Goodbye子愷漫畫令我著迷之處係圖畫的意境：用色雖好，不如構圖；構圖雖美，不如文字；文字雖雅，不如意境；意境之深，盡在畫中人的背影。
然而，一個背影，若沒有了文字及構圖等等的襯托，就只會是一個沒有深度的單純的背影。
就正如，一個團隊中必定會有一個靈魂人物，但靈魂單獨存在的話，只不過是一隻野鬼。
無論你想達成甚麼目的，請珍惜你的隊友，因為無佢哋嘅話，你做鬼都唔靈。😉
(其實本來想由背影講到身體語言，唔知點解完全離晒題。😑)
wcwoo@karenchiu 唔逼㗎，不過可能有dress code 背心短褲拖鞋唔入得之類，同近十年多咗好多普通話，如果好憎強國人的話要忍耐一下
非必要我都唔想去嗰 d 場合 🙊 其實我唔渴望要睇到真蹟，因為有感受的話唔睇真蹟都會有感受。我比較有興趣知道我有無 Miss 咗佢某 d 畫作。
而其實對於豐子愷嘅漫畫，我都唔係幅幅都欣賞的，例如佢嘅 [護生系列]，同埋佢畫佢 d 小朋友嗰 d 我都無大興趣。
(之前因為太著迷睇佢嘅畫所以睇埋 [豐子愷傳]，知道佢後期畫嘅畫比較傾向宣傳大愛包容，我對呢個時期嘅系列無甚興趣。)
我記得好多年前去睇過一個西洋畫展，其中一幅畫令我印象深刻：昏暗的燈光中一張空凳。
一張好普通嘅畫卻震撼我心靈，久久不能忘懷！(接近廿年了)
可惜當時只係因為朋友邀請所以先去個畫展，無留心畫家嘅名字，無辦法搵到佢其他嘅畫作了。