Ki@芝公園#我家貓故
話說#貓芝 BB時個鼻笨唔係白色嘅🚬
芝執返來時只有一個星期左右大，剛開眼，輕到近乎冇重量。當時拜託了一位朋友嘅媽媽幫手照顧，佢哋屋企有十幾隻成貓，阿伯有好有湊貓b經驗，交託佢照顧我都好放心。
到隻衰妹個幾月大左右時，朋友通知我阿芝個鼻好似生嘢，原本啡色嘅鼻變咗灰色，上面仲有啲霉咁，過幾日去睇醫生時要順便睇埋。😭
擔心咗兩日，去到獸醫度，醫生望兩望，一嘢就摵走咗佢鼻上面撻灰色嘢！😱😱😱
原來⋯⋯
。
。
。
。
。
。
原來個衰妹個鼻真係發霉呀！！！🙈🙈🙈
佢貓仔細細走去偷食大貓啲濕糧！食完又唔識自己抹面！班大貓又嫌佢煩唔理佢！人類發現時已經發咗霉又唔敢幫佢抹！🙈
總之醫生一睇就知係發霉所以一手就幫佢摵咗，但從此佢個鼻啲毛就由啡色有紋變咗做純白色⋯⋯
有好長一段時間，我同我啲朋友都係叫佢做「發毛芝」😬🙄🤦♀️
%圖為佢bb嗰陣❤️
Goodbye