#кнігі
Менская трылогія - а вось тут ужо па-сапраўднаму пляскатыя персанажы з падзелам "чорнае-белае", такі альтэрнатыўны соцрэалізм з заменай роляў. Калі слухаў нават успомнілася "рабуй нарабаванае", з філязофіяй апраўдання злачынстваў аўтарам. Плюс пафас нарастае з кожнай часткай амаль да абсурду. Дзякуй чалавеку https://www.youtube.com/@kulturny_katok, які агучыў для ютуба, ня Дробыш, але цвёрдая 4+адсутнасць расчаравання ад пакупкі.

#кнігі
Слон - магчыма праблема завышаных чаканняў пасля прамоўшна, але адчуў сябе чэрствай, безэмацыйнай навалаччу, здаецца, літаратуры сучасную гісторыю ўжо цяжка пераўзыйсці ў жорсткасці і бесчалавечнасці. Чытаецца лёгка, ёсць цікавыя думкі-цытаты, але персанажы вельмі проста-тыпажныя і сюжэт ідзе ў досыць прадказальным кірунку. Але ўсе крытычныя заўвагі можна знайсці ў самой кнізе, такія тут пастмадэрнавыя гульні.

#кнігі
Null - вельмі шчырая кніга пра вайну, месцамі да ўзроўня чорнага піяра, але "усе падабенствы могуць, але не мусяць быць выпадковыя". Як звычайна ў Твардаха шмат роздумаў на тэму нацыянальнай самаідэнтычнасці.
Благоволительницы - успомнілася з Yellowface - "калі ты падабаешся французам, значыць, робіш нешта вельмі няправільна". Падалася трохі зацягнутай і месцамі занадта дакладнай, але гэта адпавядае "стылю дзённіка". Агулам цікавы зарыс не пра банальнасць, а пра рацыяналізацыю зла.

@Zhl13 першы блін комам, а першы сырнік блінам.

#кнігі
"Елаўфэйс" - кніга аб плагіяце, звар’яцеласці сучаснага свету, суб’ектыўнасці апавядання і трывожных разладзьдзях. Цікавы і досыць нечаканы фінальны твіст, хаця падсвядома пачынаеш чакаць іншага фіналу.
"Перамена месцаў" - вельмі па-мастацку напісана, але не скочваецца ў апісанні прырода на паўстаронкі, цікавы фантастычны сюжэт у амаль сучасных (2017) беларускіх рэаліях.