[師奶都明嘅天文學入門 XV ]

我諗應該都會有人聽過霍金輻射Hawking radiation呢點，但個名可能有少少誤導。一句講嗮：黑洞裡面係唔會嘔光出黎。呢個輻射其實係來自黑洞嘅邊界，佢嘅出現係同量子物理學有關。物理裡面能量守恆原則係可以被打破嘅，只要佢係起極短嘅時間之內發生。正因為咁，我地嘅世界裡面其實係有好多無中生有嘅量子，叫Virtual particles。平日佢會同另一粒Virtual particle一齊出現，又好快咁融合返去變返一粒真嘅particle，彈出彈入，所以我地唔會察覺佢存在。

但當呢種東西去到黑洞邊界嘅時候，呢一對virtual particle嘅其中一粒會跌入黑洞無回頭。而另一粒virtual particle就會搖身一變變成真嘅particle飛出街。所以從外面睇起黎，呢個黑洞就好似發射緊輻射一樣，但呢一粒particle並唔係來自黑洞裡面嘅。

最後，因為能量守恆嘅關係，黑洞裡面嘅整體能量係要保持一樣（另一種講法，佢嘅entropy已經到左宇宙頂點）。因此當有外來嘅量子走左入去嘅時候，黑洞自身嘅能量同重量必定會減少。以上嘅其實都係數學概念。