(近)荃灣有無拉麵推介

#ss

天下一品 - 變化多 味道唔差嘅連鎖店 (三)

ローストビーフ丼=燒牛肉飯 未至於好好食 你當係去吉野家食個牛肉飯咁 只不過係燒牛肉 但基於我想食日本嘅燒牛肉想左好耐 係有私心加分 面頭個汁酸酸地都幾開口
餃子同炸雞 餃子比起香港一般食到嘅味道就好少少 細細隻似「一口餃子」 有齊餃子汁同辣油 合格 炸雞就揀左清D嘅青蔥鹽味 一大堆嘅蔥配上鹽同胡椒 清新得黎又幾夾炸雞嘅肉味

整體而言 味道可以話係中上 未去到非試不可 但絕對係值得一試 非常滿足嘅一餐 雖然以拉麵店嘅角度黎睇 佢提供嘅食物種類可能係雜左少少 但以連鎖店嘅角度睇 算係中規中矩 恰到好處 除左以上提及過嘅食物 其實飯麵都仲有唔少變化 例如炒飯/牛丼 拉麵亦可以有唔同嘅自訂配料 甚至係幾款組合埋嘅定食 再加入唔同店舖唔同時間會有限定嘅菜式 相信如果你係第一次去嘅話 應該都會用左唔少時間係睇餐牌度

#ss #kwanjaieatallday #852 #hk #hongkong #hkig #hkfood #hkfoodie #food #eat #holiday #日本美食 #餐廳介紹 #日本 #拉麵 #天下一品

天下一品 - 變化多 味道唔差嘅連鎖店 (二)

入到去 格局都有少少似家庭式餐廳 店員帶完位之後就睇下餐牌 經過一番深思熟慮同商討之後就叫左成枱野 上枱嘅時候已經就黎12點 除左每人一碗拉麵 仲叫左燒牛肉蓋飯(套餐包埋拉麵) 青蔥鹽味炸雞同埋餃子

先集中講拉麵 以我睇佢餐單同睇網上資訊所得出天下一品嘅特色係可選擇嘅湯底 最主要嘅三款係 こってり(濃厚)/あっさり(清淡)/屋台 前兩樣從字面上都明白 而屋台味就係兩者嘅平衡 屋台即係日式大排檔 比較出名嘅應該都係福岡天神一帶 九州就出名豬骨湯底 而天下一品嘅湯底就係用雞骨同蔬菜而煮成 雖然我地兩碗都係濃厚未能夠同大家介紹其他味 但我都想推介呢款濃濃嘅湯 唔知係咪因為用左雞骨 濃得黎亦唔會好肥膩 至於麵/叉燒/配料方面 印象唔太深刻 但記得係合格

#ss #kwanjaieatallday #852 #hk #hongkong #hkig #hkfood #hkfoodie #food #eat #holiday #日本美食 #餐廳介紹 #日本 #拉麵 #天下一品 #こってり #ローストビーフ丼 #唐揚げ #餃子

天下一品 - 變化多 味道唔差嘅連鎖店 (一)

今次想介紹嘅係日本一間連鎖拉麵店 叫做天下一品 以我所知 唔同地區同時間係會有特別嘅菜單 所以今次會以我唯一一次食過嘅經驗黎介紹 如果有朋友食過唔同嘅特別菜色 可以留言話我知 呢一次係18年1月去名古屋食嘅第一餐
我仲記得當日去到酒店 整頓好已經成十點幾十一點 雖然本身已經作左食便利店嘅打算 但係Google睇一睇 原來有D連鎖餐廳係開到十二點甚至更夜 最後就揀左天下一品 一黎想食拉麵 二黎從未食過呢間 都算一直想試試

老實講 我本身期待就唔大嘅 因為始終對連鎖店有少少偏見 唔係話唔中意食連鎖 但唔會帶住好期待嘅心情去食 其實都未嘗唔係一件好事 因為無期望就無失望 用平常「口」去試試佢

#ss #kwanjaieatallday #852 #hk #hongkong #hkig #hkfood #hkfoodie #food #eat #holiday #日本美食 #餐廳介紹 #日本 #拉麵 #天下一品 #こってり #ローストビーフ丼 #唐揚げ #餃子

Tabelog．日本連鎖餐廳之我見 (圖)

腩肉燒肉W定食特大飯 (豚バラ焼肉定食 - W定食 ライス特盛)

#ss #kwanjaieatallday #852 #hk #hongkong #hkig #hkfood #hkfoodie #food #eat #holiday #日本美食 #餐廳介紹 #日本 #松屋

Tabelog．日本連鎖餐廳之我見 (三)

講左咁多 係希望大家唔好過份相信評分或睇低連鎖店 高評分嘅餐廳自然有佢地過人之處 但平平無奇 都可以係旅客珍而重之嘅一餐 啱啱過3並唔代表係麻麻地 相反連鎖店有個好處就係好多地方都食得到 味道未必最好 但體驗一下亦無不可

後記 我比較喜歡嘅連鎖餐廳有:
1) 松屋(由其係腩肉燒肉W定食特大飯)
2) ポムの樹 專食蛋包飯 有部分店舖可揀size 最勁係L size 有6隻蛋同6碗飯
3) はなまるうどん 烏冬店 有少少似丸龜 但勝在有唔同種類嘅蓋飯食 通常我會食烏冬再加迷你丼嘅套餐 埋單都係730Yen

2018/03/16
2018/04/08 修訂

#ss #kwanjaieatallday #852 #hk #hongkong #hkig #hkfood #hkfoodie #food #eat #holiday #日本美食 #餐廳介紹 #日本 #松屋

Tabelog．日本連鎖餐廳之我見 (二)

今次唔係想介紹D咩高分餐廳 而係講下啱啱好「過3」嘅一堆連鎖店 為人所熟悉嘅松屋牛肉飯 甚至係一蘭拉麵 都係座上客 (一蘭全國71間分店 只有五間係3.3分以上 最高為總本店 3.52分 - tabelog) 我會俾連鎖店係「一分錢 一分貨」嘅評價 雖然佢地同高分嘅店鋪一比之下 味道可能會相對遜色 但以旅客人氣程度 又似乎未有咁大差別 我會認為係同「身份」有關 唔同地方嘅人有各自嘅飲食習慣 日本人覺得平平無奇嘅牛肉飯 對於我地遊客黎講 可能已經係「平民美食」(雖然香港都有吉野家 但兩地之間 味道同餐牌都有分別 更何況仲有其他主打牛肉飯嘅餐廳選擇) 相反地可能日本人都會視我地覺得一般嘅連鎖快餐店係美食 因為淨係食物種類黎講都已經係從未接觸過 所以對一間餐廳嘅評價雖然應該係以味道行先 但唔多唔少都會受個人飲食習慣同口味所影響

#ss #kwanjaieatallday #852 #hk #hongkong #hkig #hkfood #hkfoodie #food #eat #holiday #日本美食 #餐廳介紹 #日本 #松屋

Tabelog．日本連鎖餐廳之我見 (一)

(第一次寫呢類型嘅文 主要想表達自己嘅睇法 希望大家睇完可以留言發表下意見!)
有去日本旅行想搵好野食嘅朋友 可能會聽過tabelog (食べログ) 佢係一個類似香港openrice嘅餐廳資訊網站 除左基本資訊 亦有用戶交流平台可以打下食評同放相上去 但我相信對遊客黎講 最有用都係評分 因為極具參考價值 滿分為5分 而以我經驗 基本上一般連鎖餐廳都會有3分至3.3分不等 而去到3.5至3.8分就係本地人有機會排隊 對遊客黎講可謂必試嘅「話題店」 而去到4分 都可以稱為神級 而且多數係高價位嘅餐廳 雖然評分嘅人未必係專業人士 可以係任何一位tabelog用戶 但以個人經驗 呢個評分係好反映到餐廳嘅質素 所以我都經常會用呢個平台搵餐廳 (有中英韓介面 未知內容上會唔會有分別)

#ss #kwanjaieatallday #852 #hk #hongkong #hkig #hkfood #hkfoodie #food #eat #holiday #日本美食 #餐廳介紹 #日本 #松屋 #tabelog

混亂拉麵 - 後記 (圖)

圖1係混亂拉麵 其他係小弟係日本食過嘅拉麵店

#ss #kwanjaieatallday #852 #hk #hongkong #hkig #hkfood #hkfoodie #food #eat #holiday #香港美食 #拉麵 #混亂拉麵 #餐廳介紹 #二郎 #二郎系