[師奶都明嘅天文學入門 II ]

好喇，故事為完。我地Milky Way星系側邊有兩個非常接近嘅星系，不過唔同嘅係，佢地比我地嘅星系細好多，而且係圍住我地轉。佢地個名叫Large and Small Magellanic Clouds。另外仲有一個比較大嘅星系，就係我地星系附近，光到肉眼都見倒，佢就係Andromeda Galaxy。以上三個同我地嘅Milky Way，連同其他50個星系，係被通稱為Local Group星系群（見圖二）。

宇宙裡面，就係有無數咁多個星系群。唔好嘗試去picture有幾大，你係唔會有辦法去想像。越讀天文，你會發現我地一啲特別都無。

既然有咁多咁多星星，咁其他星會唔會又有好似地球一樣嘅行星圍住佢地轉？答案係多到唔乸係，我地統稱其他行星為exoplanets。咁究竟要點觀察呢，望下佢側邊有無一點野轉下轉下？錯－－係量度粒星星嘅光度轉變。如果你將你拳頭起燈膽前掠過，你會發現個光度會稍微減少。無錯，如果我地想去外太空搵生命或者適合人類嘅行星，就係要留意下有無呢啲exoplanet。