Aué me brembi deth dia dera proclamacion dera independencia de Catalonha. Jo auia 14 ans e non m'importaue qu'aguest territòri siguesse un Estat independent, mès è eth recòrd d'aqueri dies de seteme e octobre e lo guardi damb un shinhau d'afeccion. Tostemp quan ac expliqui as mèns amics de Madrid, França o a on sigue parli dera mia excitacion quan veia es notícies o es persones peth carrèr, bèth ues plan contentes, d'autes enfadades. Oh, ath Rubèn de 14 ans li shautaue era polarizacion!

Un defècte qu'e e que m'agradarie cambiar ei eth mès "meravilhós talent" per a pensar en bères causes massa viatges. Me shautarie auer un shinhau mès de tranquillitat laguens deth mèn cap e non èster eth disc ralhat que sò a viatges... Mès, ben, ei açò possible?

Hè dus dies qu'è començat es classes, donques non ei eth milhòr moment entà hèr aguest toot 😂 Mès, es mies #vacances #ideaus me portarien a descorbir bèth lòc nau en bèra part deth mon, non ei pas important que sia luenh d'ací o non. Per exemple, ua ciutat que vòli conéisher ei Londres, pr'amor que pensi qu'a fòrça istòria, monuments e vida culturau que vòli veir!

Eth mèn #trabalh consistís a hèr visites toristiques dera mia ciutat: Lhèida. Totun, tanben n'è hèt en Bordèu. Ei ua ocupacion plan interessanta e que me shaute fòrça. De hèt, non se guanhen molts diners, mès tanpoc trabalhi massa ores e, a mès, sò "eth mèn cap" (coma díden beths influencers emprenedori ridiculs). Ua causa que m'agrade fòrça deth mèn trabalh ei eth hèt que cada dia pòdi conéisher quauquarrés de nau.

Hè quaques dies publiquè un article sus era relacion entre lengua e vot en Catalonha e País Basc. Non parli pas der aranés, mès esperi qu'interessarà beths uns e bères ues... https://theloop.ecpr.eu/how-language-is-shaping-politics-in-catalonia-and-the-basque-country/

Víuer en eth present o auer perspectiva de futur? Aguesta ei ua qüestion qu'ara ei fòrça presenta ena mia vida. M'expliqui. Deman començarè es mèns darrèrs quate mesi de classe. E despús? Qué vierà despús? Ues bones pràctiques? Ac esperi. Mès a on? Non ac pòdi saber encara. E mès tard? Harè un doctorat? Ua oposicion? Non ac sabi tanpòc. Mès, òc, ei vertat, ara me cau pensar en es quate mesi qu'arriben. Me cau víuer en eth present. Mès non pòdi desbrembar eth futur, me cau construir-lo encara!

Entà jo ei dificil de compréner eth #pòliamor. Totun, non pòdi pas díder que non ei pas ua alternativa vertadèra ar amor tradicionau pr'amor que pensi que serie fòrça arrogant negar bèra causa sonque perque non arribi pas a compréner-la. Dilhèu qu'ei ua auta faiçon d'estimar, alavetz me semble un amor perfècte e legitim... Naturaument, entà aqueri que siguen capaci de sénter-lo, causa que jo non poderie pas hèr.

Aué me cau parlar de proïbicions polemiques que me shautaire proposar... Ei un bon tèma! Prumèr è pensat bères estupiditats, coma proïbir humar o es skaters, mès, en vertat, açò que me shautarie proïbir ei era imposicion lingüistica que hèn es Estats-nacion. Òc, ei "practic" que toti parlem ua madeisha lengua, mès, ath finau, açò respon sonque as interesi deth nacionalisme d'Estat. Cau protegir es lengües a on se parlen, mès ua causa ben diferenta ei imposar era sua a on non se parlèc mai.

Bonjorn. Vòli tornar a seguir eth cors en linha d'aranés (nivèu A2) e creigui que me cau recomençar, pr'amor que eth darrèr viatge non l'acabè pas. Totun, era pagina web non me permet pas hèr era automatricula. Quauquarrés me poderie dar un còp de man? @admin @aalcaine

Viuim en un mon globalizat e pensi qu'aguest hèt non lo cambiaram, sigue quina sigue era situacion. Totun, ei vertat tanben qu'es #pandèmies ja existien fòrça abans, tot just era globalizacion les accelère... Pensi qu'eth mès important que pòden hèr es autoritats publiques ei prevenir aguesti maus damb inversions, damb regulacions et contraròtles sanitaris mès estrictes en bèri païsi, e damb era creacion de mès lhets enes espitaus, macarèu!