Podem hèr çò que non podem arribar a imaginar? Sense cap sòrta de dobte era cultura determine eth comportament des individús. A compdar de ben joeni, es mainatges comencen a veir pellicules e series e a jogar damb vidèo-jòcs excessivament violents. Aguesti productes audiovisuaus probotgen era naturalizacion dera violéncia e balhen ua concepcion deth mon on aguesta joga un ròtle naturau enes relacions umanes. Ja sigue enes relacions individuaus, enes collectives e nacionales e tot. #VidèoJòcs

Hè bèri mesi hí ua publicacion sus un des imnes d'Aran, 'Montanhes araneses'. Dempús de víuer-i gaireben un an, è agut era sòrt de poder conéisher fòrça des bandes araneses e occitanes. Ua des que m'an shautat mès a estat Bramatopin. Des sues cançons, çampar n'escuelheria 'Tornaram'. Se ben non ei un imne oficiau, creigui que capte plan ben era esséncia dera realitat aranesa. A despiet des malurs qu'an volut amortar-la, era hlama d'aguest pòble seguís ben viua! 🔥 #Cançon https://youtu.be/bj2E0hszwn4

Un pialèr d'estudis mos an ensenhat com es hilats sociaus connecten damb es nòstes besonhs mès basiqui. Hè uns ans vedí era pellicula 'Blade Runner 2049', on era intelligencia artificiau auie creat ua sòrta de pariones hètes ara mesura de cada un. Er Officer K semblaue gaudir mès dera sua gojata artificiala que d'arrés. Se deja minjam productes hèts en laboratòris, credetz que non hestejaríem damb persones que caperarien toti es nòstes besonhs umans de faiçon artificiala? #Reflexion #Tecnologia

Òla! Dempús deth prumèr an trabalhant coma professor en Aran, vos comuniqui qu'è obtenut eth certificat deth B1 d'aranés! En sò ben capinaut, ja que creigui qu'ei ua bona mòstra des mèns talents de contunhar integrant-me ena cultura e ena lengua deth parçan on viui. Tanben profiti tà hèr-vos saber qu'aguest ostiu contunharè escriuent en mastodon, ja sigue sus es tèmes que me prepause er cors de B2 o d'autes de mès personaus, encara que vos coheissi que non n'è massa d'imaginacion. #Presentacion

Reauament credetz que víuer en present o auer perspectiva de futur ei ua disjontiva? Evidentament, a viatges mos cau hèr sacrificis, o ben causes que dilhèu non mos shauten bric. Mès tanben creigui qu'en bèri casi ei complicat premanir-mos peth nòste futur sense gaudir çò que hèm en present. Per exemple, se non mos shaute apréner a tocar era guitarra, poderam devier bons guitarristes? Se non mos shaute estudiar un grad universitari, poderam devier bons professionaus? #Reflexion #Present #Futur

Non ei cap facil establir es limits d'ua relacion sana. Çampar bères persones auràn besonh de quauquarrés que sigue tostemp ath sòn dessús. D'autri preferiràn ua companhia que se reduisque a un acompanhament que non interferisque bric enes sòns projèctes individuaus. Des deth mèn punt de guarda, andues opcions mos pòden comportar auantatges e inconvenents. Totun, çò qu'importe ei qu'a mesura que creishem, sajam de conéisher-mos cada viatge mès tà saber çò que mos ajude e çò que non. #Relacions

Semble qu'eth pòliamor ei quauquarren que s'esten cada viatge mès sustot entre es mès joeni. Era vertat ei que deuant d'aguesta situacion es sceptiqui mos podem demanar s'açò ei atau pr'amor qu'aguesta sòrta de practiques demorèren perseguides antan, o ben pr'amor qu'an devengut ua mòda passatgèra. Jo creigui que sigue coma sigue, çò qu'ei important ei que cada un pogue èster erós sense hèr mau a arrés n'a çò de madeish, per descompdat! A compdar d'aciu que toti hèsquen çò que vòlguen! #Pòliamor

Qué me shautarie proïbir? Sense cap dobte er hèt de hèr tapatge a compdar des onze dera nèt. Çampar era majoria dera gent que liege aguest toot demorarà ben estonada. Totun, quan viuí en Finlandia descorbí qu'aguesta proïbicion existie en aguest país. Era vertat ei que me shautèc fòrça, pr'amor qu'ena aguesta ora tostemp sò en lhet, dejà siga liegent o dromint. Pensi que serie ua bona mesura tath nòste país, pr'amor que non i a arren qu'asira mès qu'auer vesins brusenti! #Proïbicions #Polemica