細A做人格言：萬言萬當，不如一默
講咁多野，話自己擔幾多幾多責任，廢話多多，不如直情去做啦，仆街。
因為呢句野，我去到邊到做野，多數對我既感覺係勤力但唔醒目。
反而呢點成為左我被人賞識既地方，無論我依家既師傅或者以前既大家姐，都係話我「醒你就唔夠架啦，不過好在你夠勤力，個人忠直(笑)」
眼見好多所謂醒目，轉數快既人不擇手段，老實講，我好不齒。
做sales咁耐，呢種人多數當自己係最醒，結果通常都無咩好下場。
例如當年做仔果時上頭揀人升揀左我，同期兩個反應快，好數過我(佢地chur客chur到暈)既都無得升。果時個個跌晒眼鏡。
事後好奇問番上司，佢答我：因為你條數穩定，而且勤力，最緊要係唔會多多聲
氣。
呢件事之後，我更加相信呢句野。
[萬言萬當，不如一默]出自清朝 張庭玉老師，有興趣既朋友可以搵搵佢既資料
Bamboo