойдзем разам з вамі глядзець пчол - гэта адказны і важны этап календарнага цыкла прац і ўзаемадзеянняў чалавека (бортніка) і дзікай прыроды (пчалы).
Сезон 2, выпуск 12 - Промысел бортніка не толькі даглядаць і ахоўваць пчол - а ўмець працаваць з рознымі рэчывамі і вадкасцямі.
Гэта новы падкаст (другі эпізод) другога сезона - дзе мы працягваем вывучаць і спасцігаць таемны свет бортніцтва Беларусі.
Гэтым разам мы будзем разам з вамі варыць воскадавіны (оскодавіны, васкадавы, оскодавы) - напой для пчол, воск і напой для людзей.