以前我一開始播歌，係先download左條片，再用Real player播，後來Real player麻煩到不得了，就轉用Window Media Player，呢個時候開始轉做MP3，再過多一排，就再變成用iTunes去播。

iTunes播歌維持左7年，中間嘅歌曲都由之前剩係喺YouTube down片轉MP3，去到而家搵特登MP3、m4a嘅來源，甚至乎播正版CD

去到最近，發現iTunes跳歌情況嚴重左，差唔多新down果堆，只要你係3分鐘以上嘅歌，一去到3分2X秒，就會自動跳到尾，於是今日放棄左用左7年嘅iTunes，轉用MusicBee，又因為可以導入iTunes設定，結果唔駛45分鐘就完成左成個交接期~

[一啲都唔浪漫嘅天文望遠鏡 IV ]

講埋第二種望遠鏡，叫Reflector。同Refractor唔同嘅係，佢主要係靠兩塊凹凸鏡黎集光，而且佢嘅optical path(光過嘅路程)係相等於實際長度一樣嘅refractor嘅兩倍，因此外型上係比較短又肥。

光從外面入黎之後會直鏟入望遠鏡嘅底部，撞落一塊串窿嘅凹鏡，叫Primary mirror，然後向相反方向反射；撞落塊鏡上唔同位置嘅光都理應會集中返同一個焦點上。隨後光又會撞落另一塊 貼近望遠鏡入口位置、比較細嘅凸鏡，進行第二次反射。呢個時候所有光都會返返同一點上，經過塊凹鏡嘅窿出街。只要放返個細小嘅凸透明鏡片落去你就可以用眼望倒個影像。

上面講呢種叫Cassegrain reflector，reflector中比較典型嘅一個。簡而言之，就好似將個refractor摺被咁摺，ray path變兩倍。呢個時候要再加大個桶直徑都無難度，唔會搞到要起個兩層樓dome黎放。所以依家普遍黎講都係用呢一種望遠鏡。

　　　
（題外話）啱先睇緊迪士尼動物王國個機動遊戲『阿凡達歷險之旅』，忽然諗起一件關於阿凡達熱潮嘅爆笑新聞：

話說當年大陸張家界有人扮阿凡達上去阿凡達取景個座山度同人影相CAP水，整埋啲核突騎呢婚紗相套餐。特登挖返出嚟，誠意推介俾唔開心嘅人睇睇。

順便貼埋『阿凡達歷險之旅』條LINK。
[4K] Avatar Ride Full Tour of Flight of Passage ride Queue - Disney's Animal Kingdomhttps://www.youtube.com/watch?v=eEDH9npTDp4