Malen Osa: "Badakit lasterketetara bueltatuko naizela, baina mentalki gertu egon arte, ez" - Oñati - Goiena.eus

Asteburuan Malagan jokatu duten Calamorroskyrace lasterketa inflexio puntua izan da Malen Osarendako. Oñatiarrak ezin izan du lasterketa amaitu, 2. kilometrorako karranpak jota baitzegoen. "Lasterketetan hain goiz kalanbreekin egoteak, arrazoi fisiko argirik gabe... Badirudi zerbait mentala izan daitekeela, eta mentalki prest sentitu arte ez naiz bueltatuko. Atzera pauso bat eman eta erantzunak bilatzeko garaia da", adierazi du txantxikuarrak sare sozialetan.