舊公司故事。

👇

有人帶隻貴婦黎睇醫生，佢話為咗想幫隻狗扮靚就同佢紮孖辮，但唔知點解佢用橡筋紮孖辮會紮落對耳仔度！仲已經紮咗幾日！

隻狗黎到，對耳仔已經硬晒，我哋一剷毛睇真D，見到對耳仔已經流膿同埋變黑晒，即係D 組織已經壞死咗！

我哋話要切耳，否則對耳仔會腐爛吽到有烏蠅虫，同埋D 毒素會入血變成敗血症，個主人唔信! 話佢用咗神仙水幾日覺得已經有好轉！又問可唔可以淨係食藥！

成段對話都係電話講的，因為主人唔得閒黎，搵佢爸帶狗黎，我同佢傾完電話之後，佢即刻打比佢爸，佢爸當時仲喺診症房，佢隔住電話好大聲講[X！佢哋話要切喎]，佢爸話 [係呀，剷咗毛見到耳仔黑晒呀]，佢再好大聲講 [咩話？剷咗毛？點解會剷咗毛架？]

到最後佢哋約咗第二日做手術，但後來又轉咗去第二間睇。我哋唔介意佢睇多幾個醫生，我哋最怕嘅係當第二個醫生都叫佢切耳嘅時候，佢會唔會選擇 P 隻狗，又或者直接掉佢出街？隻狗女 8 個月大咋，佢仲話要用佢黎生仔...

後記：主人最終帶狗狗返黎診所做手術，每邊耳得返半個耳殼，生返晒毛之後好得意 😍 同埋主人之後有咩唔識都打返診所問，無再自把自為做低能嘢。

#診所故事