jan lili mi pi tenpo sike tu wan li lon poka pi mama tu ona lon tenpo ale. taso suno pini la ona li tawa tomo pi mama meli ona li lon li lape lon tomo ni. mi en meli mi li lon tomo mi li pilin e ike lili tan weka pi jan lili. jan lili li awen lon tomo pona lon poka pi jan pona li pilin pona la mi pilin ala e ike.
#tokipona

jan li tawa ma Maka pi ma Sosi Alapija. ona en meli mi li tan mama sama. mi en mama ona li kama e ona tawa tomo pi tomo tawa sewi. ni la ona li lon ma pi pona sewi lon tenpo pi pona sewi. mi kin li wile tawa sama ona lon tenpo kama.
#tokipona

suno nanpa mute luka tu wan pi mun ni li tenpo pi nasa pona. jan li ken lukin e mun luka tu lon tenpo sama lon tenpo pimeja pi suno ni. ona ale en ma li tawa sike la suno li lon insa pi nasin ona. tenpo ni li nasa tan ni : linja li lon tan insa suno tawa mun wan la mun ante ale li lon linja ni anu poka ona. ken mute la jan li lukin e nasin ni pi kulupu mun lon tenpo wan taso. lukin nasa ni li kama sin lon tenpo sike nanpa mute ale mute mute taso.
#tokipona

mi tawa lon tomo tawa linja la meli en jan lili ona li lon supa poka. jan lili mi li moku e suwi lili mute la jan lili ante li awen lukin tawa jan lili mi. meli mi li lukin e ni la ona li pana e suwi ni mute tawa jan lili. mi ken lukin e pilin pona lon sinpin meli lon sinpin pi jan lili ona.
#tokipona

ma mi la jan wan li ken ala lape pona tan mu waso pi tomo poka. waso ni li mu lon tenpo ike li pakala e lape pi jan ni. ni la ona li toki e pilin ike ona tawa jan lawa. jan lawa li toki e ni tawa jan pi tomo poko: "sina o ante e tomo waso tawa ma ante"
#tokipona

ma Palata / Insija la ilo tawa pi poki suli li jo e waso mute li tawa lon nasin la ona li pakala. o kute e sona nasa ni. sijelo pi jan lawa li pakala. jan mute li lon poka ona. taso jan ala li awen e ona. ni li tan seme ? waso ale li kama weka tan poki la jan ale li wile lanpan e waso a.
#tokipona

ma mi la soweli pi nimi Inli Tiger li moli e meli. jan lawa mute li lon ma ni li alasa lon ma ale. taso ona li ken ala lukin e soweli lon tenpo ni. kulupu lawa li toki e ni tawa jan pi ma ni: o weka ala tan tomo.
#tokipona