#練武唔練腦
講武術前，先講少少個人野。
我以為真係好鍾意睇武俠小說，好鍾意武術(中西古今)，空手、跆拳都學左好多年，中學果陣打交係家常便飯，差在未衰到入黑社會。第一次感受武術既威力，係對住一個識北派螳螂拳既人士，果場比試既結果係我輸到訓係地，真係畀人打到訓地，隻手仲差d斷埋，果時我仲有健身，但都係輸到一敗塗地果隻。
有過咁既經歷，放棄晒之前學過既野，思考左好耐，點解會咁樣。之後遇到其他武術高人，有學詠春、有學意拳，當然有學太極，發覺同我身體狀態最唔合就係太極拳，於是就唔知點解我就決心學。
其實如果當時改學詠春或者意拳，現在都應該稍有小成，唔會好似現在學太極一樣，終身為十三訣沉迷落去。
可能當時發覺自己身體處於最唔好既狀態，所以選太極係最正確既道路。

越來越多用電競之名賺錢嘅下游行業，上游產業發展幾乎係零，沒有產業鏈，金字塔得底層，未有先兆已經直接變成泡沫。欲投身其中者，好自為之。#SS

中脈(一)
承上次先解釋中脈，中脈從何而來，中脈位置於脊椎之內。
脊椎？係，其實應該講係脊髓內既神經。
位置脊椎骨中間中空位置，大家可以睇下圖大概知乜野野黎。
大家會問：又話係經脈黎既？我睇到明明係神經黎喎。
無錯，中脈可以話係神經黎，因為佢係存在於脊髓中膜
講到百幾字，大家應該愈來愈多問號
無論有無武術根底，都覺得發勁呢樣野應該係關人體既經脈事，而又會覺得經脈好似血管有好似血液咁既真氣經過，呢刻突然有條柒頭同你講，發勁其實係神經感應元既野黎，應該會令你覺得佢一係就青山出黎，一係你就會突然發覺食左成世飯，但原來你一直食緊藜麥咁樣。
其實一如我所講，武俠小說真係仆街一樣。大家忽略好重要既事就係力量點樣產生，力量產生係就肌肉舒張而得黎，咁肌肉點舒張？咪就係你個腦畀指示，由神經去控制囉。
咁點樣去令同樣一拳打出去威力增加，最常見係增加肌肉，但如果唔鍛鍊肌肉又想提高輸出又點？咪嘗試增加其他肌肉參與，以及減少力量流失囉。呢D點樣做到？咪就係你身體神經去控制囉。發勁本身可以好科學化講，我畀一個訊號身體，但神經系統指揮多過肌肉組參與，再由神經元控制身體平衡提升效果之嘛。
#ss
#練武唔練腦

中國武術軼聞(二)
中國武術界向來都鍾意認親認戚，本來都唔係乜野大問題，反正人都死晒，你話你套拳跟過達摩、王重陽、張三丰學既都無人可以指正你錯架啦。
既然如此還為何要指正？本來錯得太過甚至完全無中生有者，非解不可。
楊澄甫大師門生無數，入室弟子亦多不勝數，但後人卻生出甚麼十大弟子、五虎大將，本來真正在意者甚少，因為楊公選徒之嚴，入室弟子向來都是才德兼備，真係在意虛名者的根本不是正牌入室弟子，反而是那些癡不上入室弟子之名，又想攀龍附鳳之徒。
楊澄甫真正的五虎將弟子，其實是：陳微明、田兆麟、董英傑、褚桂亭和武匯川。坊間謬誤，以訛傳訛，令人誤信者，以後在江湖同道面前出醜則不值。
此五虎出於何？楊公仙逝時，入室弟子祭文的排名也，所以忽以為是指五大名將，其實只是後世抬舉，不過既為楊公貼金，亦對眾人實力地位的敬重，故一直無人深究。
#太極
#SS

雖然我曾經過作武俠式互動小說以及桌上遊戲製作。
但作為一個真正練中國武術上既修行者而言，真係好想講一句：「武俠小說真係仆街黎架！教壞晒想學武既人！」
希望以後講多D武術體會，分享一下十年來所見所感，為大家講下呢個就笑畀地球人笑到面黃既中國武術，到底係咪真係咁廢。
#練武唔練腦，遲早變廢老

中國武術軼聞(一)
講太極，係人都識得楊式太極，而楊式太極由楊露禪為第一代祖師，傳至其子健候及班候，至第三代澄甫第三代最廣為人知。
楊澄甫之子守中五十年代來港授拳，當時門下鼎盛，對港武術界拓展另一片天地。
現時很多掛名中港台三地楊式太極或楊XX的太極學會/總會/武館兼非楊守中直系或入室弟子所開設。
楊守中唯一的入室弟子只有葉大德、朱振舜及朱景雄三人。葉大德於2004年逝世，他一生沒有公開授徒，而朱振舜跟隨楊守中十多年後，返回波士頓開設武館，另一位入室弟子朱景雄則在英國及歐洲教授太極。其他弟子僅僅是拜門弟子。
作為入室弟子，葉朱三人因為背負楊式太極的招牌榮辱，所以每天在拳館學藝時，所受的待遇非一般拜門弟子可比。
軼聞當時朱振舜雖然已是帶技投門，唯每晚仍需在拳館關門後，與葉大德及朱景雄留在館內直接跟楊守中拆招對練，每晚離開回到寄宿的友人家中時，手腳身體必定有多處紅腫瘀傷。雖然刻苦，但朱可沒有半點言苦，亦因如此才有此等成就。
大宗師對敵人尚可能有留手，但對重視的弟子，可不會留招留力，至少在他獨當一面之前，因為他背負著數代人的名譽。
現在學武之人，有多少可以像朱振舜那份堅持？
#SS
#太極